دردشة حوامل أهل القصيم - دردشة بنات القصيم - تجمع حوامل القصيم

**طيور الجنه ** · 10-13-2010, 09:58 AM

هلا حنونه مشكوره وبالنسبه لكرشه شي طبعي لاتخافي البكر كثير الي مايبين معهم وانا مابين الحمل وصدق الناس صدقو بالشهر السابع على دخلت الثامن وزني كان نازل وهذا شي طبعي لاتخافي لاني مرره كنت خايفه انه مايطلع سليم والحمدالله طلع سليم وكان حجمه صغير بس الحمدالله والله يقومك ويقومني بالسلامه وانصحك بزبده الكاكاو تدهني جسمك

حنونه · 10-13-2010, 05:12 PM

مشكورين ام احلى بنوته وطيور الجنه
والله يجرنا ويخفف عنا
ام بالنسبه لام خطاب استني شوي رااح تشوفي الوحاام انا قالت مثلك وياليت ماحكيت
وفيه ناس عاادي مثل ماقالت ام احلى بنوته 0000
وبالتوفيق لي ولكم000

حكآية عطر · 10-13-2010, 05:38 PM

اقتباس:

المشاركة الأصلية كتبت بواسطة محجبه

سلااااااااااااااامي لكل حبيبات قلبي
انامشكلتي مثلكم الرطوبه

معقدتني حتى اني بعض الاحيان احسبه دوره ربي يكرمكم
وبالحمل تختفي الرطوبه يعني دايم افرح بالحمل من شان افتك منها خخخخخخخخ

الحين بديت اجهز لي علاجات بس ودي اضمن شي ينشف اهم شي لو ماضوق اهم شي ماتحوم كبدي وتعرفون احس ان رجال الحين على وجيههم على قوله خالتي مايفرقون
والله اني راحمه ابوالشباب
اللي تجيب لي علاج ينشف والله لادعيلها من قلب مثل عباءه السيده وشي واخاف اذا تركتها ترجع الرطوبه
اختي تقول لاتحمسين بعض الحريم خلقه رحمه رطوووووووبه وبعضهن خلقتها ناشفه لاتتعبين بس وانا ودي اكسر هالعقدة والله اني شايله هم النفاس صح ان الوحده بعد الولاده تصير رطبه كم شهر بس السنين وين تروووووح الوحده
طولتي تراك قصيتي قصه حياتك خخخخخخخخخخخ

ياختي انا مثلك بس دايم اسمع امي وخالاتي يقولون ان المحلب ينششششششششششف
بس ماحبه خخخ
وعباءة السيده هذي تضوق بس مدري عن التنشيف..وترى احيانا كثرة المويات من الالتهابات
فيه تحاميل مهبليه اسمها البوثيل مررررره تنشف تستخدمينها بعد الدوره او النفاساذا نشف الدم و حسب حاجتك كل يومين كل 10 ايام مررررره رهيبه وطبيه مضمون جانبها

اقتباس:

المشاركة الأصلية كتبت بواسطة **طيور الجنه **

هلاوالله بنات ديرتي منوووورات والله انا اول مره ادري عن المنتداى شفته بالصدفه وفرحت والله اتمنى تدخلوني معكم بالسواليف

انا حامل لمره الثانيه بس خايفه لانه طولت بالحمل جلست 5 سنوات والحمدالله ربي كتب بس معي خوف كاني اول مره الله يعين وادعولي ربي يهون علي

حياك ربي حبوبه
ضحكتيني بس حاسه بشعورك ..
انتي خايفه اكثر من يوم تحملين اول مرره عشان انتي عارفه وش قدامك ولانك ابطيتي بين الحملين.. الله يسهل علينا

اقتباس:

المشاركة الأصلية كتبت بواسطة **طيور الجنه **

هلا خواتي انا عندي سؤال انامحتاره وين اولد وش رايكم بمستشفى الوفاء ولا الحبيب ايهم احسن ؟؟؟اتمنى تعلموني

الوفاء ماجربته ماقدر اقارن بينهن
بس الحبيب ممتاز نظافه وخدمه بس المشكله بالحبيب الحييييييين مافيه دكتوره نسائيه انا ارتاح لها..
كل اللي فيه 3 كلهن دخلت عليهن ومارتحت لهم وخليتهم وبديت اراجع بالوفاء وبرضوا شكلي بحول عالقصيم الوطني هناك د-هويدا سودانيه وانا احب السودانيات
خاصه ان الوطني اقرب من الوفا

اقتباس:

المشاركة الأصلية كتبت بواسطة حنونه

مساكم سكر انا جديده حامل انضم لبنات القصيم ولي الشرف
عندي سوااال
انا حامل بكريه وبالثالث بدخل بعد 4 ايام الرابع بس مااالي اي اثر بطن هذا عادي معنا وزن الجنين 10 سم
ياليت تفدوني بدون ماتخوفوني
وشكرا لكم

حياك بيناتنا
وعااااااااااااادي ياعمري الجنين عندك صاير بالحوض لاتخافين كثير اعرفهم كذاااااا
انتي اذا قالوا لك بالسوناااار الجنين بخير ..وش يخوفك.. بالعكس استانسي مو من حظك اذا تمدد جلد بطنك كثيرررررر.. لاحقه عالشقا والكرش اللي يجي مترين

اقتباس:

المشاركة الأصلية كتبت بواسطة ام خطاب3

انا بالاسبوع الخامس ولا احس باي وحم هل هذا طبيعي

عادي ياعمري ..انا توي احس بالوحم والله

.................................................. ........

محجبه · 10-13-2010, 06:55 PM

حكاية عطر
ربي يجزااااااااااااك الجنه

عيوني حزينه · 10-13-2010, 07:04 PM

حيا الله بنات ديرتي

ابستفسر انا بكريه وبالاسبوع السادس لكن قالت الدكتوره هرمون الحمل جدا ضعيف

واخذت اشاعه ولا بان الجنين ابدا وواعدتني بعد اسبوع تقول بعطيك حبوب يسقطنه

من حصلها تسذا لااني ماودي استعجل

ردوا الله يجزيكم الجنان