افيدوني

[طيوف]

السلام عليكم ورحمه الله وبركاته
انا عضوه جديده بالمنتدى واول موضوع لي واتمنى الكل يرد علي

انا متزوجه وعندي ولد عمره ثلاث سنوات ونص والحين لي سنه تاركه حبوب الحمل وفوق هذا الدوره تلخبطت علي رحت لدكتوره وسويت تحليل للهرمونات قالت سليمه وعطتني حبوب تنظيم للدوره شهرين بالحبوب وشهرين انتظمت بدون حبوب وعطتني حبوب منشطه وسويت اشعه حقت البويضات وقالت سليمه لقت بويضتين كل وحده حجمها 15لكن الشهر الرابع تاخرت 15 يوم وسويت تحليل ومافي حمل وجتني الدوره 25/8 والحين ماجتني الدوره وسويت تحليل حمل ومافيه حمل رحت لدكتوره ثانيه قالتلي بسوي لك تحليل هرمون الحليب لقت الهرمون مرتفع شوي عن الحد الطبيعي وعطتني حبوب تنزل الدوره لمده خمسه ايام واكلت الحبوب ولسه مانزلت الدوره
وصرفت لي علاج لهرمون الحليب وعطتني حبوب كلوميد بس قالت كليها اذا انزلت الدوره
بس ابغى اعرف عادي اكل الكلوميد لو الدوره ما انتظمت عندي ؟
مين اللي صار لها كذا ترد علي

بس انا عانيت قبل سنتين من خراج بالثدي الايمن لي سنتين وهو ملازمني بس الحمدلله الحين مره كل شي زين لي 9شهور ماطلع صديد بالثدي بس حبيباتي اخذت مضادات كثيره منها حبوب ومنها عن طريق الوريد
وهل المضادات تسبب تاخر بالحمل

ولكم خالص دعواتي ان يرزقني ربي واياكم بالذريه الصالحه

[أم بيسان]

عادي باذن الله
انا الدورة مو منتظمة عندي الا بحبوب تنظيم
واخذت الكلوميد لمدة شهرين
اول شهر كانت الدورة ملخبطة والشهر الي بعده نزلت بوقتها عشان الحبوب الي اخذها
والحمدلله كلوميد ما نفع بالشهر الاول بس الشهر الثاني ضاعفت الدكتورة لي الجرعة والحمدلله البويضة صار حجمها كبير بس ربي ما كتب الحمل الحمدلله ع كل حال

يعني تطمني حبيبتي ان شاء الله ما في ضرر

[حلم وردي]

اختي انا مثلك اخر ولد عندي عمره 4 سنوات
ورحت للدكتور وعملت فحوصات وقال ضعف في هرمون التبويض

واعطاني كلوميد

وان شاء الله راح ابداء استخدامه اول ما تنزل الدوره

بس حبيبتي عندي سؤال ايش مشكلة الصديد الي في الثدي تعالجتي عنه او لا؟؟؟

الله يشفيك ان شاء الله ويشفيني ويشفي جميع المسلمين امييييين

[~~لحن الحياة~~]

جبيبتي توكلي على الله وخدي
وروحي دكتورة شاطرة واحملي تحت اشرافها
الله يطعمك حبيبتي الذرية الصالحة

[نسرينا]

عزيزتي

بالنسبة لحبوب تنزيل الدورة ، استني بعدها اسبوع عشان تنزل الدورة ، واذا ما نزلت بعد اسبوع سوي تحليل حمل ، ولو ما طلع حمل اول ما تنزل الدورة تبدأي في اخذ كورس الكلوميد ، من ثاني يوم الدورة او خامس يوم على حسسب ما توصفلك الدكتورة

ربي يشفيك ويرزقك

.

[ندى السعوديه]

الله يرزقك الذريه الصالحه

والله يشفيك ويشفيني

[ام سالم...]

الله يرزقك الذريه الصالحه

[طيوف]

المشاركة الأصلية كتبت بواسطة أم بيسان

عادي باذن الله
انا الدورة مو منتظمة عندي الا بحبوب تنظيم
واخذت الكلوميد لمدة شهرين
اول شهر كانت الدورة ملخبطة والشهر الي بعده نزلت بوقتها عشان الحبوب الي اخذها
والحمدلله كلوميد ما نفع بالشهر الاول بس الشهر الثاني ضاعفت الدكتورة لي الجرعة والحمدلله البويضة صار حجمها كبير بس ربي ما كتب الحمل الحمدلله ع كل حال

يعني تطمني حبيبتي ان شاء الله ما في ضرر

شكرا حبيبتي والله يعطيك العافيه طمنتيني

[طيوف]

[quote=حلم وردي;402241]اختي انا مثلك اخر ولد عندي عمره 4 سنوات
ورحت للدكتور وعملت فحوصات وقال ضعف في هرمون التبويض

واعطاني كلوميد

وان شاء الله راح ابداء استخدامه اول ما تنزل الدوره

بس حبيبتي عندي سؤال ايش مشكلة الصديد الي في الثدي تعالجتي عنه او لا؟؟؟



الله يشفيك ان شاء الله ويشفيني ويشفي جميع المسلمين امييييين


مشكوره ياقلبي اما بالنسبه لصديد اللي بالثدي عباره عن خرجات (دمل )طلعت لي فجاه بس الحين لي سنتين اتعالج والحمدلله على كل حال

[طيوف]

المشاركة الأصلية كتبت بواسطة توأم كوكي

جبيبتي توكلي على الله وخدي
وروحي دكتورة شاطرة واحملي تحت اشرافها
الله يطعمك حبيبتي الذرية الصالحة

شكرا على مرورك