كيف كانت ولادة طفلك الأول ..طبيعية أو قيصرية

[~ L o l a]

هلا بك ياجميلة.
الله يسهل عليك وتولدين بالسلامة لك وللبيبي

مافيه في حياة أفضل الطبيعي والفطرة الطبيعية إلا الحالات الخاصة خلاص المصلحة تتطلب نختار الأقل مضره فينا أهم شي السلامة

الطبيعي متعب وعلى أجر الحمدلله وهي لحظات ولما تشوفي البيبي تنسييين كل شي بغض النظر عن الخياطة اختاري طبيبة كويسة في الخياطة والحمدلله.

أما أن الوحده تختار القيصري من رغبة بس مو حاجة معليش ليه ؟ انتي تعرفين مخاطر القيصري ؟ بس بتكلم عن الالتصاقات بس لما تصير التصاقات شديدة في الرحم ماراح تحملين إلا أنابيب لو صار عندك التصاقات في قنوات الفالوب راح تتعرضين لحمل خارج الرحم هذا غير الالتصاقات مع الأعضاء الأخرى مثل المثانة و ممكن تتعرضين لجرح في الأمعاء مثلاً ويكون بس الدكتور مو مركز ،،، وممكن مشيمة الطفل تلتصق في الجرح السابق
طيب ليه أعرض نفسي لمشاكل عشان ارتاح من تعب كم ساعة !

طبعاً مو كل الناس تصير لهم هذي المشاكل تختلف الأرحام وماقلته عشان أخوفك ولا الله بس عشان نحكم عواطفنا ونختار القرار الاقل ضرر علينا حتى لو مو عاجبنا.

أنا عارفة انك حابه القيصري لكن حاولي على قد ماتقدري تولدي طبيعي ولو ماحصلك أكيد ربي راح يختار لك الخير


الله يتمم عليك وتولدي أسهل ولادة يااارب