اعراض غريبة

[Sarrah]

سلامةانا جديدة هون وبدي مساعدتكون
بليز بدي مساعدتكون أنا كان عندي اباضة مبكرة تامن يوم الدورة وبعدها ب٤ ايام نزل عندي دم بني وزهري وبعدين صار عندي افرازات بيضة كتتتير ودوار وغثيان وشهيتي انفتحت كتيير ع الاكل وصار طول النهار ضل نايمة وحس بالتعب من اي شي وصدري عليه خطوط زرق والشراين واضحة والحلمة غامقة وصدري كتير تقيل وفيه الم وصرت ازعل من اي كلمة صار عندي حساسية كتير وصار عندي انتفاخ بالبطن وغازات وجع بطن من كل الجوانب وكل هالاعراض بلشت عندي بعد الاباضة ب ١٠ ايام والم بالبطن متل الم الدورة من اول يوم الاباضة لحتى موعد الدورة وبعدين وقف والدورة متاخرة علي ٥ ايام باليوم الاول من تاخر الدورة عملت اخبار منزلي وطلع سالب ياريت حدا يخبرني شو هالشي يلي عم يصير معي

[فوفو85]

عيدي الاختبار بالدم افضل وان شاء الله نكون حوامل هالشهر اختي

[أم هاجر-غلاتي-]

السلام عليكم ورحمة الله وبركاته
وأنا كمان جديدة هنا وهذي أول مشاركة لي
بس كان عندي متابعة لبعض مواضيع المنتدى من وقت لوقت
شوفي يا حلوة كل الأعراض اللي قلتيها مجتمعة تدل على حمل بالذات ان كانت دورتك تأخرت عليكِ وهي من النوع المنتظم عندك
وعادي انه ما يظهر الحمل في البول او الدم او السونار في هالوقت عند كثيرات
انتظري لحد ما يمر عشرة أيام من تأخر الدورة ثم اعملي تحليل وراح يظهر بإذن الله
بس الأعراض اللي ذكرتيها بالرغم من تشابه اعراض الدورة والحمل لكن اجتماعها وبالكيفية اللي ذكرتيها تدل على حمل أكثر من دورة والله أعلى وأعلم
خبرينا اذا نزلت الدورة او طلع حمل
والله يكتب لك ما تتمنين يارب

[Sarrah]

الدورة عندي منتظمة واتاخرت ١٦ يوم وكنت حامل بس صار عندي اجهاض نزيف لمدة ٣ ايام وبدون الم ومع هيك اعراض الحمل بعدها عندي ، ناطرة دكتورتي ترجع من الاجازة حتى روح لعندها

[Sarrah]

شكرا كتير حبيبتي على ردك

[أم هاجر-غلاتي-]

الله يكتب لك الأجر
بس شوفي ومن خبرة لأني سقطت في رمضان
طالما لسا عندك أعراض الحمل معناه لسا الجنين ما سقط
انا صار عندي نزيف وظل معي الوحم لحد ما أسقطت الجنين لما أسقطت الجنين راحت كل الأعراض دفعة وحدة وحسيت مثل اللي كانت مقيدة وأطلقوها
يعني كل الأعراض بلا استثناء اللي كنت أعاني منها في وحمي راحت دفعة وحدة أول ما سقط الجنين
فانتِ لسا ما سقط لأن الوحم مازال موجود
والنزيف عادي يصير مع الوحدة في بداية الحمل وهذا دليل انك أجهدتي نفسك فانتبهي لنفسك واجلسي على ظهرك طول الوقت وارفعي رجولك لحد ما تروحي عند الدكتورة وتتأكدي من وضع الحمل

[Sarrah]

حبيبتي الله يعوضك يارب، صح انا اجهدت نفسي كتير لمدة ٣ ايام متواصلة، ياريت الله يسمع منك يارب ����

[أم هاجر-غلاتي-]

اللهم آمين
وتفائلي خير