استفسار بخصوص ملابس المولود الجديد هل لازم اغسلها بمويه قبل ماالبسه؟

[$حبيبة زوجي سطومي$]

مرحبا حوامل وامهات
حبيت استفسر بخصوص ملابس المولود الجديد هل لازم اغسلها بمويه قبل ماالبسه
لان كثير يقولونه لانه يضر جسمه
وانا ماودي لان الملابس جديده
واحس بتقلب وبتنكمش لو غسلتها

وسؤالي الثاني انا تقضيت للبيبي من الهرم
وكثير قالو لي ليه ملابسهم مو حلوه ومو نظيفه ولامعقمه
كان شريتي من سنتربوينت او ستي ماكس هاليومين مسوي تخفيضات وتصفيه
وضااااااااااق صدري حسفوني بصراحه
بس حسيت سنتربوينت وستي ماكس بعد النفاس لان المولود بالنفاس دايم ملفوف والا المفروض اتقضى للبيبي حتى لبعد النفاس
تكفوووووووون ردو علي ريحوني

لاني ناويه اروح ارجع اشتري من سنتر وستي
وخايفه من رجلي يتضايق لان ورانا مصاريف
وش اسوي

وبسئلكم ابي محلات تبيع شنطه اللي احط فيها اغراض البيبي واغراضي للمستشفى
وبسئلكم عن الصندوق اللي بلاستك يحط فيه اغراض الببيبي اللي يجي اشكال يامربع يابيضاوي تكفون وين القاها فيه الهرم مالقيت الا شكل ولون واحد ماعجبني تكفوووون علموني الله يوفق ويرزق ويسخر زوج اللي ترد علي

[جذابه]

يسعد صباحك خيتو
اغسلي الملابس الي مفتوحه مو مغلفه بصابون الوزير
وعن ملابس الهرم ان بعد تقضيت منه حلوه اغراضهم ولاتكثرين انا اشتريت وااااجد وعقب مااستفدت منها لان الطفل يكبر بسرعه ولااااحقه ع سنتر بوينت وستي ماكس خذي منها المبس الكشخه

[فراولتي]

لازم يانظر عيني تغسليها ان كانت مفتوحة ولا مغلقه واستخدمي صابون الوزير ممتاز للاطفال وريحته حلوه
وحده من قريباتي مااهتمت بالغسيل الملابس والله جاء لطفلها جرثومة بالجلد وقعدت اسبوع بالمستشفى وقالها الدكتور احتمال احد مسكه اثناء الولاده غير نظيف او كانت ملابسه ماهي نظيفة وتاثر الجلد
اغسليها يالغلا مايضرك وتجنبي الاضرار واذا تبينها ماتتاثر اغسليها بيدك لان مايحتاج غسيل كثير
ثاني شي ملابس الهرم استخدميها للاستعمال اليومي في بيتك وحاولي تشتري طقم واحد للضيووف لطفلك يكون مرتب من اي محل لان بعض الزوار من الاقارب تفتح الكوفال البيبي
ثاني شي لا تصرفي كثير لان وراك مصاريف ماتتخيلينها فتره النفاس
الله يقومك سالمة متعافية انت والبيبي

[$حبيبة زوجي سطومي$]

ياااااااارب يااااكريم ان تسخر لجذابه وفراولتي ازواجهم وتخليهم لعيالهم وتهون عليهم بحياتهم وتسعدهم في اي وقت وفي اي مكان قادر ياكريم وترزقهم من حيث لايحتسبون وتبعد عنهم الاعين والحاسدين
والله لوتشوفوني يوم تقضيت من الهرم وكلن شب فيني ليه ماشريتي من سنتربوينت والا ستي ماكس والامذركير والله جلست اصيح من الغلقه الله يخلف كني ناقصه صياح الحين
بخلي الصياح للولاده خخخخخخخخخخ الله يهونها
والله ماقصرتو والله ريحتوني الله يثلج صدوركم
انا الحين قلت لزوجي خلني اروح اتقضى من سنتر بوينت لو شوي
قال لا خلي باقي الاغراض بعد النفاس لانه بيكبر
بس يااخواتي ماودي بعد النفاس بيصير معي وبيبهذلني وكل وقته يصيح
والا وش رايكم
والا زوجي يقول ترى ورانى اغرااااااااض كثيره غير انه انشاءالله ولد يعني يبي له مقاضي وذبايح وكل شي غالي وش رايكم
وتسلموون على ردودكم الحلوه ياحلويين

[جذابه]

تسلمي حبيبتي
زوجك صادق وراكم مصاااااااريف بعد الولاده وبعدين شفيها ملابس الهرم حلوووه وكلها شهر والا شهرين وبيكبر البيبي وماراح تستفيدي منها انا اخذت من الهرم كلش وبعد بتجيك هداياء للمولود الله يسهل عليك وييسر ولادتك
ادعيلي ان الله يحقق الي ببالي

[$حبيبة زوجي سطومي$]

تسلمين حبيبتي جذاابه الله يحقق لك اللي فبالك عاجل غير اجل قادر ياكريم

[أ ح ــتواني وأح ــتويته]

ايه يالغلا كلام البنات صحيح
يعني ملابس الهرم حلوه ورايقه ومعظمها تقليد ماركات بس اهم شي غسليها غسله خفيفه لا تكثري صابون ولا تحطيها بالغساله يعني على يدك سريع سريع وانتبي من حراره الكوايه يعني لا تكون عاليه وعلى فكره لا تكثرين مقاضي وربي البيبي يكبر بسرعه ع اللبس
وبالنسبه لاغراضك بالمستشفى خذي شنط اليد اللي تجي كبيره شوي وتكفي كل شي احيان اخذها اذا بسافر كم يوم اتمنى انك عرفتيها
وبالنسبه للصندوق تلقينه في إيكيا حلو وجودته طيبه ...... وفيه برضو باوارث بلازا

وربي يقومك بالسلامه ويجيب البيبي على خير

[rose]

لا ياقلبي كلام البنات صح
وخلي اللي يصيح يصيييح حرام البيبي بيكبر بسررررررعة ماشاء الله يوم يستقر نموه جيبي من ما تبي
ملابس الهرم خليها لانها حق استعمال دايم عملي
وحتى لو من وين اشتريتي الملابس فكيها وحطي ماي ولينور او معطر بس بليها واشطفيها شطف خفيف
ماتدري مرت ع اي سفينه او شحن
ولاااايهمك احد
اما شنطة البيبي في من سنتر بوينت راح تعيش معاك مدة طوووووووويلة او مذر كير
وفي بري ماما
تقدري تاخديها كويسة اغلى شوي عشان خلاااااص وحدة مرة بلاش تغيري كل شوي
حبيبتي اسمعي كلام عقلك ولا عليك من احد
وكلام البنات عين العقل

[marwa]

اززا حبيتي تشتري دحين من سنتر بوينت انا رحت اخدت شوية اغراض مره جنان واسعارها واو ممكن تاخديها اكبر شوي الي هي من 3 شهور ل6 شهور تفيدك بعدين بس فترة النفاس تحتاجي طقمين حلوين لما يجو الضيوف والباقي يكون بيجامات مريحه للبيبي ولاتنسي انو بيكون ملفوف الكشخه مارح تبين الشنطه زي ماقالت روز من مذركير في شنط حلوه وتعيش
ربي يتمم لك علي خير

[~~لحن الحياة~~]

حبيبتي من المعروف انو التياب المكشوفة لازم غسلها بعد الشراء وقبل اللبس وكيف ازا كانت ملابس بيبي لازم تغسليها وتعقميها كتير منيح لانو البيبي حساس وبالنسبة للشراء من السنتر البنات فادوك
بالسلامة غاليتي