ديوانية البحرين - دردشة حوامل البحرين - البحرينيات

[آية الهدى]

انا قايلين لي عنها انها هندية و جدا ممتازة هي و الدكتورة صباح بس الدكتورة صباح جدا غالية

[بنت الأياويد]

الله يعافيج

[أم حماني]

الدكتورة صباح هي هنديه او باكستانيه ... لكن الدكتورة فوزية بحرينية

[حروف عاشقة]

مسامحة ام حماني هديتش وقمت مره وحده لانه يه ابوو الشباب ولازم اجابلة ...

ههههه على السهر ام حماني عادي من الحين مستخفه وياهم حركتهم كله بالليل ما يخلوني انام وازيدش من الشعر بيت اقعد اصيح بعد ما ادري شنو بسوي ادا شرفوااا ..

شخبارش بنت الايااااويد من زمان ما نتلاقى ما تشوفين شر يالغالية انا بعد اعاني من الحرارة بس اصبر روحي باي شي غير الدواء لاني ما احبه اكلي ثلج او لبن يروح الحموضة ..

[بنت الأياويد]

الشر ماييج حروف والله يعينج انتي بعد على التوأم ، انا الحارج الي يصيدني اهون علي من الم المعدة ، مشكلتي اني مريضة وتوني صايرة اشوة من الصخونه والكحه مو راضية تروح اخاف آكل ثلج وازيد على روحي الكحه ، لبن اي اشرب وعندي الدوى الابيض موكسال مال المعدة يخفف علي اشوي

[بنت الأياويد]

ابي اسوي عشى خفيف وحلو في احد يعلمني طريقة؟
عندي قوطي فول مادري اسويه حق العشا محتارة

[طفلي حياتي]

اهلين بنت الاياويد اذا للحين موجوده
كنت اسوي الفول بطريقه لذيذه ان شاء الله تعجبش
اقلي بيض وقبل لايستوي افرمه بالكفشه يعني اخليه مفتت واخلي وياه طماط مقطع واشوحه بعد ويى البيض وعقب اخلي الفول واهرسه بالكفشه ويصير فن وفي طريقه ثانيه اني اخلي اول شي الفول وهرسه شوي بعدين اخلي البيض والطماط واقلبهم بسرعه لين ما يستوي وبس وخلي ملح وفلفل اسود بسسس
اذا عجبتج ادعي لي :)

[طفلي حياتي]

يا الله اللي حامل ببنت تاخذه ب25 دينار
هذا صنع وحده بحرينيه يهبلون الاشكال اللي عندها روحو مركز البحرين التجاري بتشوفونهم صاحبة الموضوع اسمها غساله خراب هههههههه

[أحلام أم]

مساء الخير على أحلى حوامل وأم حمني بعد،التجمع صخه من أم خليل وأم عائشة ووووإنشاء الله سلامات للجميع
عندي سؤال
هل ماكينة إزالة الشعر البراون أمنة للإستخدام في الحمل
وهل هناك في ضرر من إستخدامها من بداية الشهور الأولى ،علما بأن المقصود إزالة شعر الأرجل فقط دون الإرتفاع للأعلى (الفخد)؟
سؤال محرج بس إنشاء الله ألقى عندكم الإجابة خصوصا للي تستعملها ،علما إستخدمتها مرة وحده ومخوفيني من الذبذبات إللي تصدرها وأثرها على الجنين
وعوافي على الجميع

[بنت الأياويد]

مشكورة طفلي حياتي ماقصرتي ، بس انا ماحب البيض يصير اسويه بدون بيض؟
حلو نكها غسالة خراب ههههههههههههههههههههههههههه
انا خذيت فراش وشنطة من فارنا الي في بوكوارة وخذيت حق الياهل فستان ومهاد ومقاط معاه طلع علي كامل 23 دينار بس شغل روعة ونظيف