برامج نفاس مجربه ادخلي وجربي ما يناسبك

[عزيزة النفس]

الوجبات:

1- الفطور: عندي خيارين بالنسبه لي هما:
* سندويشة بيض مقلي مرشوش عليها ملعقه كبيره حلبه مطحونه +فلفل اسود
**خبزه بالمقلاة عباره عن(بر+حلبه+حليب بودره+ملح+سكر+بصله)
تعجن بماء وتدهن بعد ماتجهز بعسل وتؤكل بالعافيه.
***تمر + حليب اللي سبق شرحه.

مهم

آخر عشر ايام من النفاس راح يكون الفطور تمرمقلب بزبده على نار خفيفه
معاه رشاد..
تشربين معاه قهوه او حليب اللي يعجبك..

2- الغداء:
*مرقة لحم مع خضار
**مطازيز
***شوربة كويكر مع قطع لحمه
لما تغرفي الغدا لأكله ضعي عليه ملعقتين ماش مطحون انثريه فوقه
وكليه بالعافيه مع الحرص على اضافة الفلفل الاسود كذلك..

3- العشاء:
1-تمر+حليب
2-اي فاكهه تشتهينها
3-سلطه خضراء او تبوله
4-ممكن وجبة اسماك من اي نوع
تحبينه ..



بالنسبه للفطور ذكرتي وضع ملعقه كبيره حلبه مطحونه (سؤالي الى متى وانا استخدم الحلبه هل الثلاثين يوم الاولى من النفاس وبعد كذا راح يكون فطوري تمر مع رشاد؟)

بالنسبه للخيار الثالث للفطور ذكرتي التمر +الحليب سؤالي يعني اكل تمر عادي واشرب وراه حليب ولا يوجد هناك طريقه ثانيه لاكله ادري سؤال غبي بس تحمليني انا حريصه مره.


بالنسبه للغداء
ذكرتي ان لما نغرف الغداء للاكل نضع عليه ملعقتين ماش مطحون مع الفلفل الاسود

سؤالي:ملعقتين كبار ولاصغار حق الماش وهل نستخدم الماش والفلفل الاسود مع الغداء طيله الاربعين يوم ؟


الحلبه استخدامها على الكثير حتى العشرين يوم الاولى بس..
بعدها تقطعينها حتى من الخبزه اللي تكون من مكوناتها.
التمر مع الرشاد تبدين فيه آخر عشر ايام او ممكن اذا انقطع عنك الدم
تماماً قبلها..
بالنسبه للتمر + الحليب تاكلين تمر ممكن معجون مع كوب او كوبين حليب
مفوح معاه فلفل اسود..
او تاكلينه حبات بالشكل اللي يعجبك..مكنوز او تمر ثلاجه اللي يجي بعلب
برضه مع حليب حار..
بالنسبه للغداء
ذكرتي ان لما نغرف الغداء للاكل نضع عليه ملعقتين ماش مطحون مع الفلفل الاسود

سؤالي:ملعقتين كبار ولاصغار حق الماش وهل نستخدم الماش والفلفل الاسود مع الغداء طيله الاربعين يوم ؟
ممكن ملاعق كبار حقت الشوربه وممكن صغار في البدايه حتى تتعودي على طعمه
فايدته للعظام عظيمه جداً..حتى اللي جربت النفاس من قبل يابنات ولاكانت تاخذ ماش
واخذت هالمره بتحس بالفرق بقوتها البدنيه وسلامة رجولها وظهرها من الالم الدائم
كم سنه بعد الولاده..
احرصوا على صحتكم لان السلبيات ماراح تظهر الا بسن اليأس او قريب منه

وعلى فكره كلمتني وحده خويتي والده قبلي بفرته
خوفتني يوم قلت لها اكل ماش وزين قالت بس ينزل المويات
فقمت قطعته من اليوم العشرين زي الحلبه
صح والا خطأ
والرشاد تقوول ليش الى الحين مااخذتيه
وانها هي اخذته من رابع يوم
وتقول ان الرشاد هو اللي ينظف الرحم وينزل الدم
ماعليك من كلام الحريم..
الماش مفيد جدا للعظام لازم تاخذين منه لو ملعقه صغيره
على الاكل يوميا على الاقل لحد ماينقطع عنك الدم.
الرشاد الحذر الحذر منه وفيك دم..لانه ينشف وبقوه
خليه زي ماقلت لك اذا نشف الدم مع تمر او آخر عشر ايام.
ينظف الرحم نعم من الافرازات ..لكنه يحبس الدم في الرحم.
وسؤال بعد هل التزم بنفس البرنامج مع اخت النفاس
والا لا
مهم تعتنين بنفسك بإخت انفاس وبكل دوره تجيك..
لكن اقطعي الحلبه
واعتمدي زي ماقلت لك الزنجبيل مع القرفه
والحليب مع الفلفل كمشروبات مهمه وقت الدم..
وخلي الرمان آخر شي ..بعد زوال الدم واعتمدي
طريقته الصحيحه ..
وممكن بدل عنه الرشاد مع التمر او العسل للي
تفضله آخر يومين من
3-العسل
لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج..
وانا اشتري من مده العسل الالماني langnese
لانه ثبت بشهادة مربي نحل خبير انه الاصلي..

4- التمر
ممكن استخدامه معجون او عدل كله مفيد بس لقيت المعجون
اطعم واشهىللأكل بس اذا كنتي بتلقين شي نظيف ومن ثقه..

5-الحبه السوداء
تخلط سبع حبات مع العسل وتؤكل كل يوم ملعقه
على الريق من يوم الولاده الى 30 يوم..

القرفه والزنجبيل والحليب بالفلفل محلى بالعسل..
كلها زياده على الفوائد الصحيه..
فيها ميزه قويه وهي تنظيف الرحم والمساعده على انزال الدم
والافرازات..
الحمد لله نزول هالاشياء منك دليل على ان الرحم بدا يتخلص من فضلاته
اول بأول..اول شي الدم بعدين الكدره..بعدين الافرازات.
اتوقع من ثلاث ايام لخمسه بالكثير وتنتهي الافرازات البنيه فاصبري على
اللي انتي ماشيه عليه احسن لك..