طرق صنفرة الوجه ، خلطات صنفرة الوجه

[عروسة المنتدي]

طرق صنفرة الوجه ، خلطات صنفرة الوجه
طرق صنفرة الوجه ، خلطات صنفرة الوجه

طرق صنفرة الوجه ، خلطات صنفرة الوجه





أعدّتها للنشر: آية خالد
أهلا بكل بنات “قمر 14″ في حلقة جديدة من حلقات “جمالك من الطبيعة مع رانيا”، النهارده هنتكلّم عن ماسكات طبيعية لصنفرة الجسم وإزالة الجلد الميت، ممكن تستخدميها في البيت أو في الـspa بعد حمام البخار أو الساونا..

ماسك بحبوب الخردل لصنفرة وتغذية الجسم
المقادير:
كيلو إلا ربع حبوب خردل مطحونة (متوفّرة عند العطار)
كيلو إلا ربع مريمية مطحونة

الطريقة:
- املي البانيو ميه سخنة جدا، وبعد كده ضيفي عليها المريمية وحبوب الخردل وقلّبيهم كويس، وسيبيه دقايق لحد ما المية سخونتها تقل شوية، وبعد كده انزلي في المية.
- اقعدي فيه لمدة تلت أو نصف ساعة، وبعد كده استحمي بمية باردة، ولما تطلعي ادهني جسمك بأي زيت من الزيوت العطرية المفضّلة عندك.
- الماسك ده بينعم الجسم جدا وبيقوّي العضلات وبينشط الدورة الدموية.

ملحوظة:
الماسك ده تقدري تستخدميه لو عندك جاكوزي، بتحطيه في مية الجاكوزي، وممكن كمان تستخدميه بعد حمامات الساونا والبخار بإنك تحطيه على جسمك بعد حمام البخار لمدة ربع ساعة وبعد كده تفركيه كويس، هيكون مفيد جدا في تغذية الجسم وتنعيمه وتفتيح المناطق الغامقة.


مساج باللبن لتقليل السلوليت
المقادير:
ملعقة كبيرة بن
ملعقة صغيرة زيت ورد
الطريقة:
اخلطي البن بزيت الورد، واعملي بيهم مساج يومي على المناطق اللي فيها العلامات في الأماكن المختلفة من الجسم، هتلاحظي إنه بيدوّب الدهون تدريجيا مع الاستخدام المتكرر، وهيقلّل من العلامات خلال 3 شهور.
ماسك البقدونس للتخلّص من السموم
المقادير:
½ كوب ميه
حزمة بقدونس
الطريقة:
- اغسلي البقدونس وقطّعيه صغير جدا، وحطّيه في الميه، وسيبيه يغلي على نار هادية، وبعدين صفّي البقدونس من الميه بتاعته، وحطي ورق البقدونس في طبق.
- اغسلي وشك كويس أوي، وبعد كده استخدمي ورق البقدونس في إنك تعملي بيه مساج للوش والجسم، وبعد ربع ساعة اشطفي وشك وجسمك بمية ساقعة، والطريقة دي بتساعد على إزالة السموم من الجسم، وبتأخّر ظهور التجاعيد، استخدميه مرة في الأسبوع، وممكن تستخدميه بعد حمام البخار لأن الجسم بتكون مسامه مفتوحة وبيستجيب أفضل للماسكات.
- ممكن تشطفي جسمك بمية البقدونس في الآخر بعد ما تخلصي حمامك، وبعدها خدي دش مية ساقعة، وبعد كده حطي أي زيت مرطب على جسمك.


صنفرة بالملح لجسم ناعم ونضر
المقادير:
ملعقة كبيرة كريم مرطب (يمكنك استخدام كريم جونسون الأزرق)
ملعقة كبيرة ملح ناعم
الطريقة:
- اخلطي الكريم مع الملح، وافركي جسمك بيهم جامد جدا، ويفضّل يكون ده بعد حمام بخار أو حمام دافي طويل؛ لأنه هيخلّي الجلد أطرى ويستجيب أسرع، وبعد كده خدي دش بمية باردة جدا، واستخدمي زيت لوز حلو على جسمك كله، أو أي نوع من الزيوت المرطبة المفضّلة عندك، واستخدميه مرتين في الأسبوع على الأقل.

- الماسك ده بيخلّي البشرة منتعشة جدا وناعمة ورطبة وبيزيل الخلايا الميتة.
حوامل

صنفرة بالسكر للبشرة الدهنية

المقادير:
صابونة منظّفة أو غسول بدون حبيبات
2 ملعقة سكر بني أو أبيض
الطريقة:
اغسلي وشك بكمية مناسبة من الصابون، واتأكدي من أنه عامل رغوة كتيرة، وبعد كده حطي السكر على طرف صوابعك وابتدي افركي وشك بصوابعك بحركات دائرية بالراحة جدا لمدة دقيقتين أو تلاتة، وهتلاحظي إن وشك بقى أفتح وأنضر.


ودلوقتي هارد على بعض أسئلتكم اللي بعتّوها لي الفترة اللي فاتت:
إيه الفرق بين اللوسيون والشامبو وحمام الكريم والبلسم؟
اللوسيون ممكن يكون بيغذّي الشعر أو بيقويه، وممكن يكون بيتغسل أو بيفضل على الشعر، أما الشامبو فده بيستخدم لغسيل الشعر، وحمام الكريم بيكون أتقل وبيستخدم أكتر لتغذية الشعر، وأخيرا البلسم ده بيطرّي الشعر ويقلل من هيشان الشعر.
أنا عايزة أعرف إيه الزيوت اللي بتغمّق الشعر؟
زيت المريمية من الزيوت اللي بتغمّق الشعر، وكمان زيت السمسم وزيت الجرجير وزيت الزيتون، وده محتاج مواظبة وتكرار كتير.

[اطفالي حياتي]

شكراً لكـ
على طرح ــكـ دئماً متميز .. من الأفضـل للأفضل
أح ـترامى وتقديرى لكـ
تقبل مرورى البسيط فى ج ــمال موضوعكـ