أخواتي الله يفرج لكم افزعولي وطمنوني

[،ام سالم،]

السلام عليكم اعضاء المنتدى

عضوه جديده وابي فزعتكم
انا متزوجه من سنه وشهرين وصارلي حمل بعد ثلاث شهور زواج وجاني نزيف وسقطت على شهر ونص والسبب دكتوره بالولاده باكستانيه الله لايحلها فحصتني من تحت بغيت اموت وعلى طول نزل الحمل

الحين انا معي نزيف قبل موعد دورتي بعشر ايام ودورتي منتظمه وتحاليلي سليمه الحمدلله غسلت من الدوره قبل. مضان بيومين وجاني النزيف بعد التبويض باسبوع تقريبا ورحت فحصت قالت فيه كيس ع المبيض اليمين مو باين واعطتني دوفاستون مع الراحه
ما اقتنعت من كلامها وبعد يومين رحت لمحمد احمد بالوطني وقال عندك سمك ببطانة الرحم خفيف شوي طبيعي مو مرضي وماعندك تكيس ابدا واعطاني ضد النزيف ودفلون

جلست ثلاث ايام وانا الدم الاحمر معي مستمر ومغص مثل مغص الدوره وظهري متعبني مره ومع الحركه يزيد الدم رحت للدكتوره ثانيه فحصتني حمل هرموني مافي حمل صفر وكم رقم بس .سوت لي سونار قالت وضع الرحم كويس ومافي تكيس في سمك بسيط جدا بالرحم طبيعي قالت ارتاحي انتظري يعدي موعد الدوره

وش رايكم انا خايفه يكون اجهاض لاني اسمع كثير قصص مايبين معهم الحمل حتى بالهرموني
وش رايكم حتى الصلاه والصيام محتاره فيهم
تتوقعون حمل ولا ايش
طبعا اللي لاحضته على نفسي اني بس جوعانه وابي اكل ومو عادتي ماني اكوله ابدا
وكل شوي داخله الحمام حسرانه ودايما مصدعه وينزل الضغط معي

تكفون افيدوني وش اسوي ومن صار لها مثلي وطلعت بالاخير حامل

الله يبلغكم ليلة القدر ان شاء الله ويفرحكم

[amany26]

إن شاء الله البنات يفيدوكي عزيزتي و الله يرزقك الحمل السليم المعافى

[ريڤان]

اختي ام سالم
المهم يوقف النزيف وتعرفي سببه
ويارب يكون حمل و ربي يرزقك ثباته
انا صاحبتي صار معها كذا بس قبل موعد الدورة بكم يوم لدرجة انها شكت انها دورة
بس وقفت بعد يوم و حللت وطلع حمل

اما بالنسبة للأعراض فهي فعلا مشككة لكن الافضل تنتظري لموعد دورتك
وربي يكتب لك الخير حيث كان ويرضيك به

[مرايمم]

بالنسبه للصلاه والصوم اتمي حتى موعد الدوره غاليتي وهذا والعلم عند الله وتأكدي اكثر من اولي العلم لان ما قبل الموعد تكون استحاضه اما اذا كان موعدها فتعتبر دوره حتى المده المتعارف عليها عندك ان ٥ ف ٥ ان ٦ ف ٦ ان ٧ ف ٧ وما زاد عن ايام دورتك فهو استحاضه ايضا
اما بالنسبه للنزيف سمعت وحده تقول كيس صغير على المبيض
اسال الله لك الشفاء واساله ان يعوضك خيرا وكل امر المؤمن خير

[سومي 93]

دام مش وقت دوره صلي وصومي والله اعلم بس هاي المتعارف عليه
نطري شوي يمكن حمل انتي ارتاحي ولو استمر اكثر راجعي الدكتوره مره ثانيه

[،ام سالم،]

الله يسعدكم ويجزاكم خير اللي رديتو علي

لكن لو وحده صار لها مثلي ياليت تقول تجربتها يمكن استفيد
وان شاء الله بنتظر واشوف وش يصير الله كريم

[فرصه جيده]

المشاركة الأصلية كتبت بواسطة ،ام سالم،

الله يسعدكم ويجزاكم خير اللي رديتو علي

لكن لو وحده صار لها مثلي ياليت تقول تجربتها يمكن استفيد
وان شاء الله بنتظر واشوف وش يصير الله كريم

ارتاحى وربنا يجعله حمل ما دام الدم مش وقت دوره

[مي5]

الله يشفيك اختي ويرزقك ذريه صالحه

[،ام سالم،]

خواتي هل الم المبيض والنغزات فيه دليل الحمل امس ماقدرت انام منه حاسه انتفاخ ونغزات بالمبيض

طبعا الحمدلله وقف النزيف معي بعد العلاج بس بقى الم الظهر والخواصر مره شاده علي

تتوقعون حامل
ادعوووولي

[7ALAT*ELRO7]

يارب تكوني حامل