مشكلتي والله مشكله بالنسبه لي

[ام في هالدنيا]

يابنات عندي مشكله اني حملت بالطفل الاول وفرحت بهذا الطفل
وحملت بالطفل الثاني حتى لايكون هناك فرق بين الطفلين بالعمر ويقدروا يلعبوا مع بعض وارتاح منهم حتى يكون لهم اهتممت مشتركه
والان طفلي عمرة سنتين وكان زوجي يشدد علي بتنظيم النسل والاهتمام بهذا الطفلين
وتاجيل الحمل حتى يعتمدون الاطفال بلبس والاكل والنوم وتنظيم الاحوال الماديه
في السنوات المقبله
لكن حكمت الله في هذا اليوم اني حللت وطلعت حامل وخائفه من رد زوجي ووانا ماخبرته الى الان
ونفسيتي تعبانه ومادري وش اسوي وخائفة من المسؤوليه الي كثرت علي
وان احيانا يوسوس لي الشيطان اني اشيل حاجه ثقيله حتى اسقط الحمل
وكلمت امي وماقالت الا لاحول ولاقوة الا بالله الله يعينك يابنتي على الي انتي فيه
وامي من النساء الي تحب تنظيم النسل وماتحب الاطفال على بعض تكفون وش اسوي
وش نصائحك لي محتارة يارب وانا في هم لايعلمه الا الله
طفلي الاول عمرة 3 سنوات و6شهور
وطفلي الثاني عمرة سنتين

[**سماسم**]

أختي خافي الله شنو تفكرين تنزلينه هذا رزق ربي كاتبه لج تبين تهدينه بيدينج حراااام وطفل ثالث مو مأثر إن شاء الله يجي ويجيب رزقه معاه .. وتقديرين بطريقتج تقولين لزوجج أن هذا الله كاتبه لنا بالرغم من الموانع يمكن هذا الشيء فيه خيره لنا ويكون عندكم بدل الثنين ثلاثه إن شاء الله وبالعكس أريحلج في التربيه ويكون تفكيرهم متقارب .. وخلي تنظيم النسل تبدين فيه بعد الثالث إن شاء الله .. وربي يسهلها لج إن شاء الله وتقومين بالسلامه وتبشرينا بالنونو ويرزقج بره أهو وخوانه يارب ..

[الشوق عطري]

وش هالكلام الي تقوليه الله الي كاتبه اليك يعني حرام عليك خيه هذا الكلام سخط على قدره الله قولي الى زوجك على طريقتك الخاصه وان شاء الله يفهم عليك يعني لو تبين تسقطيه اذا ماراح تستفيدي ولا شي وغيره كذه هذا الي تقولي ابه حرام وتعالي هذا يمكن خير عليك وعلى زوجك ويمكن تتغير الحاله ماديا اذا انجبتي هذا الطفل انتين ما تدري

[سموة الشوق]

مبررررررررررررررروك على الحمل

واشكري ربك كثير على هالنعمه
غيرك يدور عليها

وربي عطاكي هديه ثمينه بحملك اختي

لاتجزعي من امر الله
وارضي بقضاؤه وقدره
ولله حكمه عظيمه خيتو

ووكلي امرك كله لله
وربي يسهل حملك ويرزقك وايانا الذرية الطيبة من عنده..

[سها]

لاتخافى واخبرى زوجك فالحمل رزق ولا احد يرفض الرزق
واياك ان تفعلى شىء يغضب الله

[ام في هالدنيا]

اشكركم اخواتي على كلامكم الطيب
وابشركم اني خبرته اليوم ماقال الا الحمدالله وهذا رزق من عند الله

[عزيزة النفس]

يا اختي الف مبروك الحمل ماتدرين لعل الله يجعل هذا الطفل اللي انتي كارهته هو اصلح عيالك ويعطيه ربي البركه في برك انتي وابوه
ولا تخلي الشيطان يعطيك افكار تسقطين والله هذي نعمه احمدي ربك عليها لو تذمرتي وحرمك الله من الحمل تقولين الحمد لله وبعدين لاتفكري بالماديه الله يرسل رزقه معه يابنت الحلال استغفري والرزق بيد الله ثم بالاستغفار مو بشيل الثقل والتسقيط
الله يعطيك الصحه غيرك يصرف الالوف علشان يفرح بشي انتي ماتبنه

[فتون]

ايه والله ربي يخلي لك هالبيبي بيكووووووووووووووووون احسن عيالك وبتشوووووفين ربي يسعدك

[رمش الهدب]

حرااااااام عليك الناس تدور واتعااااالج وانتى تفرطي

[كوثرية]

ألف مبرووك

من الغريب فعلاً أن احنا نسلم بيتنا للمهندس باعتباره أكثر خبرة منا وننام واحنا متطمنين من تدبيره، ونسلمه الخيط والمخيط .
لكن المهندس والمدبر الأكبر ( الله ) لا نثق في تدبيره

طبعاً هذا كلامي مو بس للأخت أم في هالدنيا، كلامي هذا لي أنا بعد لأني بطفلي الثاني تأذيت كثير بس الآن تندمت على اعتراضي على تدبير الله

زوجك ماراح يقول لك شيء لأن حملك مو انتي اللي اخترتيه ولا انتي مسؤولة عنه، ومن الخطأ إلقاء اللوم على الزوجة .
إذا تصرفتي وكأنك غلطانة رح يعاملك على هالأساس