مجرد فضفضة !!

[المحتارة=(]

المشاركة الأصلية كتبت بواسطة om d7omy

السلام عليكم

حبيبتي مابغيت أطلع إلا وأنا معلقة بشي إن شاء الله يفيدك ويريحك ..

اسمحي لي أذكر لك قصة لابنة خالة صديقتي

طبعًا هي بالأربعين وتزوجت شخص الكل حسدها عليه ومن قرايبها عملوها لها سحر

وصار فيها جني يهودي وكل ماسوت رقية أو حاولت تتعالج جددوا السحر

وطبعًا حتى رحمها مسكوه !! صارت ماتنجب

وفرقوا بينها وبين زوجها إذا هم سوى بالبيت مايطيقوا بعض وإذا طلع اشتاقت له وهو كذلك

تدري وش صار ؟؟

عشان تعرفي إن يد الله فوق يد كل بشر

حملت وخبت حملها عن الجميع !

وربي رزقها بتوأمين ولد وبنت

وحتى السحرة تفاجئوا كيف ماعرفوا عن هالشي !

والحمدلله حياتها بدأت تتغير للأفضل


اللي ربي كاتبه راح يصير رغمًا عن العادات والتقاليد

رغم عن كل من يتجبر على الله !!

ثانيًا اسمحي لي أعاتبك

معاتبة أخت لأختها !

كيف تبكي بدورة مياه ؟؟

ماتعرفي إن هالشي خطير

دورات المياه مساكن الجن وممكن لاسمح الله يصير لك مس أو تصابي بعلة من الجن

الله يكفيك الشر

إذا خنقتك العبرة

خذي نفس عميق

وقولي الحمدلله على كل حال

وابتسمي صدقيني راح تلاقي هالشعور اختفى

فاهمتك وعارفه ايش جوا قلبك

وربما البقاء دون زواج خيرٌ لكِ من زوج لايحترمك ولايضع لكِ قدرًأ


- عندي بنت خالة في عمرك

ماشفت مثل تفائلها رغم ان الجميع يسأل ويتكلم فيها ليه ماتزوجت !!

وهي طباخة وأنيقة ونظيفة ماشاء الله

لكن في شي اسمه " نصيب "

والحمدلله قبل شهرين خطبها ولد الجيران !!

- اسمعيني

لاتعلقي حياتك على الزواج فهو ليس الحياة كلها

هناك ماهو أهم

عندك هواية ؟ نميها.

عندك قدرات ؟ أظهريها

أشبعي نفسك بالله واغفلي عن موضوع الزواج

فإن كتبه لكِ الله فستنالينه رغمًا عن الجميع

وإن لم يكتبه فهذا الخير الذي يقضيه الله وليرضيكِ بشيءٍ آخر

مافي إنسان ناقص فلقد خلقه الله في أحسن تقويم

شوفي الأشياء الحلوة فيك وفي حياتك وخليك معها

إلى متى واحنا نركض وراء الحزن ؟؟

اهتمي بنفسك وبصحتك وربي لو لاسمح الله يجيك شي ماحد ينفعك

وراح تتحسري على حالك

خليك قوية بالله وخلي دايم إجابتك لكل شامت

يد الله فوق يدكم وأنا راضية بحكمته وقضاءه


الله يرزقك الخيرة في كل أمورك ويبعد عنك شرار عباده

أستمحيك عذرًا على الإطالة

دعواتي لك

الله يعطيك العافية ويجزاك خير على كلامج الطيب

بصراحة جتني صدمة من موضوع قريبتك اللي سووا لها سحر .. أعوذ بالله من غضب الله .. وش ذي النفوس السوداء ؟؟! معقول الكره يوصل هالمواصيل ويضرون غيرهم ؟؟!!

بس الحمد الله .. الله يثبتها ويغير حياتها للأحسن قادر على كل شيء

يا أختي كلامج مريح وسليم 100 % .. والحمد الله متعلمة وموظفة وان كانت أموري بالبيت شوي بس الحمد الله ..

بس هالموضوع ما أدري من كثر ما يتردد حول إذني قمت أحس بنقص بنفسي لدرجة أكره نفسي أحيانا . أحس انسانه ناقصة ودون غير عن الناس

أمي .. أخواني .. أبوي .. لأسف يتكلمون قدامي للحين ما تزوجتي .. متى بتتزوجين .. متى بيجي نصيبك .. متى متى وكيف وشلون وليه !! والله أحس اني عاله عليهم أحيانا

أختي انت وبقية الأخوات خوفتوني من موضوع المس أعوذ بالله من الشيطان الرجيم وليه أبكي بالحمام .. أنا أبكي عشان أبعد عن الناس وأقدر أغسل دموعي بدن محد يحس فيني والله .. ما انتبهت لهالموضوع ولا قد فكرت فيه أعوذ بالله من الشيطان الرجيم

يعني معليه سؤال . يعني ممكن هالحاله اللي تجيني أثناء حضوري لزواج ولا مناسبة ممكن يكون أعوذ بالله مس يعني ؟ ولا شيء نفسي نتيجة الكتمان اللي كاتمته في صدري وما أقدر أطلعه ؟؟ وكيف أعرف وأفرق ؟

بدأت أخاف والله