بنات شو احوالكم مع طرق كشف الحمل التقليدية؟؟

[Om yasmina]

السلام عليكم صبايا كيف الحال
والله هادا الموضوع كان يلفتني كتير واي بحث بعملو بلاقي الناس بجربو طرق جديدة قديمة لكشف الحمل واشي بيحلف ويصدق
المهم
خلونا نتشارك تجاربنا بهادا الخصوص
انا جربت اغلب هديك الطرق
قالو الكلور,,,لما تحطو اذا بيفور خليطو مع البول اعزكم الله فانتي حامل
ما فار ولا عمل اي شي وكنت حامل
رجعو قالو لا ما يفور لازم يصيرو لونو احمر ع بني,,فعلا صار لونو بني بس وقتها ما كنت حامل ههه
الاختبار البسيط الي بيقولو حطي البول اعزكم الله بشي كاسة شفافة واتركيه مدة ولما يصير فيه خيوط زي القطن فانتي حامل واذا ما صار مو حامل
بصراحة طلعلي خيوط وانا حامل وانا مو حامل كمان يعني طريقة فاشلة
جربت طريقة تحطي اصبعك ع السرة واذا ما حسيتي بنبض فانتي حامل
هاي زبطت معي صرااحة
وجربت تبع الابرة,,بتحطي ابرة بالبول وتخليها مدة واذا طلع فيه صدأ يبقا انتي حامل
جربتها وما طلع صدأ وفعلا ما كنت حامل
صراحة بضل هالطرق بالنسبة الي خرافية
وافضل شي هو تحليل الدم لتأكيد الحمل
لانو حتى الاختبار المنزلي احيانا قد يعطي نتيجة ايجابية كاذبة

مودتي

[التائبة لله(ام محمد باذن الله)]

عليكم السلام و رحمة الله
ههههههه الحقيقة كلهن جربتهم مرة تطلع اجابية و مرة سلبية مع العلم اني ما حملت و لا مرة
الا اختبار الحمل المنزلي ما يكذب علي ابدا دائما سالب هههه

[الفراشة الملونة]

ههههههه الله يسعدكم بنات ضحكتوني ...انا ولا طريقة تنفع معاي من اللي ذكرتوهم دائماً كنت احمل و ما اعرف اني حامل الا بالتحليل المنزلي و اجري ورآه تحليل دم حتى أتأكد .... التائبة الى الله ربي يرزقك الذرية الصالحة بإذن الله و تجربي الحمل ...

[Om yasmina]

المشاركة الأصلية كتبت بواسطة التائبة لله(ام محمد باذن الله)

عليكم السلام و رحمة الله
ههههههه الحقيقة كلهن جربتهم مرة تطلع اجابية و مرة سلبية مع العلم اني ما حملت و لا مرة
الا اختبار الحمل المنزلي ما يكذب علي ابدا دائما سالب هههه

ههههه ايه ع الاقل الاختبار ما بيكذب عليكي انتي محظوظة انا كذب عليا مرة الواطي
الله يرزقنا ويرزقك الذرية الصالحة حبيبتي اكيد البيبي جاي بالطريق
منورة

[Om yasmina]

المشاركة الأصلية كتبت بواسطة الفراشة الملونة

ههههههه الله يسعدكم بنات ضحكتوني ...انا ولا طريقة تنفع معاي من اللي ذكرتوهم دائماً كنت احمل و ما اعرف اني حامل الا بالتحليل المنزلي و اجري ورآه تحليل دم حتى أتأكد .... التائبة الى الله ربي يرزقك الذرية الصالحة بإذن الله و تجربي الحمل ...

الله يعلك دوم ضاحكة انا لما جننوني حلفت ما جربهم مرة تانية
بتعرفي المضحك اكتر انا حامل دلوقتي
قلت بروح جرب هالجدول الصيني الي بيحكو عنو لما جربتو مرة بموقع عطاني بنت
وبموقع تاني عطاني ولد
هههههه
كلها خزعبلات اي شي مو طبي وعلمي خزعبلات
منوووووووورة

[حياتي توأمي]

كل هالطرق ليس لهاااا اساس من الصحة لاتصدقيها

مالك غير التحاليل المنزليه اذا فات موعدها

او الدقيق أكثر التحليل للدم الهرموني

[Om yasmina]

المشاركة الأصلية كتبت بواسطة حياتي توأمي

كل هالطرق ليس لهاااا اساس من الصحة لاتصدقيها

مالك غير التحاليل المنزليه اذا فات موعدها

او الدقيق أكثر التحليل للدم الهرموني

معك حق اكيييييييد بعد تجاربي الفاشلة معها
بطلت تماما هالخزعبلاات
هالمرة عملت تحليل بعد غياب الدورة بأربع ايام
مستحيل جربها مرة تانية
منووووورة

[متزوجة بلا اطفال]

كلها حلوة ولا وحدة تزبط لانو لو مافار لكلور مع البول بنظرك راح تشوفيه فار

مع انو جربتو وهو طلع فاار بس مافي حمل

ومرة جربت تاع الابرة وكنت حامل قعدت 24 ساعه بس ما صدات

ومرا جربت الملح مع البول اعزكم الله هو طلع مثل غاز مع انو كنت حامل

بس بصراحة ما اصدق شيء الا تحليل منزلي والدم طبعااا

يسلمووو على الموضوع بس فعلا وناسه

دمتي فرحة ومرحة غاليتي

سلام

[Om yasmina]

يعني انتي متلي ما تركتي شي هههههه
والله مرة قلي جوزي
شكلو رح يقولولكم بس تنفجر كاسة بوشك وقتها بتكوني حامل
حرمهم عليا
منووووووووووووووووورة

[jojo 123456]

كلهااا خرافات حللي منزلي ادا حامل يطلعلك خطين من اول دقيقتين