اكتئاب النفاس والأرق تكفون ساعدوني

[أم عبدالله1991]

السلام عليكم ورحمة الله....
اولا الحمدالله ع السلامه ومبروك المولود الله يجعله من الذرية الصالحه

ثانيا:_
الاعراض اللي فيج جدا طبيعيه ووارده وتسمى كآبة النفاس وتصيب اغلب النساء بعد فترة الولادة...وانا انحطيث مثل موقفج ابكي واصيح كل دقيقه وثانيه احس جبل هم على صدري وكتمة مو طبيعيه حتى اهلي احسهم ماهم اهلي...
طيب ليش هذا كله..؟؟؟
لعدة اسباب
1_ اذا كنتي بكريه لانج تحت مسؤولية كبيره وجديدة عليج وتحسين انج متوهقه ومو عارفه شلون تتصرفين وهذا فقط اول اسابيع وتالي بتعرفين شلون تنظمين وقتج وتتعاملين مع النونو

2_قل النوم والارق لاتنسين النونو في فترته الاولى يقعد كل ساعتين وانتي مايمديج تحطين راسج الا قاعد يبجي سوا من جو او غازات او تبديل بامبرز....الخ

3_وهذا اهم ششي في فترة الولادة الام تفقد الكثير من الدم وهذا يؤدي إلى نقص حديد واعرض نقص الحديد موووو هينه منها:_ الشعور بالكآبة والرغبه في الانتحار شحوب الوجه الشعور بالخمول والكسل وعدم القدرة على بذل مجهود+نقص فيتامين دال وهالفيتامين جداا مهم وبتنصدمين لاعرفتي شنو اعراض نقصه ابحثي وشوفي بتلقين كل الاعراض فيج..

4_لاتنسين بهالفتره الوحده تكون مبتعده عن الصلاة والشيطان يجري بالانسان مجرى الدم احرصي ع الاذكار في الصباح والمساء والرقيه+رقية المولود واحرصي على تشغيل سورة البقرة بصوت خافت في الغرفه اللي انتي فيها...

ولاتحاتين امورج كلها خير بإذن الله..
دمتي بخير��