هنا تجمع حوامل الشهر (السابع والثامن والتاسع)

[أم ياسمين]

مثل شنو الملابس اللي تبين تشترينها حقج ؟

[سكره وذابت]

خالتي راح تشتريلي ملابس حق استقبال ناس

وملابس رضاعه اناراح اجيبها

اذاقصدك كذا بس اذاقصدك ملابس حق بعدنفاااس لسى

[أم ياسمين]

انا لأني قاعده ادهن جسمي عشان التشقق فما كنت ادري ان الريحه تعلق فكل ما ادهن البس شي المهم ان بعد ما غسلتهم صارت ريحتهم معفنه و كثر ما اغسلهم الريحه مو راضيه تفج فعشان جذي ابي اشتريلي بجايم يديده حق بعد الولاده , بس هم قاعده افكر ان النفاس بعد دهونات و اعشاب هم راح تطلع ريحه بعد و راح اضطر اني اشتري مره ثانيه فما ادري بالضبط شنو اخذ , انا الاستقبال ما احاتيه و ماراح اشتريله شي عشان استقبالي بسويه حفله في نهاية الاربعين.

[أم ياسمين]

مادري اخذلي بجامتين اقزر فيهم فترة النفاس و بعد النفاس اشتري بجايم اكثر لاني بقط كل اللي عندي بالكبت ريحتهم عفنت.

[الحزينه 2]

هلا يالغاليات اخباركم

والف سلامه عليك اموره وكتكوته ...حاولي تشربي نعناع يمكن يهديك شوووي وربي يتمم لك بخير


يااقلبي عليك ياام ياسمين الله يعييينك..بس انا عين الصواب دام السالفه فيها دهون وزيوت خليك على بيجامتين بعدين اذا خلصتي الاربعين اشتري ملابس جديده وكشخي فيها خاصه لابو الشباب هههههههاي


وهلا وغلا وسله حلا للي انضمو جديد لنا والله يتمم لي ولكم بخير ياااااااااااااااااااااااااااااااارب


تقديري للجميع

[أم ياسمين]

هاي حزينه 2:انزين كافي اشتري شورتات قطن حق فترة النفاس و الا لازم بعد طوال؟

[الحزينه 2]

والله يااقلبي الافضل طوال لان موزين يدخل الهواء او البرد للنفاس...

وحسب الاجواء اللي بتولدي فيها اذا شتويه لا انصحك تدفين نفسك...عشان ماتعانين من الخراب والهواء

والله يتمم لك بخير يااالغلا

[أم ياسمين]

ثانكس حياتي يعطيج العافيه انا ولادتي انشالله شهر 10 يعني الشهر الياي اذا الله سهل

[ام حمادة المصرية]

كيفكم ياكروشات
واخبار بيبهاتكم اية
يارب كلكم بخير
اللهم يسر علينا الولادة جميعا

خلصتوا اغراض البيبى ولا لسة
انا فى اخر الشهر السابع ونزلت السوق امس
وماعجبنى شئ
مش عارفة هخلص امتى
على فكرة سنتر بوينت مسوى تخفيضات

[اقصوصه]

سكره وذابت : الم الحوض طبيعي لان حجم البيبي يكبر فبالتالي يثقل ويزيد الضفط على منطقة الحوض، وهذا هو سبب الآلام، اما عن الم الرجول فحاولي دايما تخلين رجولك وانيت قاعده ع مكان مرتفع يعني وانتي قاعده ع الكنبه مثلا حطي قدامك طاوله صغيره وفوقها مخده ومدي رجولك عليها عشان سريان الدم ، وحاولي تتجنبين الوقوف لمده طويله لانه متعب بفترة الحمل ، والله يقومك بالسلامه يا رب :)

ام ياسمين : حتى انا بعد جهزت شنطة البيبي بس باقي شنطتي انا بعدني ما جهزتها :)

الحزينه : شخبارك عساك طيبه ؟