تجمع حــوامل التوائم

[ماء زير]

محجبه

تسلمين على الضيافه ياعمري ماعلى الكريم تشرط

صحيح يامحجبه ..وش مسويه في بيتك من ناحيه الطبخ الشغل البيت البزران

حملت في التوم اقل من شهر وياما عانيت من الثقل

الله يخفف عليك على خير

توينز..ليه مكدره خاطرك وزعلانه بس علشانهم مايتشابهون والله ابن ادم طماع

احمدي ربك انهم في صحه وعافيه وادعي ربك يتمم عليك على خير

ويقومك بالسلامه انتي واجنتك وتفرحين فيهم

الله يطمنك عليهم على خير

[ماء زير]

مايخالف يامحجبه ..ابتعبك بكم سؤال
1|الخادمه ممنوعه عندك في البيت
2|كل يوم تطبخين غداء وعشاء
3|الجماع ممنوع دائم
4|الصلاه جالسه
5|حركت البيبيات على جنب واحد ولا موزعه
6|ومته حسيتي بحركتهم في اي شهر واول ماتحركو حركتهم زي الواحد
7|وحتى لو ماحطيتي توقيع راح تحسبين بالتقويم ماراح يروح عن بالك
8|زوجك مقدر ظرفك ولا تحسين انه مل من الوضع
غلطانه مسح السيراميك والكنس من اخطر شي على الحامل
انتبهي لنفسك من الولاده المبكره بكره تندمين ولا راح ينفعك شغل البيت
سامحيني على الاسئله اذا ماودك تجاوبين عادي هذا من حقك
بس انا سئلتك والاسئله موجهه للي ماعندهم خادمات من حوامل التوأم علشان اذا
الله اراد وحملت بتوأم استفيد من تجاربكم
على اني جبت خادمه شهر اول ماحملت وزوجي رافض الخادمه في البيت
بس الدكتوره حطت عليه بالكلام ولا خلته الين جاب لي خادمه

[عواطف السلمان]

هل الافرازات يا بنات في نهاية الثامن تعني انفجار كيس ماء الجنين .
أفيدوني انا عندي الرحم مفتوح 4 سم من 4 ايام وتنزل افرازان سائبه بيضة وصفره وبنية خفيفة لزجة ويقولون اذا ما نزل الماء الحار او انفتح الرحم زيادة ما راح ايولدوني وانا خايفة ينشف الماء من كثرة الافرازات . طمنوني يابنات .

[ماء زير]

المشاركة الأصلية كتبت بواسطة عواطف السلمان

هل الافرازات يا بنات في نهاية الثامن تعني انفجار كيس ماء الجنين .
أفيدوني انا عندي الرحم مفتوح 4 سم من 4 ايام وتنزل افرازان سائبه بيضة وصفره وبنية خفيفة لزجة ويقولون اذا ما نزل الماء الحار او انفتح الرحم زيادة ما راح ايولدوني وانا خايفة ينشف الماء من كثرة الافرازات . طمنوني يابنات .

سلامتك ياعواطف ..ان شاء الله ماتشوفين شي

لاتخافي هذا افرازات طبيعيه كانت تجيني اذا بذلت مجهود فتره الحمل

لاتخافين مو لدرجه انه ينفجر كيس الجنين بتحسين ان كان مويه تنزل منك

حتى لو تتحركين يمين تنزل مويه او يسار تنزل مويه كانك متبوله على نفسك

الله يعزك طيب مو انتي في المستشفى اسئلي الدكاتره يدخلون فيك زي الشريط

الصغير ويعرفون هو الماء الي ينزل من كيس الجنين او رطوبه عاديه ولو ان كيس

الماء مفتوح بتشوفين ان ملابسك وفراشك مليانه من الرطوبه

ماتشوفين شر يالغاليه بس احسن لك ماتوسوسين

الله يطمنك على نفسك واجنتك بخير

[زهرة أللوتس]

يالله حبيباتى نزلت موضوع التجمع الجديد وهو عن الحمل بالذكر باذن الله تعالى عن طريق الحميه و انتظار ايام التبويض وطبعا كله عند دكتوره وهذا اهم شي والاهم من هذا كله هو التوكل على الله اولا و اخيرا اتفضلو الرابط http://forum.hwaml.com/t30873.html#post404009

[ماء زير]

ياحبي لك والله يامحجبه وعلى تطويله بالك معي مايخالف كلها دردشه

اول مادريت ان فيني توأم وانا اطبخ غداء وعشاء<مهبوله الله يخلف علي وش نفعني طيبتي>

وبعد ماعلمت خواتي صارو يهاوشوني كلمتني اختي مره وانا اسوي الغداء قالت وش تسوين

قلت بالمطبخ قالت انتي مهبوله سكري علي الغداء وكلمي زوجك يجيب معه وانا ما يحتاج

حافظ سمع بس يومين وبعدها كني استحيت من زوجي ولا احب اثقل على احد اخاف يجي

يوم ويحط علي في الكلام وكان ذاك الوقت ماعندي شغاله

بس بعد ماجبت الشغاله صار مالي عذر

روحت الشغاله قلت ابيها تجي على وقت رمضان واذا تقدمت في الحمل علشان مايقول شي

قدر الله وما شاء فعل

الحمد لله على كل حال

[جومانا]

صبااااح الخييير ياحلوين

[ندى السعوديه]

استغفروا


استغفرالله الذي لا اله الا هو الحي القيوم من جميع ظلمي وجرمي وماجنيت على نفسي


استغفرالله الذي لا اله الا هو الحي القيوم من جميع ظلمي وجرمي وماجنيت على نفسي


استغفرالله الذي لا اله الا هو الحي القيوم من جميع ظلمي وجرمي وماجنيت على نفسي

[توينز 2010]

السلام عليكم ...
مشكورات ع الرد ماء زير ومحجبة .... ما توقعت ان يكون فيه هجوووووم وبقوة حطيتوني ضايقه ومتكدر صدري وطماعه وشايلة هم بعد .... الله يهديكن

انا ما قلت هالكلام ابد ارجعو لكلامي وتاكدو يمكن عشان هالصورة (((())))
يعني ما نمزح ابد ؟؟ كل مافي الامر انه كان عندي فضول اني اعرف عن تكون التوأم لاني قريت كثير عنهم و حبيت استفيد من التجمع والقى ردود تفيد .... ويعلم الله اني من دريت اني حامل بتوأم وانا كان ودي انهم بمشيمتين مو مهم انهم متشابهين او لا كان المهم عندي ان كل واحد تكون تغذيته مستقله عن الثاني لكن الحمد الله طلعو بمشيمة وحده وازوانه متقاربه يالله لك الحمد والمنه والله يهون علينا المشوار حتى الولادة وجنسهم ما كان ودي اعرف بس عشان زوجي .....................

واللي ضيق صدري صدق وبكاني بعد هو الردود اللي شفتها ما كان ودي اخر عهد لي باهالتجمع يكون كذا وانا اللي ردودي قليلة ولا احد يسأل عني ..... انا بكرة ان شاء الله مسافرة لاهلي ادعولي اوصل بالسلامة مع ان الدكتورة منعتني وصرفت لي مثبتات حق 3 ايام عشان السفر ..بجلس عند اهلي حتي موعد الولادة ان شاء الله والمشكلة انهم ما عندهم نت عشان اشوف اخباركن لكن استودعكن الله الذي لا تضيع ودائعه والله يرزق كل وحده تتمنى الحمل ..بتوأم سليمين معافين جميلين الخُلق والخَلق..... امين يارب

اسفه ع الاطاله وسامحوني اذا قسيت ..

[ندى السعوديه]

تونيز / يالغاليه

هنا البنات يمكن ماكانوا يقصدون وكلنا خوات

وحتى لو حصل بينا خطأ بتعمد او من دون تعمد لازم نعفوا عن بعض

اللي يجمعنا هنا اسلامنا واخوتنا

اتمنى انك ماتزعلين على اي وحده فيهم

والله يوصلك بالسلامه لاهلك ويثبت اجنتك وتفرحين بشوفتهم اللهم آمين

لا اله الا انت سبحانك اني كنت من الظالمين

استغفرالله الذي لا اله الا هو الحي القيوم واتوب اليه من كل ذنب ..!