عطونا تجاربكم لولاده سهله وميسره حوامل...

[أم الفجر]

السلام عليكم
انا متلك بالتاسع وبحب اسمع قصص واراء وتجارب
وبشتغل في مختبر وجنبي دكتورة نسائية وكل الوقت اضل قاعدة بوقت فراغي عند الصبايا اسمع
اشي بخليني اتفائل واشي بخليني اخاف
وشكلو مافي حدن متل التاني كل وحدة والها تجربة
الولادة موضوع صعب مافي مجال يحكولك انها سهلة
كله صعب بس في ناس غير عن ناس بهالامور
انا اليوم فحصت فحص داخلي وكنت مرعوبة ... لاني مش حاسس بشي وصرت نص التاسع
الدكتورة اعطتني جرعة تفاؤل وحكتلي معك توسع اصبعين وعنق الرحمن طري وقصير
ووضع ولادة قريبة ...
توقعاتها انو رح يكون الوضع منيح وما رح اتغلب ان شالله يارب
مع هيك جواتي رعبببببببببببب مابشيلو الا اني اتوكل ع رب العالمين وادعي
من بداية شهري انا مستمرة عالتمر والمشي المعتدل كل يوم مدة نص ساعة تقريبا
وبشرب مشروبات بتسهل الولادة متل القرفة واليانسون ...
بعمل تمارين القرفصاء وانا في المطبخ ...
بنام ع جنبي الايمن وبدعي
بقرأ سورة مريم بانتظام
الله يسهل اموري وامورك يارب
وياااارب يقيمنا بالسلامة يارب احنا واولادنا