دردشة حوامل مملكة المغرب - تجمع بنات المغرب

[ام صيصة]

المشاركة الأصلية كتبت بواسطة ام ضمياء

السلام البنات كدايرين بخير خاصكوم ترحبو بيا هادي اول مشاركة ليا هنا بغيت نسول الاخت دولسي على الكيس لي حيدات واش كايكون بوحدو فالرحم وشحال ديال المدة فاش عرفتي واش عندك الكيس

مرحبا و الف مرحبا بيك ام ضمياء الله يا ودي نرحبو و نديرو اتاي و الحلوة
باش تكوني على خاطرك ايوا عرفينا بنفسك اكتر .......

ربي يخليكم على سؤال عليا احبائي و الله الحمد الله عاد تنفست مني قالي تحليلك مزيان ربي يسترنا من اي شر و لكن انا مكملا دوا و شريب لماء باش مترجعش ليا لحريق تاني
ايوا غير سكتو على زبلا الي درتها في اول زواجي مشيت كناكل لكينا من اول يوم زواجي و من بعد ضراتني و نفخاتني مشيت عند دكتورة باش تنصحني و لكن خرجات عليا قالتلي نركب ليك لولب باش تاخد فلوس و مني ركباتو ليا دارلي حريق و مشكلة في نفس الشهر مشيت حيتو عند واحدة تانية و قالتلي كيفاش ركباتو ليك وانت اصلا عندك قرحة عنق الرحم هادي ما هي دكتورة
ايوا ختكم حيدتو باش نعالج راسي الاول و قالتلي شوفي راسك الاول واش كتولدي عاد قلبي على المانع كنت بوحدي ما عارفة والو في مسائل الستات

ايوا بقيت كي لحمقى نقلب على لولاد سنتين من بعد زواج دخلوني في مشاكل تانية و لكن الحمد الله ربي كبير و فواحد ساعة كيعطي اللهم لك الحمد والشكر

[ام صيصة]

المشاركة الأصلية كتبت بواسطة ام الخلفاء

على سلامتك اختي ام صيصة امين ياربي الله يحفظ جميع الحوامل المسلمات

الله يسلمك ازين راه ليكوكيقولي خص المتانة تكون عامرة باش يبان لو الرحم و بيبي مزيان و الله ما عرفت راه كل زيارة كنموت بحبيس لماء و كيتعطل بناس عندو كتار
اش ندير منقدرش نبدلو راه هو اي رتاح معاه من الاول

[ام ريان و رنية]

اختي متحبسي لبولة لوالو بولي وشربي الماء مدام تيقوليك خسك تكوني شاربة الماء والى سولك قوليه مبلتش حنا هنا في ايطاليا عمرهوم قالو لينا هادشي مع انني فلمغرب شفت دكاترة تيقولوها لنساء هنا والله العضيم شهر هادا درت ايكوكرافيا الاولى وقاتلي فرملية قاتلك طبيبة سيري لطوليط قبل مدخلي عندها وديكشي ليدرت ومني دخلت عند طبيبة دغيا بانليها جنين مع لااناني عندي ديك ساعة شهراين وسيمانة راهوم غالطين اختي عمرك تحبسيها غير خسك تكوني واكلة وصافي متمشيش جيعانة باش جنين ميتكمش وخصوصا الى كنتي باغا تعرفي بنت ولا ولد

[ام الخلفاء]

واخا هكاك اختي ام صيصة راكي دبا تبارك الله فاربع شهور يعني الجنين غيكون باين ممحتاج للمتانة تعمر باش ايبان

وكما قلت لك انا كطلب مني الدكتورة نمشي للطواليت عاد كدير ليا الايكو كما قالت لك الاخت ام ريان

المرا الجاية دخلي عادي وخليه افحصك بلامتقولي والو وانتي غتشوفي براسك ان الجنين غيبان

تهلاااااااااااااااااااي

[Om KHaled]

( •_• نـُور القـمَر •_• )
( ام الخلفاء) (ام صيصة)
(ismahan2000) (ســوســنة )
(dolce) (أم خطاب 3) (amira alaoui)(miss lv )
(khadija 85)(أم ريان ورنية )(نور ايمان)(أم حــــفــصة)(sharazane)(أم حصة)
(أم ضميــاء) (................)(.......................)(......... ...) (......................)(....................)(... .........)(.................)(......... ...)
(............) (...................)(................)(.......... ......)(............)(.............)(...........)
(.................)(...................)(......... ...) (................)(...............)(...........)
(................)(.......................)(...... ................)(.............)(.............)
(.......................)(......................)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)(.............)
(..............)(...............)
(..............)(...............)
(................)(.................)
(................)(.................)
(................)(.................)
(.........)(.........)(..........)(.........)
(...........)(...........)(..........)(........... .)
(............)(...........)(.............)(....... .... ....)
(.............)(...............)(............)(... .... ..........)

[Om KHaled]

السلام عليكم جميعا

شخباركم بنات بلادي ؟ عساكم طيبين, اوا غبراااااا هادي غبرتها من التجمع بصراحة توحشتكم بزااف
انا جيت البارح من الدكتورة وكنت حابة نعرف جنسية الجنين , ولكن سبحان الله كيسمع كلام بااااه قالو جمع رجليك وماتخليهمش يشوفووك راه حشووومة هههههههه غير كنضحك معاكم بصراحة راجلي مابغاش يعرف حتى يتولد وسبحان الله ماكتابش , كل ما يجي رونديفو عند الدكتورة كنقول هاد المرة غدي نعرف واليوم رجعت لدكتور ثاني على حساب هادشي ومتصدقوش شنو قالي , قالي بأن كثرة السونار على البطن له ضرر كبير للجنين ويُحدث اصفرار في الجسم وكذالك العيون ولا قدر الله اذا الواحد كثر من السونار يُحدث خلل في عقل الجنين , بصراحة خوفني بزااف على هاد الخبر وقلت بلالالالالالالالاش ماباغاش نعرف أهم شيء يكون سليم معافى ... المهم انا توحشتكم بزااف وعملت ليكم قرووب المغربيات باش نتجمع فيه اسهل واسهل عبر الماسنجر , انا صيفت ليكم عبر الرسائل الخاصة الايميل وبعض منكم مافهمش اشنو هو , الطريقة سهلة ما عليك غير تضيفي الايميل عبر الماسنجر مثل اي ايميل وبدالك غادي يطلع ليك الايميل محضور , اعملي حضر من جديد والغاء الحضر بعد ذالك ارسال اشارة تنبيه وبعدها قبول ...
والسلام عليكم

[amira alaoui]

يا ربي يكمل علينا بالخير و يحفضنا من اي شر

[sharazane]

السلام عليكم و رحمة الله تعالى و بركاته
كيف دايرين مع الحمل كنتمنى تكونو كاملين بخير
كان عندي سؤال بخصوص الحرقة راها قاتلاني ما شكيت عليكم كتفيقني من وسط النعاس . وحاجة وحدة خرا عندي مشكلة فالتنفس كنولي كندخل النفس غير بالمشقة ما عرفتش هاد الشي عادي ولا لا المهم اللي عندها خبرة تجاوبني الله يخليكم ليا و يسهل علكم الحمالة والولادة يا ربي خليتكم على خير ما تنساونيش من الدعاء
السلام عليكم

[ام صيصة]

ايوا واله كيحير هادشي مني كتكون خاوية كيخرجني و يقولي بلاتي شوية حتى تعمر يمكن كل واحد و الجهاز ديالو
نور انا بعد زرقا في الكمبيوتر كنعرف غير سطحي اما باش ندخل و نخرج نحاول انا مفهمتش ازين ممكن تضفيني من عندك

[Om KHaled]

السلام عليكم

اختي شهرزان لاباس عليك , بالنسبةللحرقة انا عطاني الدكتور حبوب نشربها والحمد لله لقيت معاها الراحة ممكن تطلبي من الدكتورة تكتب ليك حبوب حتا انتي ربي يشافيك ويعافيك

اختي الغاليه ام صيصة عندكي تقولي هكاك حشومة والله راها سهل تنسخي غير الايميل اللي عطيتك وتحطيه في الماسنجر لانني انا منقدرش نضيف لك ايميل القرووب اما الى بغيتي نضيفيك غير اضافة عادية بيني وبينك فهدا كيسعدني ,انا قلت زعمة نكونو في قرووب واحد اون لاين مع الاخوات كاملين وفي اي وقت ... المهم نتمنى تحاولي تضيفي القرووب وان شاء الله تتوفقي فيه .