ديوانية البحرين - دردشة حوامل البحرين - البحرينيات

[شمس الصباح]

المشاركة الأصلية كتبت بواسطة om khalil

أم حماني
استخدمي له الحلوه ومرقدوش احسن من مضادات الدخاتر
وكله بطحيه على بطنه قد ماتقدرين، صعبه بس خلي امش تعلمش
اني من اصيد ياهل في هالسن على طول اسدحه على بطنه احيانا حتى وانتين منبطحه نوميه على صدرش احساس حليو وفي نفس الوقت تخف الغازات منه وهونيها وتهون شوي شوي بتتعودين على هالشي.. ومايشوف شر ان شاءالله.

طفلي حياتي
شفتش غارقتين مابينتين قمت عن يازعم بانام متى يتني النومه، بس زين اليوم طفرت من غبشه سبع ونص اني قايمه، لازم نكمل ترتيب باقي الأغراض قبل لا اييبون بيت عمي اغراضهم الحمدلله ماباقي وايد، اني خب عليي التوجيهات هني هناك فوق تحت ^_^ وبس نظمت الثياب وقططت كالعاده ثياب وايد احب هالشي لما يفضى الكبت ^_^
واني كنت باجهز ليها قبل رمضان او في رمضان بس صار وحملت وماصار جانس كل يوم ورا يوم، اختي تقول اشترت شنطة بتها من القبايل وايد حليوين، باروح اشوف ان ماعجبوني باخليه يوديني سوق واقف. هي الا تبا شن دشيب مدري ويش الخرفان اللي يحطونهم في mbc3 والا سبونج بوب على قولتها هههههههههه، افتكينا من فله وطختها اغلبهم مايناسبون يهال كله مفصخين.
اييييه السنين تركض يختش كاني توي معرسه، بي بيه عيد عرسنا هالشهر ولا ليي خلق باسوي روحي مريضه مجسحه خخخخ. مشكل كل سنه اني اذكره ماعدا اول اللعام هو ذكرني. تدرين مالي خلق هالحركات كبرنا عليها عيدميلاده السنه في شهر 1 مادري حسيت اني لازم اسوي روحي رومانسيه شوي احط له كارت كل سنه وانت طيب ونتفة حلاوه قبل روحته الشغل الصبح.
سويتها وعلى حظي
ماقعدت الصبح الا الريال ذابح روحه من الصياح ويش فيك الا يقول يدته ماتت.. الله يرحمها بس ياني شعور مادري وي شكلي اني تسببت ليها استغفر الله ههههههههه.. استغفر الله رحمش الله يام خليل.
الله يبلغش يا طفلي حياتي ان شاءالله وتشوفين ولادش وولاد ولادش ان شاءالله.

روز
عليكم السلام ويش فيش تطلين بس سلام ولا تسولفين ولا تقولين لينا ويش اخبار الحمل وياش. شكلش طفشانه الله يساعدش.

حروف عاشقة
الله يساعدش بروحش، اني شفت توزيعات اللي يطبعون الكرت على الشوكلاته وايد عجبني، مايحتاج تلصقين كرت ولا شي، وحده تسويهم بمركز البحرين التجاري، فكرت اخذ من عندها الحلاوه اخليها تغلفه لي بشفاف. واني باشوف لي شي في سوق الجمله في السعوديه جان رحت، فيه اشكال وايد مراضع صغار وغيره عجبوني وماياخذون وقت ولا يتعبون.

ام خليل انتي من وين لان القبائل ترى جريب منا

على طاري الرجال يصيح فطستيني من الضحك هههههههههه الله يرحمها يدته صادج احباط نفسي

[om khalil]

سلام ياحلوات

دوحة الأمل
انتين في الشهر الرابع، وشوفي هالحساب بفيدش

الشهر الاول من اول يوم في الدورة
الشهر الثاني 5 اسابيع و4 ايام تدخلين الثاني
الشهر الثالث 9 اسابيع تدخلين الثالث
الشهر الرابع 13 اسبوع و3 ايام تدخلين الرابع
الشهر الخامس 17اسبوع و6 ايام تدخلين الخامس
الشهر السادس 22اسبوع ويومين تدخلين السادس
الشهر السابع 26اسبوع و5 ايام تدخلين السابع
الشهر الثامن 31اسبوع و1 يوم تدخلين الثامن
الشهر التاسع 35اسبوع و4 ايام تدخلين التاسع

[om khalil]

ويش قاعدين تقولون هههههههههههههه


طفلي حياتي
هههههههههههههههه ادري بروحي من اسهب في الحجي ماعلى بوزي غطا ههههههههههه
تدرين اكتشفت اني ما اخذت ليها بعد ثياب رياضه، رحت قبل السوق رجعت اتطنطح بدلاغات وجواتي. حتى الخياط مارحت لمريولها وهذاني فاشه على الكمبيوتر باقوم اروح.


ام حماني
ماي الحلوه في المحلات صوب غراش المرقدوش وعليه صورة ياهل يعني مخفف حق اليهال، ولدي ماكان يشتهيه كنت اغصبه عليه، وفيه حركة تمسجين بطنه بزيت حول السر تسوين دائرة كل شوي تتوسع، وعكس اتجاه الساعه، هذي تنشط حركة الأمعاء ويمشي بطنه طبيعي. وماعليه شر ان شاءالله.


شمس الصباح
من ارض القبايل خخخخخ


وبنات اللي تسايل عن منظر الخياطه بعد الخياط ترى شوي شوي تلتئم والجرح يكون طبيعي مثل ما يتخيط اي مكان في الجسم. اني مره شفت جسمي بعد الولاده ياني انهيار عصبي
هالمره اشوف هناك؟ مستحيل هههههههههههههه
بس لاتهملون دبابكم حالتي في ولدي، اني حملت علشان اقدر ارجع بطني طبيعي من يديد ههههههه

[شمس الصباح]

ما فهمت قصدش انتي من الدراز

[طفلي حياتي]

هلا ام خليل قومي كملي اغراض بتش عيل واخذي ليها شون ذا شيب احلى رسوم شفته اما سبونج بوب احس شكله هرار والاول والاخير الاختيار ليها

[طفلي حياتي]

بنات لاي شهر نستخدم الفوليك اسيد؟؟؟؟

[om khalil]

شمس الصباح
ايه :)

طفلي حياتي
هذاني احارسه ايي علشان نروح، هي في بيت خالتها اتصلت ليهم الا تقول ليي امبي شنطه حليوه وايد وايد وكبيره وايد وايد
هي ويش يشيلها هههه، وتبا على قولتش شون دشيب.
اني بعد احبهم اطالع وياهم ، هالرسوم يذكروني برسوم قبل السنافر والشناكل عجيبييين.

[om khalil]

طفلي حياتي
سايلت الدكتورة من جم يوم قالت للثالث
ومن الرابع يعطون اقراص حديد ولا ادري

[الفتاة الذهبية]

هاي كروشات وحشتوني موووت
باجر عندي تحليل سكري بعدين بروح بيت امي
وراح توحشوني وايد

[om khalil]

الفتاة الذهبية
ان شاءالله التحليل زين ولا فيش شي
بس مابتدخلين وايد هناك