دردشة حوامل مصر - دردشة بنات مصر - تجمع حوامل مصر

MALAK2010 · 10-13-2010, 07:57 AM

يااااااااااااااااااااارب الف سلامة عليكى بس بتهيألى اللى انتى فية هيروح بعد التلات شهور الاولى هانت

somia · 10-13-2010, 08:00 AM

برنسس ..ألف لا بأس طهورا ان شاء الله أنا بقى ظهري ده فعلا بموت منه من الالم حتى وانا نايمة بصحى على ألمه بس الحمد لله بطني بتوجعني على خفيف مبتشدش الا اما اكل.. يلا عشان نعرف قيمة امهاتنا والبيبي مبيجوش بالساهل على رأي ماما

dr.princess · 10-13-2010, 08:08 AM

ربنا يخليكم يا بنات
وربنا يستر وتبقى على قد ال 3 شهور بس والله هتبقى مشكلة لو فضل طول الحمل لانى مش باكل اى حاجة طول اليوم حتى اخر مرة فى اعادة الكشف لقيتنى فى اسبوع خسيت كيلو و ده مش وقته خالص ربنا يستر بقى

somia
ممكن تبقى تخلى جوزك يبقى يعملك مساج خفيف لظهرك وانتى قاعدة طبعا مش وانتى نايمة على بطنك
وألف سلامة عليكى

somia · 10-13-2010, 08:24 AM

ههههههههههههههه ضحكتيني يا برنسس مش قوي كده .. ده يبقى حلم حلو قوي لو حصل بس اكيد هاصحى منه بسرعة

dr.princess · 10-13-2010, 08:33 AM

somia
ضحكتك على ايه ؟؟ المساج يعنى
ايه اللى فيه عادى والله بيريح
طيب انا راضية ذمتك هو لو ظهره واجعه لا قدر الله مش انتى اللى هتتبرعى أصلا وتقوليله تعالى ادلكهولك
طيب ليه بقى هو مايرضاش واحدة بواحدة
احضرينا يا malak2010

somia · 10-13-2010, 08:58 AM

ده صح يا برنسس بس صدقيني صعب قوي هوه يتبرع بحاجة زي دي وانا هحس اني تقيلة قوي لو طلبتها منه كفاية انه كثر خيره شايلني في حاجات تانية

dr.princess · 10-13-2010, 09:09 AM

somia
لالالالالالالا انا معنديش الكلام ده
احنا كده كده متقلين عليهم فنستفيد بقى بكل الامتيازات هههههههههههههه
متعمليش فرق بينك وبينه يعنى ايه تبقى تقيله عليه انتى مراته ومادام حاجة انتى محتاجاها ومش حرام فأيه المشكلة اطلبى اللى انتى عايزاه وماتعمليش حواجز بينك وبينه ( انتوا واحد )

somia · 10-13-2010, 09:24 AM

حرام عليكي برنسس الراجل شوية وهيتجنن مني انا ولا طايقة ولا ريحة الفراخ ولا اللحمة لا وهي مستوية ولا وهيه نيه وطبعا مش عارفة أطبخ حاجة أي ريحة بتقلبلي بطني وانا بمصدق لقمة تخش بطني فبالتالي كل يوم الفطار والغدا عند حماتي فكفاية كده عليه ده غير اني ساعات بقوم من النوم بصوت من التعب وهموت واشرب حاجة ساقعة وطبعا هوه بيبقى صاحي فبخليه يجيبهولي لكن تدليك الظهر دي صعبة قوي قوي مع اني والله نفسي فعلا يدلك من كثر الالم بتاعه

dr.princess · 10-13-2010, 09:32 AM

somia
الف لا بأس عليكى وان شاء الله بكرة بترتاحى

انا كمان برده ريحة الحاجات نية بتموتنى وبتقلب معدتى اوى
بس أقولك انتى ممكن تيجيبى كمامات من الصيدلية وتلبسيها وانتى بتجهزى الاكل اهو اى حاجة تحجب الريحة وخلاص

somia · 10-13-2010, 09:38 AM

برنسس انا مبستحملش الكمامات عشان عندي ضيق في النفس فمبستحملش تبقى فيه حاجة على بقي وكاتمة عليه.. لربنا يسترنا..
أمال ملاك راحت فين؟؟؟