تجمع مستخدمات وصفات الطب البديل والأعشاب الطبية لعلاج تاخر الإنجاب

[anoossam]

السلام عليكم اخواتي
ان شاء الله تكن بألف صحة وعافية
غفران حبيبتي تخيلي انا الى الان تنزل علي افرازات بنية ووردية وبالامس دم احمر ليس كثير ولكن دائما موجود
والله حرت ما عرفتش نروح للطبيبة ولا عادي ماكان لاه؟ واصبحت خايفة من الجماع خايفة هذي الافرازات تأذي زوجي

[غفران شكران]

مرحباً أختي انوسام ربي يشافيكي ويعافيكي على الأغلب هاته إفرازات نهاية الإجهاض تكون على هاته الصورة وتظهر خاصة بعد الجماع ولكن من الأحسن زيارة الطبيبة لانها طالت بعض الشيء ولكن لا تخافي ان شاء الله خير ويارب يكون حمل ورآها ان شاء الله


اختكم غفران

[anoossam]

المشاركة الأصلية كتبت بواسطة غفران شكران

مرحباً أختي انوسام ربي يشافيكي ويعافيكي على الأغلب هاته إفرازات نهاية الإجهاض تكون على هاته الصورة وتظهر خاصة بعد الجماع ولكن من الأحسن زيارة الطبيبة لانها طالت بعض الشيء ولكن لا تخافي ان شاء الله خير ويارب يكون حمل ورآها ان شاء الله


اختكم غفران

حنونة هذا وين جيت من عند الطبيبة شافتني قاتلي راكي مازال تنزفي وراها طولت بزاف دارتلي السونار المهبلي و لقات عندي فوليكيل follicule قاتلي هذا لي غذي الجنين المدة الاولى ومبعد يعود يتغذى من الخاوة وقاتلي هذا ما يهبطش يذوب اداخل وقاتلي مادام عندك هذا راكي ما تحمليش هذا الشهر و عطاتني حبوب اسمهم اورغامتريل orgametril حبتين في اليوم مدة 20 يوم ثم تجيني الدورة وطلبت مني نرجعلها كي نكمل الدواء بعد 20 يوم
صافي وش رايك نوقف خلطة العسل حتى نكمل هذا الدواء؟ لأن ما عنديش تبويض هذا الشهر.

[غفران شكران]

ربي ينزل الشفاء حنونتي انوسام مادام مازال تبعات الاجهاض من الأحسن توقفي خلطة العسل حتى تهبط الدورة الجاي إبداى من جديد لان التبويض يبدأ من بداية الدورة الجاية فلا داعي اذا لتناوله الان حتى تصفاي تماماً وربي يرزقك ويفرحك حنونة
ز

اختكم غفران

[jiji belle]

السلام عليكم اختي غفران
تعيشي حابة نسقسيك على اختبار التبويض(تاست)
درتو من 12 الى 19 و كان سالبي
بصح ما درتوش نهار 18
يعني هو يكون ايجابي يوم التبويض فقط
مثلا لو مان تبويضي يوم 18 الاختبار يوم 19 يكون سلبي
تعيشي اختي فهميني المعنويات راهي في الحضيض استغفر الله
هادا الشهر استعملت التمر و بذور الجزر و ميرامية حتي اليوم 12 من الدورة بصح مكانش تبويض

[غفران شكران]

مرحباً بكي أختي جيجي وان شاء الله تحملي وتبشرينا في القريب العاجل ربما نوعية البوندلات تاع التبويض غير جيدة وهي عادة غير فعالة هناك اختبار التبويض الديجيتال عندما تكون النتيجة إيجابية يظهر الوجه الضاحك وهو أحسنهم اما عامة الموجودة حاليا فبحكم عملي في المختبر تظهر السلبي إيجابي وأحيانا الإيجابي سلبي هذا احتمال كبير لان التبويض ان حدث فمدة يومين تظهره حتى وان أغفلتي يوم يظهر في الذي بعده وهناك احتمال ان التبويض حدث ولكنه ضعيف حاولي ان تقيسي Lh في ايام التبويض وان كان مرتفعا فتأكدي ان البويضة جيدة وعلى الأغلب والعادي يكون ضعيفا قبل التبويض ويرتفع اثناء التبويض وينخفض عند نزول البويضة واختبار التبويض يرصد ارتفاع Lh هاته حبيبتي معلومات بإذن الله أكيدة ولا تقلقي حبيبتي واستمري على هاته الوصفات وتأكدي ستأتي بنتيجة عاجلا او آجلا وربي يفرحك ويرزقك


اختكم غفران

[jiji belle]

تعيشي غفران ربي يحفظك
قوليلي نقدر نهار السبت نروح للمختبر ندير تحليل lh؟
نهار السبت يكون 21 من الدورة
و السعر نتاعو لاكان قدرتي

[jiji belle]

اختي غفران نسيت ما قتلكش راه نهار 17 و 19 ظهر خط خفيف يعني ماشي خط واحد برك
انا قلت سلبي على خاطر كاتبين بلي لازم الخط يكون ظاهر كيما النافذة الاخرى
وانا كيما بديت نديرو واقيلا 15 و 16 و 17 و 19 كان خط باهت
هل صحيح كي يكون باهت يعني قريب التبويض؟

[غفران شكران]

أختي جيجي تقدري ديري التعيار بصاح اذا كانت عادتكي 30 يوم يفضل عمل Lh يوم 12 الى 14 وقيسي على ذلك طول عادتكي كلما طالت طال موعد التبويض اما سعره فيتراوح من 800دج الى 1200 دج حسب الخابر والتقنية المستخدمة
اما ظهور الخط الباهت فهو للأسف سلبي ولا يعني بالضرورة اقتراب التبويض فهو حساس اكثر من اختبار الحمل
اتمنى اني افدتكي ولو بالقليل وأدعو الله ان يهبكي وأخواتي الحمل في القريب العاجل
وأي استفسار أنا في خدمة الجميع وربما ننتفع من بعضنا ويتحقق المراد


اختكم غفران

[bara]

السلام عليكم
ليوم قريبة زوجي قاتلي علاج كثير حملو منه بمشيئة الله
وهو اول يوم الدورة تشرب القرفة والشندقورة والطيب كل يوك كاس حتى 12 من الدورة
ومن 12 الدورة مدة ثلاث ايام تتبخري بالليمون تقطعي الليمون وتضغيه في قذر مع الماء يسخن وبعدها تتبخري بيه وبعدها يكون اللقاء مع الزوج ( اي في ايام التبويض )
ان شاء الله نكون افدتكم انا هذا الشهركي تجي الدورة راح اجربه