تجمع حوامل ليبيا

أم سعد · 11-06-2010, 02:09 PM

السلام عليكم

مساء الخيرات

نسرينا توكلي على الله وديري التحليل وخلاص

نسرينا · 11-06-2010, 02:21 PM

خيرات / ام سعد

خلاص ديرولي تصويت منو يبيني نمشي نحلل ومنو يبيني نستنى شوية ...هههههههههههههه

معراج · 11-06-2010, 02:31 PM

نسرينا انا ليا متزوجه سنه وثلاث شهور وقريب انسكر الشهر الرابع توكلي على الله وديري تحليل منزلي اودم مشيت للدكتوره اليوم ودارتلي تلفزيون 0مديعه0 قالتلي عمره ماشاء الله4اسابيع وعطتني فوليك واباري تثبيت وكل ثلات ايام نظرب وحده ونوليلها يوم22-11 شنو رايكن انا خايفه نظربها الابره ولا لا خايفه شنو اديرلي

حبل الوصل · 11-06-2010, 03:02 PM

معراج عند منو عاينتى

سورينام · 11-06-2010, 03:08 PM

السلام عليكم .. كيف حالكم يا عويلة .. حبل الوصل شن الأخبار .. يلا شدي الهمة وانزلي على ابوالعيال .. نبوك حامل الشهر هذا بإذن الله

سورينام · 11-06-2010, 03:12 PM

معراج .. نصيحة من وخيتك .. تبعي كلام دكتورتك فقط .. وايباري الثبيت مافيش خوف منهم بالعكس كويسات في بداية الحمل .. حتى اني واخذتهم في حملي الأول وواخدة حتى حبوب تثبيت والحمد لله بنيتي ماشاالله عليها تجري وصحتها تمام والحمدلله

سورينام · 11-06-2010, 03:16 PM

حنين المشفشفة ... كيف حالك اليوم.. تعرفي امس درت هريسة عربية حاااااااااارة زي السم .. تفكرتك انتي قلت كان هاذيكا المهبولة بحذاي راني بعتلها منها صونية .. حتى اني لما نحمل تجيني عالحار .. تعرفي ناخد في خبزة ونحط فيها جبنة ونشوي قرون فلفل حاااااار عالغاز ونحطهم على هاذيكا الجبنة وناكل ... يم يم يم يم اتهبببببببببببببل
سهفتك والا لا ... اصلا نشبح فيك ماشية تجري للكوجينة بتديرها هههههههههههههه

سورينام · 11-06-2010, 03:21 PM

عيون أني فراس مازال ماطهرتاش .. انشاءالله بعد العيد لان الصيانة ماخلتنا لاهيين بشي

... وبالنسبة للعيد اني نعيدفي حوش عزوزتي مع سلفاتي الزوزوالكبيرة في حوشها لان الصغار زحمة ماشاالله.. والحق يمشي يوم العيد تعب في تعب رغم ان كل واحد شاد حاجة .. اني السنة الاولى درتلهم القلايا زي ماادير فيها امي .. قالولي شن هاذا احنى ماانديروش فيها هكي .. وبعدها لحسو الصواني لحس.. طبعا هما ايشوحو في الكبدة تشويح في القلاية وايسمو فيها قلايا

.. مشى السنة اللي فاتت درت روحي مانبيش نديرهالهم .. شديت البطون مع سلفتي .. تخيلو بدو العيلة كلها ايقولولي نوضي .. انتي عليك القلايا .. وافتكيت من سريب البطون .. والسنة هاذي الله اعلم .. وحدة من سلفاتي حامل في شهرها .. وبنحصل اني وسلفتي التانية وخلااااااااااااااااااااااااااص

سورينام · 11-06-2010, 03:24 PM

تيمو وينك .. كيف حال رفيف وبوها .. قوليلي كيف بتعيدو في ماليزيا .. طبعا دولة اسلامية حتى هما يذبحو زينا والا .. وزعما بتديري العصبان ..هههههههه كان خلاتك بنتك اتديري حتى قلايا مازيك حد ..

سورينام · 11-06-2010, 03:30 PM

وخيتي راجية كيف حالك وحال عويلتك .. ربي يمن عليك بالشفا والحمل القريب انشاءالله .. اني الاسبوع الجاي بنبدا نصيم في اياماتي لأني جبت فراس 5 رمضان وصمت 4 أيام فقط وبعدين جبت يعنى عندي 25 يوم بنصيمهم مع الرضاعة ربي يعين .. انشاءالله بنبدا نكمل ختمة الرمضان وندعيلكم كلكم ربي يرزقكم باللي تتمنو وبالذاااااااااااات وخيتنا ميرنا