تمضي الأيام و حنيني لك لا يهدأ

[تمنيتك بأحلامي]

الله يرزقك بالذرية الصالحة ويرزق كل من يتمنى
حاسة فيك وانا مريت باللي مريتي فيه
كل مااروح مكان بيت اهلي او اهل زوجي
ويشوفوني اضحك والاعب الاطفال يطالعوني بنظرة ماادري كيف افسرها
ويقولون لي الله يرزقك ان شاء الله
حلو انهم يدعون لي بس انا كنت ابي انسى ومخليتها على ربي
وكنت كل يوم ابكي واسهر وماانام كثير من الارق والتفكير والتعب وكل ليلة اتخيل ان طفلي نايم معاي عالسرير
ووقت الاكل وفي كل وقت اتخيله معاي لدرجة شكيت اني قربت اصير مجنونة من كثر مااتخيل وافكر
ومرات اسلي نفسي اقول ربي اختارني من بين كل الخلق علشان يمتحن صبري على قضاءه
وكنت لمن اقول كذا احس بسعادة واقول لزوجي انا مرتاحة ربي يحبني اللي اختارني لهذا الامتحان
ومايأست من الدعاء في كل يوم وكل وقت
و الحمد لله في الاخير ربي ييسر لي الامور وتعالجت والحين انا حامل
ربي يرزقك بالحمل القريب يارب
دعواتك لي