ساعدوني كيف كيسين فاضيه

[Tata333]

السلام عليكم انا اخر دوره كانت 3/14
واليوم رحت للدكتوره قالت كيسين فاضين ومو عارفه ايش السبب تقول ننتظر
مررره متضايقه مين صار معها نفس حالتي
وصار لي8اسابيع
وعطتني موعد بعد 10 ايام

[انامل طفله]

حبيبتي لا تتضايقين وهدي من نفسك ،، يمكن انتي تبويضج حصل متاخر وللحين ما بين
صبري ١٠ ايام وكثري استغفاااار وان شاءالله تقر عينج بشوفتهم معافين ياااااارب

[شاهناز]

عفوا امتى اخر دورة

[Tata333]

احد نفس حالتي؟

[MnaR]

اهلين فيج حبيبتي
شوفي اسمع من فلانه و فلانه ان عملو لها تصوير و مو باين الجنين او كيس فاضي تراه عادي حجمه بالبدايه مثل حبة العدس فهمتي علي مايبين
ف لا تستعجلين واصبري حتى 15 يوم اصبري و لا تستعجلي و ان شاء الله خير
صديقتي كذا في الشهر الثاني وقالو لها كيس من غير جنين و ماتت بكي بكت كثييير بس امها قالت لا تروحين هي عاندت و راحت مستشفى خاص وعملو لها تصوير ونفس الكلام كيس فاضي
جا زوجها و قال خلاص نروح البيت وكل مره تقول تبي تروح المستشفى يعصب و يقول ضلي بالبيت و لا تطلعين ...... وجابت البنوته تخيلي
يعني الكيس فيه جنين
احياننا يلزمج تروحين اذا نزل منج دم او افرازات او اذا فيج عوار مووووت
انا اقول اصبري و ربي يطمنج و طمنيننا

[عايشه يوسف]

ان شاء الله يبان وخير توكلي علئ الله

[حبيبةة امها]

انا صار معي كذا وقالوا لي خلاااص نزلييييييه كيس فاضي حمل مشوه .. و انتظرت لنهااااية الاسبوع التاسع و رحت و قالوا نفس الشي وبنفس اليوم رحتتتت لدكتوره ثانيه سوت لي سونار مهبلي و بين الجنين والنبض ... انتي انتظري 10 ايام واذا مابين سوي مهبلي ... لاتقلقين يمكن حمل متأخر .. تدرين لما بين معي النبض طلع لي 7 اسابيع ! مع ان كنت مخلصة الاسبوع التاسع .. هذا دليل حمل متأخر .. ان شاء الله تتطمني الموعد الجاي اهم شي اصبري

[noora25]

كيسين فاضين يعني حمل توام والحمل التوام اكيد اصغر من حجم الواحد فاكيد مرح يبين مثل الحمل الواحد اصبري كم يوم بعد وروحي
سوي سونار
والله يكتب لج اللي فيه خير

[Tata333]

الله يسعدكم ويوفقكم ويطمن قلوبك على الردود اللي تخلي الوحده تتفائل

[قوتشي]

عليكم السلام

انتظري شهر زيادة وانتبهي لنفسك
ياما سمعت وقريت مثل حالتك وفي الاخير يبان الجنين
ويطلعون حوامل ويجيبون احلى نونوهات

لكن انتبهي انتبهي من السونار المهبلي في الشهور الاولى
انا اول حمل حملته حسبي الله عليها ذيك الجزارة المجرمة
رحت اكشف اذا فيه حمل لان الدورة شهر ماجتني
ومن دفاشتها دخلت السونار بقووه وتلفلف يمين يسار بدفاشه
اخرتها قالت حمل بس كيس بدون جنين الجنين لسا مابان
وصرفت لي مثبتات وفوليك اسيد واشياء حوامل
اعترف ان وقتها ماكنت ابغى احمل لاني توي ادرس
لكن حسيت بشعور غريب شعور حلو يعني فطرة الامومة وكذا حركت مشاعري
واول مارجعت البيت علطوول احصل دم وقطع غريبه وزي التراب الاسود مفتت شي اول مره اشوفه
الزبدة طاح هالكيس طيحته بسونارها ودفاشتها وقلة ذوقها واسلوبها مايحتاج تربية شوارع اعوذ بالله
الله لايسامحها..

قد كتبت موضوع عنها ونبهت الاخوات منها
للاسف المستشفيات الخاصة ياخذون منك بس مايعطونك
يشوفونك صرافة متنقلة تدفع لهم بس لاذمة ولاضمير
ولا تعامل وابتسامة تشرح لك صدرك
وربي ان المستشفيات الحكومية ارقى واحرص بكثيييير
ويكفي عندهم احدث الاجهزة الطبية لان الحكومة اللي تدعمهم
وماتقصر معهم وتوفر لهم كل شي جديد ومايوظفون الا اكفئ وامهر الاطباء
واكثرهم خبرة واعلاهم شهادات مو زي بعض المستشفيات الخاصة يوظفون
سمكري وجزار وسباك بشهادات مزورة وماعنده الا شهادة متوسط قال دكتور!

استغفر الله
المهم الله يطمن قلبك ويرزقك ويتمم حملك
عليك بالدعاء والاستغفار اكثري منه.