ليبيا غالية ،،، وما تعرفني إلا بالغااااااااااالي~~~~ تفضلوا

[sosolibya]

أية تضغطي على الصورة بالزر ألأيمن وتعملي كوبي إميج لوكشن

وتمشي لمربع الرد السريع لوطا ,, تلقي جنب وين حجم الخط ولون الخط تلقي مربع زي الصورة فيها جبل وشمس تحطي فيها الرابط يللي نسخناه قبل شوية ,, يعني اديري لصق..

فهمتي ,,

وإن شاء الله ماتحطي إلا الصور يللي فيها الفايدة يااارب ,, وربي يقدرك على ماهو طيب..

[sosolibya]

عزيزاتي فيه ليكم رسالة من رغووووووووووودة محمد

السلام عليكم كيف حالكم والله ليكم وحشه كلكم والله ايبارك فيكم يارب والله يابنات تعبت مانحساب روحي انوض وانكلمكم لكن الواحد مايموت الا بأجله


وشكرا لرسالتك ام فراس وتسأل عليك الصحه والعافيه يارب وبالنسبه لسفرتي قصتي قصه لما نرجع للتجمع اكيد راح نحكيها ليكم

والف الف مبروك لام اجنادين والله فرحتلها من كل قلبي ان شاءالله ربي يكمل عليها بشوفة البيبي يارب وربي ييرق كل محروم ان شاءالله وسلامي ليكم كلكم

[sosolibya]

سامحوني لأني شغلتكم ,,, بس بجد الصغار يخوفوا ويديرو يللي مايخطر عليك..

هذا أمس وأنا في المطبخ لاهية نصنع شورني خديت روحي بالعين هههه ,,,

المهم لاهية بين كيكتي وبيتزتي ووووو

والصغار يحضرو ي التلفزيون في الصالة ,,,,

[ام معاد]

السﻻم عليكم كيف حالكم كلكم بدون استثناء
ايوووووتة اهﻻ بيك مرة تانية اني ملحقة عليك في القروب الاول ان شاء الله مانسيتيني .انت قريبة ميمو صح

[fefe93]

المشاركة الأصلية كتبت بواسطة آية 87

حلو لما تجي البنوتة بكرا ان شاء الله تجيبيها على خير وسلامة وتكون من قسمك يارب وتنوضي بخير وسلامة انتِ في شهرك متنسيش تاكلي سبع تمرات الصبح وربي يسهل عليك يارب

تسلمي آيه و التمر تعرفي نأكل فيه من ثامن لانه الحديد عندي ناقص و زيدلي فيه و شكراً علي النصيحة

[fefe93]

اثري أنا الدكتورة إمدايرتلي موعد كل أسبوعين و انتي عارفه أهنئ كل شي بالمواعيد مانقدرش نمشيلهم في اي وقت

[آية 87]

السلام عليكم شكرا ليك سوسو على التوضيح واكيد مقدرا خروجك امس وعادي تصير ولا يهمك بس كملي قصة الصغار شوقتينا وينك ؟ ام معاد منورة القروب واكيد قعدة نتفكر لما خشيتي للقروب فيفي كيف حالك اليوم وفيه وجع قعد ولا بطل ؟

[fefe93]

اهلين اية الحمد الله كويسه لا لا توا معاش في وجع
نعرفي مرات انقول خلاص نبي انجيب توا و مرات انقول كان اتعطل الي يوم 9 _6 4 ايام بعد موعدي لانه نفس يوم عيد ميلادي حلوه لما انكون انا و بنتي نفس التاريخ

[آية 87]

فيفي ان شاء الله تجيبي بخير وزي ما تبي يارب اهم شي تراقبي الحركة متع البيبي

[هدية الخالق]

السلام عليكم كيف حالكم كلكم ان شاء الله تكونوا بخير
بالله عليكم ادعولي ربي يهون عليا والله في حالة مايعلم بيها إلا ربي منموت من الوحم ملوحة ونبكي وشادة راسي نحس فيه بينفجر ونفسي ضايق ومخنوقة والجو نووووو يارب ألطف بيا :(