طبيعي هيك؟

[أم الفجر]

مرحبا يا بنات ...





انا الحمدلله وبفضل ربنا حامل بالشهر التالت ,,
من اول ما طلعت حامل الحمدلله كلو تمام
ماعانيت اعراض الوحام ,,, لا دوخة ولا استفراغ , ولا غثيان , ولا تعب ,,
هو النعس الكتير أكتر شي صار معي ...
وشهيتي للأكل عادية , ماكرهت الروائح ولا زوجي ولا عطره ولا شي من يلي بحكو عنه الصبايا
بفترة التلت شهور الاولى ,,,
ولأني فنية مختبر تحاليل طبية , تابعت حملي بنفسي
من فحوصات وسونار وكل شي تمام
بين معي الحمل قبل لتفوتني الدورة بست ايام , وبين معي النبض ع بكير ولله الحمد
ومن اسبوعين كان عالسونار مبين البيبي مكتمل وبتحرك وانبسطت كتير لما شفتو تحرك عالسونار
....

اللهم لك الحمد
الشي يلي مستغربتو بوضعي هو زيادة وزني بفارق ملحوظ
يعني انا كنت 64 هيك بالعادة اقل شوي مرات اكتر شوي مرات
,, قبل الحمل بشهر زاد وزني ووصلت 67
حاليا صرت 74 وانا لسة شوي وبصير بالرابع
يعني لو بدي ازيد كل شهر 2 كيلو رح اوصل 84 بالتاسع!!
ليش هيك زاد وزني؟ رغم اني أكلي عادي ماتغير عليه شي وبطبيعتي ما بتعشى
بحكولي البيبي لبداية الخامس ليظهر عالبطن
بس صايرة احس بطني كرة , هاد كرش او البيبي مش عارفة امير لاني بكرية
احكولي تجاربكم بهالخصوص ...

[Fatima 14]

حبيبتي ما عندي علم بس طالما البيبي كلو تمام فلا تخافين ها الزيادة ممكن من يكون بسبب الحمل لأنو في بعض النساء أثناء الحمل بيزيد وزنهم
الله يتمم لك على خير

[ناطرة الفرح]

أهلا ياعسل

أيوه طبيعي زيادة الوزن وبدأ عندي في حملي من الشهر التاني
واعتقد انه احتباس سوائل
ما رجعت طبيعيه الا بعد الولاده بأسبوعين
وشيكي على السكر والضغط
وإن شاء الله مافيك الا العافيه
بالنسبه لبطنك ما رح تحسي غير بالكره لين الشهر الخامس
تبدأ تبان بطن الحمل بوضوح

الله يتمم حملك على خير
استودعي جنينك لله وريحي بالك
ولا تتوتري ولا تتعبي حالك
الله يسهل حملك

[bellamamita]

تأثير هرموني حبيبتي ما تسمعي بنسوان يزيد وزنهم بسبب حبوب منع الحمل
والاحتمال الثاني موية الجنين اسألي الطبيبة اذا كانت أكثر من الطبيعي
لا تخافي
نصيحتي الك نقصي سكر شوي و خبز ومعجنات و حلويات وكل ماتجوعي كلي فواكه عدا الموز
وبالليل كلي خفيف ولو جعتي خيارة او تفاح
واللبن من الافضل نصف دسم
الله يتمم لك بالخير

[إم لجين]

أنا متلك تماماً بأول حملي كنت دايماً وزني في حدود 50-60 لكن أنا حالياً بآخر السابع ووزني 76 وبصراحة مش عارفة كيف لأنو مش مبين عليّ. الحمد لله
عادي حبيبتي ما تهتمي كتير بهاي الأمور.. المهم البيبي وانت أموركم تماماً وما تفكري حالياً كتير بالوزن وخليه لبعد الولادة ع خير ان شاء الله.. قللي قد ما تقدري من الشوكولا والنشويات والاكلات اللي فيها زيت سمسم زي الحلاوة واستبدليها بالخضروات وعصير الفواكه..
والله يتمملك حملك ع خير يا رب.

[Om nony 3nony]

الله يستر انا كان وزني ٦٥وهو المثالي بطولي وحاليا انا بنهاية الثاني داخله ع الثالث وزني ٦٧ونص وبحاول مايزيد كثير يارب

[Om yasmina]

الطبيعي انو بكل فترة الحمل يزيد وزنك عشرة كيلو تقريبا
انتي اعملي فحوصات لترتاحي

[bellamamita]

لت حبيبتي مو طبعي المعدل هو 12 كيلو بفترة الحمل كلها

[أم الفجر]

شكرا كتير حبيباتي
استفدت كتير منكم

[همس .]

حبيبتي شي طبيعي وهذي دليل ان صحه البيبي ممتازه
بعضهم ما يعرفون انهم حوامل الا لما تتأخر الدوره ويلاحظون
زياده ب الوزن وبسبب الهرمونات برضو لها دور ب الوزن
وما تخافي دامك متابعه حملك بنفسك ومتطمنه وشايفه حركه
وحاسه بنبض ولا وحام ولا شي امورك كلها تمام
فتره وتعدي ويرجع وزنك الطبيعي وتفرحي ب النتفه الي معذبك هههههه
ادعيلي بالححححححححمل ودي افرح لما اشوف اول حمل لي 3> ...