ضايقه فيني الدنيا

[ام ميوره 2]

صباح الخير
انا يابنات حبيت افضفض لكم لاني متضايقه اخر دوره كانت يوم25رمضان وحللت تحليل حمل منزلي يوم6/11وطلع في حمل ورحت المستشفى يوم 9كشفت الدكتوره قالت في كيس ولسه مافي نبض وكان عمر الحمل شهرالمهم الليوم تعبت ورحت المستشفى كان عندي زكام وكحه ورحت عياده خاصه قالت الدكتوره مااقدر اكتب لك دوا اللين اكشف بالسونار وكشفت قالت مااقدر اعطيك شي انتي دوبك حامل في شهر قلت لها انا قبل اسبوع كنت في شهر اللحين شهر واسبوع قالت لاااا وماراح اعطيك اي دوا عشان حملك لوطلع مشوه ولانزل ماتقولي انا السبب تخيلوووو كذا قالت حسبي الله عليها ونعم الوكيل كلامها ضايقني ونفسيتي صارت زفت وبديت اوسوس وش رايكم يابنات ابغا احد يساعدني لو بدعوه..

[جنان علي]

والله مدري شقولك..!
راجعي في مستوصف ثاني لأنه بعضهم تخوفك
وسبق راجعت عند دكتوره خوفتني على البيبي ويوم رحت
مستوصف ثاني أكدت لي كل شي سليم
والله يتمم لك حملك ويسهل امورك

["ام تولين"]

غيري الدكتوره ياحبيبتي
والله يكوون بعوونك
والله يكفيك شر هالكلام


موفقه

[معانده]

مدري مافهمت وش فرقت شهر او شهر واسبوع ..!
المهم انها تاكدت ان فيه حمل وعليه ماكتبت لك علاج
روحي لدكتوره ثانيه وشوفي

[شمايل بنت الدمام]

شوفي أنا أراجع مستوصف حكومي أنا اخر دوره برمضان نفسك يعني أقول ليه ماتسوين لي سونار قالت ان عطيتك
تحويل قالت ان عطيتك تحويل بيخووفونك ويقلون بس كيس بسوي لك نهايه شهر الثالث

[ام ميوره 2]

مشكورين ع الردود وماراح اسوي سونار الا في الشهر الثالث بمشيئة الله .

[Orchid109]

ممكن قالت كذا عشان تتحاملي على نفسك وماتاخذي اي دوا عشان صحة الجنين

والا الجنين كويس بس اتسمري على اديوتك الفيتامينات والفوليك اسيد والمثبتات وامورك طيبة ان شاء الله


بالنسبة لأعراض الفلو ممكن تراجعي طبيبة ثانية

موفقة عزيزتي

[ناعسة العين]

طيب هي قصدها ان الادويه ماتاخذيها لانك لو اخذتي مضادات او مسكنات ممكن تاثر ع الجنين
لانك رايحه لها تعبانه وتبين علاج صح . ولا لا


بالنسبه شهر واسبوع ماتفرق عن الشهر لان بعضهم يحسبون من اول يوم دوره وبعضهم من الاسبوع اللي بعده

[bassouma]

ما عندي فكرة بس حبيت أدعيلك
الله يتمم حملك و يرزقك الطفل السليم معافا

[عشرينية]

حبيبتي الدكتورة كلامها صحيح ماتعطيك علاج وانتي حامل لانها تسبب تشوهات لاسمح الله
وبعدين لساتك بدري ع السونار اقل شي روحي لهم 25 ذو القعدة يكون لك 8 اسابيع حمل
لانه اوقات النبض مايبان بسرعة