دردشة حوامل مملكة المغرب - تجمع بنات المغرب

[ام ريان و رنية]

ونعمة بالله

[Om KHaled]

صبــــــــــــاح الخير

[ilhame]

المشاركة الأصلية كتبت بواسطة أم جويرية

الله يحفظك أمي الحنونة و الله يجازيك بالخير على نصيحتك الغالية يا غالية
حبيبتي واش نفهم كذلك من كلامك أن في هاد الوقت تيكون الحمل صغير بزاف و متيبانش حيت هي قالت ليا العكس قالت ليا خاصو يكون تيبان واضح شوية في هاد الفترة هادشي لي خلعني
مهم اسأل الله أن يثبت حملي و يبارك لي فيه و أن يرزق اخواتي الحمل عاجلا و أن ييسر حمل كل حامل إنه ولي ذلك و القادر عليه

okhti om jwiriya ba3d asalam ad3ou laki alah an yotabita hamlaki wa hamli..hta ana 3ndi mochkila ktacheftha lbareh whia lmachima t9et3atli wnzel 3lia dem wana fsimana 7 khl3atni besah gatli khasni hi nrtah mezyann wmantherekch w3tatni yebrat motabita lilhaml...netmena min alah ykoun m3ak wm3aya wm3a jami3 lmoslimatt wneferho hta hnaya bwlidatna

[ام ريان و رنية]

الله يتبت حملك اختي الهام وخودي راحة ومتهزي والو وعنداك تكوني كتحطي كمبيوتر على رجليك ولا كرشك راه خطير فيه اشعة ويقدر يجهض الحامل ومتخرجيش الى لضرورة القصوى والله يسهل عليك وعلينا كاملين نشوفو وليداتنا

[أم جويرية]

المشاركة الأصلية كتبت بواسطة ام ريان و رنية

اختي ام جورية في هاد الفترة راه تيكون صغير بزاف كاينة لي مكيبانش كاع عندها انا درت ايكو كرافيا لي كدار من التحت ماشي ديال الكرش الاخرى في 6 اسابيع وكان طول ديالو 6 ملمتر يعني صغير بزاف ومنبعد درت ايكو كرافي في اسبوع 10 تبارك الله نبر ولا طول 37 ملمتر يعني 3 سنتيم ونص متخافيش اختي دابا يكبر وخودي حامض فوليك ضروري في 3 اشهر الاولى يحمي جنينك من تشوهات الله يحميه ليك ويحمي جميع ابناءنا وخودي راحة شوية وحتى نعاس مع زوجك حاولي تفادايه في هاد الفترة حتى ترجعي عند الطبيبة وتشوفي شنو غتكوليك الله يكمل حملك وحكلنا جميعا

قال جلا و علا في سورة القيامة ( أيحسب الإنسان أن يترك سدىألم يك نطفة من مني يمنى ثم كان علقة فخلق فسوى فجعل منه الزوجين الذكر والأنثىأليس ذلك بقادر على أن يحيي الموتى)
سبحان الله العظيم فهذا خلق الله...

جزاك الله خيرا حبيبتي أم ريان و رانية على ردك و اهتمامك فقد استفدت منه كثيرا
تحياتي

الله لا يحرمنا منكم أخواتي

[أم جويرية]

المشاركة الأصلية كتبت بواسطة jamola

salam kif toma khoti lhamlat labas 3likom cho akhbar lhaml m3akom ana b3da m3adbni lhamdolah osafi kanhs brassi rir mrhya bara ri nen3as lah ydwz had 3chehor 3la khir o safi khti omjawria lah ysm3k khbar khir kima 9atlk khti omrayan toba rir kayrwno nas sbar chwiya o chof tbiba akhra inchae lah ykon ri lkhir lah ytebt hmlna kamlin ya rab o yrzo9na doriya saliha inchae lah

اللهم آمييين
الله يحفظ أختي جمولة و الله يسهل عليك الحمل و الولادة و الله يمتعك بالصحة و العافية

[أمي الحنونه]

تبارك الله على لمغربيات الزوينات الله يثبت حملك يا الهام ويا ام جويريه ويفرحكم عاجل قبل اجل والدعاء احسن شي واستعينو بالله عز وجل هو قادر على كل شئ

[أم جويرية]

المشاركة الأصلية كتبت بواسطة ilhame

okhti om jwiriya ba3d asalam ad3ou laki alah an yotabita hamlaki wa hamli..hta ana 3ndi mochkila ktacheftha lbareh whia lmachima t9et3atli wnzel 3lia dem wana fsimana 7 khl3atni besah gatli khasni hi nrtah mezyann wmantherekch w3tatni yebrat motabita lilhaml...netmena min alah ykoun m3ak wm3aya wm3a jami3 lmoslimatt wneferho hta hnaya bwlidatna

و عليك السلام و رحمة الله و بركاته
الله المستعان
أسأل الله العظيم رب العرش العظيم أن يشفيك شفاء لا يغادر سقما مهم حبيبتي غير رتاحي مزيااان و مادري حتى شي مجهود و الله المعين و هو خير حافظا

عرفتي هاد الصباح تا أنا نزلت مني افرازات بنية بحال هاديك لي تتجي في أخر يوم في دورة الشهرية و خلاعاتني مع أنني عاطية راسي راحة بزاااف متندير والو تقريبا حتى داري مبقيت تنجمعا كيف كنت و مني اتصلت بالطبية لقيتها مشات الحج و الله المستعان
واش هادشي طبيعي لي نزل مني؟؟واش نتي نزل منك دم دم زعما أحمر اللون؟
و الأخوات لي وقع لها بحالي طمني الله يجازيكم بالخير
و الله يثبت حملنا و الله يحفظه لنا و يبارك لنا فيه و يجعاه سليم معافى إنه ولي ذلك و القادر عليه

[أم جويرية]

الله يبارك فيك أمي الحنونة و الله يتقبل منك الدعاء
عرفتي اسمك المستعار زوين عجبني الله يحفظك الغزالة

[أمي الحنونه]

المشاركة الأصلية كتبت بواسطة أم جويرية

الله يبارك فيك أمي الحنونة و الله يتقبل منك الدعاء
عرفتي اسمك المستعار زوين عجبني الله يحفظك الغزالة

ربي يخليك الحبيبه لأنو امي حنينه بزااااااااااف ياربي يخليها ليا ويخلي ليكم امهاتكم وربي يصبرنا على الغربه اول مره انا تنبعد على ماما حتى عمرني مابت في شي بلاصه بعيده عليها اااااااااخ يالقهر وانتي سيري عند طبيبه غدا ماتبخلي على راسك باش تعرفي اشنو كاين والله يثبت حملك واييسر امرك