مشكلة ضعف بسيط في التبويض

[ايليف]

رحت للدكتوره وسويت فحص للغدد والهرمون وقالت لي كل شئ تمام الحمدلله بس عندك ضعف بسيط في التبويض 5من 7قلت لها كسل؟ قالت ان شاء الله كسل !!هذا كله من خلال الدم ولسى ماشافت سونار قالت تعالي بكره لانها اعتذرت وطلعت وخلتني متوتره وافكر بكلامها اش يعني ضعف داخل ضمنه التكيس واحد صار لها كذا وحملت بصراحه ماني قادره استنى لين بكره قولو لي اللي مرت بااشياء كذا وكيف عرفت عندي ضعف وهيه ماشافت بالسونار بس من خلال الدم وجزاكم الله خير

[حياتي توأمي]

حبيبتي عاااادي لاااتخافي المشكلة ان الطبيبه ماشرحتلك شو المعنى او الحلول وخلتك خايفه ومتوتره


شوفي ضعف التبويض ممكن يكون عندك تكيس بسيط ومو شرط يكون تكيس
بس بشكل عام التكيس او ضعف التبويض مااااااايمنع الحمل بتاتاً
انا عندي تكيسات وكثير بنات عندهم تكيسات وضعف تبويض لكن مع الثقه بالله والتوكل عليه ومن ثم متابعه العلاج حملت الحمد لله وغيري حملوا

لاااتخافي ماله علاقه بمنع الحمل
الموضوع يحتاج صبر شوي ومتابعه علاج وان شاء الله تحملي عمااااقريب

موفقققه

[غفران شكران]

. الله يرزقك ويكرمك حبيبتي لا تخافي هناك أدوية تنشيط تبويض كثيرة من شانها تحسين التبويض والله كريم





اختكم غفران

[ايليف]

الله يسعدكم طمنتو ني فعلاً ماوضحت لي وقلقت بس بكره موعدي وان شاء الله خير

[ward22]

مادري ليه لك موضوعين بنفس المشكلة ..
عموما رديت عليك بموضوعك الاخر وهذا كان ردي

شخصيا رأيي بانك ماتسوي شي لما تتاكدي من المشكلة وتتاكدي ان الدكتورة صادقه
لان غالبا هرموناتك منتظمة مابيكون عندك ضعف تبويض ممكن تبويضك متأخر
تابعي التبويض مع طبيبة لحد ماتشوفي اكبر حجم للبويضة قبل ماتنزل قبل ماتتخذي اي قرار كتنشيط او غيره ..

عموما اذا حابة تاخذي شي فأي شي يؤخذ للتبويض يكون من اول يوم بالدورة لمدة اسبوعين ..
انت يعتبر عدا منهم اسبوع ..
مايضر تاخذي ميرامية لو حابه لاتزيدي عن مرتين باليوم
وانصحك تاخذي رويال جيلي وفوليك و فيتامين سي مرة باليوم هالاسبوع لانها تساهم بسلامة البويضة .. ومالها تأثير تنشيط ..

عامة اذا لاحقا فحصتي عند طبيبة ثقة وطلعت البويضات ماتوصل للحجم فعلا
فمالك الا الالتزام بهالفيتامينات والجلوكوفاج يحسن تغذية البويضة حتى لو ماعندك تكيس
وممكن تلجأي للتنشيط بمتابعه طبية وشخصيا افضلها اكثر من الطبيعية لان الاعشاب المنشطة الطبيعية مافي سيطره ع نتائجها وممكن ماتفيدك ..

الله يرزقك افضل مما تتمني ♥