ارجو المساعدة أخواتي كيس ماء وشفط اجنه

[زوجة مهدي]

حبيبتي بنصحك لوجه الله لا تشيلي شي من رحمك وخلي كل شي متل ماهو

اولا في نسوان حملو ب 6 توأم مو بس 5 و تم حملن ع خير و لا تقولي انا مو قد هالشي لو الله رزقك شي تيقني انك ع قدا و حتى لو ماكنتي قدا الله لح يرزقك من واسه فضله صحتك و كل شيء والصبر لتربيتهم و المال لرعايتهم لا تخافي ع شي و توكلي ع الله


ثانيا الدكتور عم يقول احتمال يصير اجهاض لباقي الاجنة بنسبة 5 بالمية طيب تخيلي لو انتي اصلا شلتي 3 و تركتي 2 بعدين بينزلو شو لح تكون ردة فعلك والله لح تندمي ع قد شعر راسك ع هالقرار اتخيلي لو هو شال الاجنة يالي بتقدر تكمل تنمو للشهر التاسع بمشيئة الله والله كتير صعب هالقرار

وبنفس الوقت مابعرف ليش عم تبكي انتي كنتي محرومة ؟ و رزقك الله 5 و بتبكي ؟ بدال ما تحمدي الله ع هالنعمة بتبكي ؟

ياريتني كنت بدالك نفسي ولو بطفل واحد

تخيلي لو ما نجحت العملية شو كان لح يصير فيكي لو خيرتي بين حمل 5 توأم و عدم الحمل لنهاية العمر شو بتساوي ؟


حبيبتي اوعي تبكي ع رزق من الرزاق تخيلي لو يعاقبك الله ع هالبكاء و يشيلن كلن شو بصير فيكي بتصير تحكي ياريتن تمو كلن ياريت بس وئتا مالح ينفع الحكي


لهيك ياغالية بنصحك تحمدي الله حتى ع العدد 5 اللهم بارك ولا حول ولاقوة الا بالله

واخييييرا انا ماعندي تجربة لانو لهلا ما حملت


بس حبيت فضفض شوي

والله يطمن البك يارب


وطبعا انا من رايي متل ما قلتلك انتي اتركي ال 5 اجنة جواتك ولا تشيلي شي و استخيري الله واكيد الله لح يرزقك احسن شي بعد الاستخارة مثلما قال عليه الصلاة والسلام ما خاب من استخار او كما قال عليه الصلاة والسلام

والله يتمملك ع خير يارب بس والله لو كنت بدالك بصدق صدقة ع كل جنين

عقبال ما تبشرينا بولادتك الخماسية الميسرة من عند القادر على كل شيء

عقبالي وعقبال كل مشتاقة يارب