دردشة حوامل أهل القصيم - دردشة بنات القصيم - تجمع حوامل القصيم

[بطة بيضاء]

ام احلى اثنين.............مشكووووووووورة

ام الشيخ.........عادي يعلمون بالراحة لوسويت الاشعه الكبيرة اللي لحاله تعلمك د\

[ام احلا بنوته]

مرحبا بنات وشخباركم الله يهون عليكم
هذي اول مشاركه في المنتدى ابغى اخذ رايكم في مستشفى القصيم الوطني ناويه اولد فيه ان شاءالله؟

[ام احلى اثنين]

ام احلا بنوته

الكل يثني عليه ويمدحه

انا بعد ودي اولد فيييه

واذا قربت بستخير واشوف

لانه عندي سكر حمل ولو طلع الجنين حجمه كبير بولد بالولادة لانه اخاف تتعسر الله لايقوله

ويحولوني عملية

يارب تمم لنا على خير ياكريم


بطة لاشكر على واجب

[ام احلى اثنين]

المشاركة الأصلية كتبت بواسطة ملكه

شسموه وش اخذ اغراض الولادة ؟؟
يعني وش المهم اللي لزوم اخذه غير الملابس ؟؟

والفوط وش تنصحون به ؟ الفوط الكبيرة ذيك حقت الولادة ماعرف اسمه بس اذكر خوات ييشرونه واستخدمته في ولادتي القيصرية الاولى وسبب لي حرقان اوووف ماناسبتن وتركته لان مانزل معي دم كثير << لاني ماهتميت بروحي زين وعشانه قيصري بعد
لكن ان شاء الله هالمرة بولد طبيعي باذن الله تعالي
بس ابي تعلمونن وش احسن فوط للنفاس ؟؟؟

واغراض المولود كيف اجهزه ؟ يعني اخصص ملابس له بعد الولادة مباشرة والباقي احطه بشنطتي ؟؟

انا بالبدليه استخدم فوط النفاس صح تتعب بس الدم كثير

بعد اسبوع خلاص اصير جايبه لفة قطن ولفة شاش من الصيدليه

واسوي زي فوط المستشفى احط القطن والف عليه شاش

واستخدمه ماشاء الله مره مريح ولا يسبب حساسيه ولا ضيق ولا شي

[حكآية عطر]

مساء الخير كروشات القصيم
ام احلى بنوته
ام احلى اثنين
انا في فتره من الفترات نويت اولد فيه
بس سمعت ان د_سحر استقالت من عندهم
عشان المستشفى ماعنده امكانيات ورفضوا يوفرون اللي طلبته وان ادارة المستشفى سيئه وهذا انا لمسته بنفسي.. انواع الاهمال بالمستشفى
وهونت عنه
والحبيب كل ماتجي دكتوره زينه تروح اماتلغي التعاقد ولاينقلونها الرياض
والفريح مستحيل اولد فيه يقولون وسخ ..ماعاد قدامي إلا الوفا

[ام احلا بنوته]

شكرًا لكل من رد علي
اختي حكاية عطر أنا الحين أتابع عندهم احس مافيه زيه في الاستعداد في الاجهزه ومتطوره وجديده وتحسين اذا دخلتي عليهم انواع الاهتمام من الدكتوره
الإهمال اللي فيه سببه هو قلة الدكتورات حتى الدكتوره هويدا تقوله انواع الضغط *

[ملكه]

المشاركة الأصلية كتبت بواسطة ام احلى اثنين

انا بالبدليه استخدم فوط النفاس صح تتعب بس الدم كثير

بعد اسبوع خلاص اصير جايبه لفة قطن ولفة شاش من الصيدليه

واسوي زي فوط المستشفى احط القطن والف عليه شاش

واستخدمه ماشاء الله مره مريح ولا يسبب حساسيه ولا ضيق ولا شي

مشششكورة الله يجزاك خير بس ابي صورة لفة القطن ولفة الشاش عشان اعرف شكله واشريه ةالفه من الحيييين واجهزه لفترة النفاس لان مابي استخدم حق النفاس لانه بشرتي حساسه مررررررررره ماتتحمل بعض الفوط :/

[ام احلى اثنين]

ماعندي ياقلبي صور لهم ودورت بقوقل مالقيت

بس انتي خذيهم من الصيدليه تلقينه لفه رول كبيرة شاش وكذلك قطن

وانتي بالبيت قصصي قد اللي تبيه وسويهن زي الفافات والرولات

طبعا شكلهن مثل شكل الفوط اللي يعطوننا المستشفى الحكومي بعد الولاده

[ملكه]

المشاركة الأصلية كتبت بواسطة ام احلى اثنين

ماعندي ياقلبي صور لهم ودورت بقوقل مالقيت

بس انتي خذيهم من الصيدليه تلقينه لفه رول كبيرة شاش وكذلك قطن

وانتي بالبيت قصصي قد اللي تبيه وسويهن زي الفافات والرولات

طبعا شكلهن مثل شكل الفوط اللي يعطوننا المستشفى الحكومي بعد الولاده

ان شاء الله اروح الصيدلية
مشكورة ياقلبي الله يجزاك خير

[حكآية عطر]

ام احلى بنوته
أكيد اجهزتهم متطوره هو مستشفى مو مستوصف وجديد هذا اقل شي يسوونه
بس لاقدر الله وصار شي ماعندهم امكانيات تساعد الدكتوره والمريضه
ويقولون حضانة الاطفال مو مكتمله ..
وبالنسبه لي نفسي اولد ببريده عشان اقرب لنا بس انا احب اولد عند المستشفى اللي اراجع فيه وانا ماضمن اللي يصير لي .. الله يهون ويسهل علينا..