لله ما اخذ ولله ما اعطى وكل شئ عنده بمقدار

[Am Fatmai]

السلام عليكم اخواتي

ما اعرف كيف اقوللكم صار هالشي 😭
بس الحمدلله دائما وابدا الحمد حميدا يليق بجلاله
ربي كل شي من عنده خير وبركه
واي شي يصيب المسلم من ابتلاء فليفرح لانه ربي بيكفر ذنوبه
الحمدلله يابنات مثل ما كلكم عرفتو قبل فتره بشرتكم بخبر حملي وكان فعلا فرحتي لاتوصف في هذا الحمل لانه ماكنت متوقعه يصير لاسباب بس الحمدلله لله ما اعطى ولله ما اخذ
وبتاريخ 23من هذا الشهر نزل علي افرازات بنيه وانا ابدا ما تطمنت وماتطمن قلبي لانه بحملي الاول ما جاني دم تعشيش البويضه يمكن حمل عن حمل يختلف بس ماتطمنت سيدا ثاني يوم رحت وقلت مايفيدني الا الفحص الرقمي
ولمن سويته طلعت الصدمه نزل لعشرين بعد ماكان قبل يوم واحد وخمسين
هني خلاص عرفت ووكلت امري لله
وقفت حبوب المثبت وانتظر فرج ربي
وطول الفتره ينزل علي بس بني فاتح افرازات واليوم صبح
نزل الجنين وشفته قطعه صغييره جدا مثل الكبد وبعدها كب يكب علي الدم الاحمر
وحمدت ربي اني ما احتجت ابر او عمليات تنظيف او مايشابه
طبعا انا وقفت المثبتات لاني كلمت دكتورتي وقالتلي البيبي في حاله نزول ووكلت امري لله ربي حبييي بيختبر صبري والحمدلله في السراء والضراء
والحين عندي الم فظيييييييع ومغغص ما اوصفه
قلت بسويلي اعشاب وحبه حمرا مع الحليب عشان تساعد
حبيت اخبركم وتدعون لي انه ربي يرزقني بحمل ثابت سليم يارب ولاتنعاد حاله الاجهاض هذي ربي لايذوقها لحد
رغم اني حملي ب اوله بس. عورني قلبي عليه 😭😭😭
وبالنسبه لسبب الاجهاض عندي تكيس فظييييييع وانا اهملت نففسي اصلا ما كنت اخذ كلوفاج منظم االسكر وهو اصلا اهم نقطه لعلاج التكيس ونقص الوزن
بس الحين بموعدي الجاي بخلي الدكتوره تكتبه لي عشان ماتنعاد
وربي يرحم ضعفنا
دعواتكم .

[أم مـــاريا]

ياعمري انتي ياعمري
الله يجبر مصابك و يعظم اجرك
ويربط على قلبك
جربت فقدان الجنين شي مؤلم
الله يصبرك
الحمدلله خليها على لسانك
الله يعوضكم خير و يرزقك الحمل السليم الثابت التام
الله معاك

[jojo 123456]

ربي يعوضك في القريب العااجل بحمل سليم معاافى

[حياتي توأمي]

حبيبت قلبي أم فطامي ربي يعوضك خير حبيبتي ويصبر قلبك ويرزقك اضعاف ماتتمنين ويعوضك خير عن اللي فقدتيه

لله ما أخذ ولله ما اعطى
حبيبتي هذا ابتلاء من الله ولازم نصبر عليه وربي يلهمك الصبر أدري انه شعور جد مؤلم بس هذا وقت الاختبار وصدقيني الخير موجود بس ادعي الله واكثررري الاستغفااااار وخذي بالأسباب ومثل مانصحتك الكلوووفاااج هو مساعد قوي للتخفيف من حدة التكيس ومن الهرمون العالي اللي تفرزه التكيسات وهو هرمون ih

لأن ارتفاع هذا الهرمون بسبب التكيسات يسبب في الاجهاض لا سمح الله فخذي احتياطك لحمل سليم وثابت بإذن الله
وان شاء الله العوض عن قريب

وربي يوفقك يااارب

[Am Fatmai]

جزاكم الله خير اخواتي ان شاءالله ربي كريم وبيجبر القلوب المنكسره
ام حمد اكييييد الحين انا بلتزم بدوا الكلوفاج ما اريد اعيد تجربه الاجهاض المؤلمه
��
والحين الم فطييييييع فوق الوصف عندي يارب يخفف علييي

[حياتي توأمي]

الله يسهل أمرك ويخفف مصابك

[υм вtℓαα]

الله يعوضك يارب بالحمل السليم

[ربي رحيم]

الله يعوضك خير حبيبتي يارب عن قريب او تفرحين بحملك بتؤام انشالله والله اعجبني صبرك ماشالله عليكي ربنا ماراح يخليكي تستاهلين كل الخير على ايمانك او صبرك

[نوت "̮]

الله يعوضك خير ويرزقك بالخلف الصالح ي رب

[Fatima 14]

الله يعوضك أختي ويصبرك لله ما أخد ولله ما أعطى