هل الخياطة بطيح؟

[أم أديب]

الســــــــــــــــــلاااااااااام عليكم
بنات انا تميت شهر وخيوطي حقات الولاده توها ماطاحت كلها............
هل هذا شي طبيعي؟
انا بكريه واخاف ماتطيح
وكثير يقولون روحي فكيها عند المستوصف..بس مدرررررررررررررري خايفه
اللي عنده خبره لا يبخل علي

[فتون]

والله مدري حبيبتي بس انا شفت زوجة اخوي تقووووول الموية والملح والمرة كثير حلوووة لخيوط العملية التجميلية تبع الولادة
وانا بعدني ماولدت وبكرية ربي يسعدك ويحميك

[حلا الماس]

اختي ام فهد

ما تخافي عادي بتروح لحالها عادي

بس لازم تشطفي مكانها بمية وملح

او مية وديتول خوفا من الالتهاب لا سمح الله

تقبلي نصيحتي ............

[**سماسم**]

لاء مافيه إن شاء الله شيء طبيعي بس لونج مهتمه فيه من أول يوم طلعتي من المستشفى ..
كان الحين طايحه الخيوط أقولج طريقت أمي تتوضى بالديتول أي تحطه ويا المويه ..
أنتي حطيه بقاروره ومليها ماء وحطي الديتول وكل ما دخلتي دورة المياه توضي فيها ولازم أول ما تخلصين تجففينها من الماء وبرفق لو كان في الاسبوع الاول كان قلتلج أستخدمي عصار الجروح تلاقينه بالصيدليه تحطينه على راس القطنه وتدهنين الجرح فيها بس ما أدري الحين ينفع لج ولاء .. لان هذي طريقت الوالده و الحمد الله
أسبوع بالكثير وماشاء الله تمشي زين وبعد سوتها بنت خالتي وماشاء الله عليها 3 أيام وهي تشتغل بيتها ما فيها شيء ..
والله يوفقج إن شاء الله ..

[دلع]

شهر مره كثير ..هي المفروض خلال 14 يوم تكون نزلت
لو انك رحتي للدكتوره بدري عشان تفكها لك احسن..امي تقولي ان الخيوط اذا ماتفكت بدري اللحم يبني عليها
ويصير ماتنفك الا مع الولاده الجديده
الله اعلم بس هذي خبرة الحريم الكبار ..انت روحي المستشفى وشوفي الدكتوره ايش تقول..
العاده الدكاتره يعطون موعد بعد الولاده باسبوع عشان يشوفون الخياطه..
الله يطمنك.....