السلام عليكم ..
شحالكم يا حلوات انا هذا اول موضوع لي واتمنى تشاركوني تجاربكم ومشاركاتكم ..
المهم ..
انا كملت سنه ع زواجي والحمدلله مافيني شي ولا ريلي فيه شي بس اللهم هو يداوم بعيد ويي ف الويكند وسبحان الله يوم الاباضه مايصادف يوم يكون موجود.
قررنا نسوي التلقيح الصناعي اللي هو يشلون حيواناته المنوية ويحقنونها فيني ..
في خامس يوم الدورة الدكتورة عطتني كلوميد وبديت اخذ كلوميد لمدة خمس ايام متواصله بعدين رحت العياده وسوتلي الدكتورة سونار مهبلي والبويضه كانت يالسه تكبر .. شافت الحجم وقالت بعطيج حبوب لمدة يومين ( progyluton ) وتعالي عقبها عشان اسويلج سونار مره ثانيه واعطيج ابرة تفجيرية..
المهم ييتها عقب يومين وسوتلي سونار قالت ما شاء الله عندج بيضتين كبار ووحده صغيرونه واحتمال اذا صار تلقيح تيبين توأم ..
ييت ثاني يوم وسويت التلقيح الصناعي والحمدلله حبيت اقول للبنات انها عملية جدا بسيطة واهم شي ماتكونين خايفه عشان ماييج تشنج ..
اليوم ثاني يوم من التلقيح الصناعي وعندي كم سؤال. اولا اذا عندي بيضتين كبار هل احتمال ما احمل ؟ عالاقل بواحد !! لانه الدكتورة قالت كل شي اوكيه والحيوانات المنوية اوكيه ..
ثانيا، بعد التلقيح بساعتين جيه نزل لي نقطة دم متجلطه هل هالشي من التلقيح ولا تعشيش البويضه؟
ثالث شي انا الحين ثاني يوم ومن نشيت الصبح لين الحين احس بشد ف بطني وماخذه مسكن واحس عمري تعبانه ف هل هالشي طبيعي!!! ( مع العلم اليوم يصادف يوم اباضه وهو اليوم ال 14 من الدورة )
شاركوني تجاربكم وشكرا