زوجي يخوني ويضربني

[smile girl]

الله يعينج حبيبتي ويصبرج على ما ابتلاج

المعاملة وية هيج زوج تكون كلش صعبة والصبر وياه بعد اصعب
وبالحياة دائما يكون اكو اختيارين

وانتي هم عندج اختيارين لو تتركيه وتريحين نفسج وبالج وتعيشين بس لنفسج وتكونين كد قرارج
لو تتحملين وتدعيله بالهداية

حتكولين اني صعب اعوفه لان هو زوجي وكذا حكولج حقج والانفصال شي ابدا مو هين ولا سهل
لعد خلي نحاول نلتجئ للجانب الثاني

شوفي حبيبتي دائما يكولون الرجال مثل الطفل وواني ازيد على هذا الشي انو الرجال صحيح مثل الطفل بس يكون طفل عنيد ومشاغب وصعب السيطرة عليه

حاولي طول فترة حملج تكون فترة تريحين نفسج بيها من كلشي حتى من زوجج حاولي اطنشيييه وتعوفيه
كلامج وياه يكون محدود واذا كلج اسلوبج وماعرف شنو كليلة اي عادي اني حامل والحامل هيج يكون وضعها واسلوبها ومزاجها
والتهي عنة حسسيه انو هو وجوده وعدمه واحد

ويا سبحان الله كل المخلوقات يبحون الشخص الي يعتني بيها عدا الرجال دائما يحب الي تبيع عليه ثكل والي متعبره والي اطنشه
والخ يعني همة تركيبتهم غريبة وخصوصا صنف زوجج

ف يا حبيبتي لتهتمين كل الرجال خونة اذا مو بكلامة اكو الي يخون بنضراتة اكو الي يخون بكلامه المعسول للغير ولزوجتة يكون سي السيد و تتعدد الخيانات

بس خليها ابالج دام ماكو خيانة جسدية اعرفيه هو بعدة بالسليم لان الكلام مالة ضربية بينما الخيانة الجسدية هاي كارثة ومينسكت عليها ابدا
بس انصحج اذا خلال هالفترة رجع مد ايده عليج حاولي تعوفيه وتروحين لبيت اهلج لان هيج نوعية اذا تسكتيلهم يتمادون

ويارب يهديه عليج وعلى بيته ويخليه يعوف هالطريق الاعوج هذا
وربي يصبرج حبيبتي ويعينج