سيدات ليبيا الحبيبات ..تفضلووو

[شموسه 88]

السلام عليكم ورحمة الله وبركاته

[شموسه 88]

فيفي نصحه ردبالك تشربي القرفه وانتي مش عارفه رحمك مفتوح ولا لا ربي يسهلك ويرزقك بولاده ميسره امتا موعدك بلظبط

[شموسه 88]

ماشالله ام فروسي اتروحي تلقي اجواء تجهيزات لفرح فستان سهره ننصحك خوذي من بنغازي فتحن محلاات روعه من ماركة جوفاني او شيري هيل في شارع فينسيا ان شالله حنمشي هل اليومين نفتح ملف في ابن سينا كلهم شكروه ليا بس قالولي ضروري تفتحي ملف قبل مااتجيبي

[شموسه 88]

دوودو اكيد حمله الثانيه اسهل من الاولى لانك اتكووون عندك خبره والولاده انطمنك انها اسهل من الاولى ابوااجد

[شموسه 88]

اليوم قبل مش دااايره غذاء لا نبي انطلع المطبخ نضت من الساعه 9 اوبديت انظف هو مافيش شي لاني مالياش واجد امحوله اوكنت جايبه شغاله بس هههه الله غالب وسواس وانا انظف الثلاجه القيبت كيس فيه مصارين امنظفتهن او كبده او عندي خضراء في الثلاجه تنشطت درررت مصارين او رز عل مرقه المصارين وامسير اتصلت ابزوجي قتلا مااتجيبش غدا طيب لما جاء لقاه مصارين هههههه انصدم قالي كنك شن فيه ماتغديناش الا بعد العصر حتى قبل نمشي انعزي قريبتي تنبلت نمشيلها بكره

[شموسه 88]

المشاركة الأصلية كتبت بواسطة dr.loly

شموسه صح الكلام لي يمعته قالو قطاع طرق وجو هكي عليك رعب كلا ناس هذومااا

يعني اكيد ف ناس مازلت تزرد


ونفس السؤال لاوشـــــــــــــــــــتي؟؟؟



في ناس تجي تدهور وتبات ف منتجعات ومنازل اجار سوسه والا ؟؟؟؟

فروسه في نااس وااجد تززرد بس نحنا ديما اليوم لي انقروا نمشوا فيه ضرروري اتسير حاجه في لبلاد يا عصيان يا تفجير يا مظاهرات هههههههه نحس
او حتى ظرروف زوجي مااساعدنش انا نطلعوا بس لعند شحات او سوسه طررريق امااان رعب كله في درنه عل حسب ما نسمع

[dr.loly]

المشاركة الأصلية كتبت بواسطة شموسه 88

ماشالله ام فروسي اتروحي تلقي اجواء تجهيزات لفرح فستان سهره ننصحك خوذي من بنغازي فتحن محلاات روعه من ماركة جوفاني او شيري هيل في شارع فينسيا ان شالله حنمشي هل اليومين نفتح ملف في ابن سينا كلهم شكروه ليا بس قالولي ضروري تفتحي ملف قبل مااتجيبي

اهلا شموووسه كيف حالك اليوم ان شاء الله اموركم تمام جميعا

ومعليش ع الزهااااااايمر هههه عارفه نحساب روحي كتبتها لكي

انك لازم تفتحــــــــــــــــي ملف مانبيش نخوفك بس اعتقد

ف التاسع ؟؟ يقبلو او لا اظن من سادس اخر شـــئ

بس انتو شوفوهم في اسرع وقت واحجزي اقرب موعد تلقيه

نصيحه لان ملف لازم ف ولاده يقعد قاعد يشوفوا حالتك وتحاليلك

كامله ومتابعه الضغط يهتموا بها هم واجد الحاجات هذينا
وتخطيط نبض البيبي ف التاسع

وفصيلتك وزمرتهاااا ...




وشكرا ع نصيحه عزيزتي حتي نا مقرره هكي ان شاء الله

هنا الفساتين الماركة وطوال تصميم عالمي زي دولتشي اند قابانا
وايلي صعب قريب ف عششرين الف ليبي ههههههههههه حق ارض
ع قول صاحبتي خخخخخ


بس سمعت بشارع فينيسيا ف حاجات حلوة

حتي صاحبتي قالتلي ع جوفاااني وان شاء الله نلقي حاجة مميزه

اللي في بالي

[dr.loly]

المشاركة الأصلية كتبت بواسطة شموسه 88

اليوم قبل مش دااايره غذاء لا نبي انطلع المطبخ نضت من الساعه 9 اوبديت انظف هو مافيش شي لاني مالياش واجد امحوله اوكنت جايبه شغاله بس هههه الله غالب وسواس وانا انظف الثلاجه القيبت كيس فيه مصارين امنظفتهن او كبده او عندي خضراء في الثلاجه تنشطت درررت مصارين او رز عل مرقه المصارين وامسير اتصلت ابزوجي قتلا مااتجيبش غدا طيب لما جاء لقاه مصارين هههههه انصدم قالي كنك شن فيه ماتغديناش الا بعد العصر حتى قبل نمشي انعزي قريبتي تنبلت نمشيلها بكره

ماشاء الله ربي يعطيك الصحه وصحيحه العصباااان


عجبتني مفاجأه الكيس هههه نحبه جو هذا

تقعدي منظفتيها ومقسمتيه وناسيه وحده وداسه روحها بروحها

بعد تلقيها فيها جو هههه
صارتلي هنا نذكر قبل شهرين هك حتي نا نفس جوك

كنت اندور ف كيس كبده لقيته لاصق تحت

[خوله 2014]

السلااااااام عليكم حبوباات
اولا سامحوني عالتاخير والله ما نفضي بكل مش زي قبل سبحان الله المهم كيف حااالكم يا اوخياتي نفره نفره والله ليكم وحشة ولهدرزتكم
وتوا بنخش في الموضوع علي طول اني توا نبي نوريلكم صور لمتي وقولولي رايكم وبعدها بنهدرز معاكم في هلبا تفاصيل صارتلي من نهار جبت لعند عقيقه مودي الي درتها لزوجي وبعدها طهار ميدو بادن الله وسامحوني اوخياتي كان مارديتش علي الي فات لكن والله ماعاد انلحق سبحان الله واني توا القيتهم هلللبا يبو نهار غر في القرايه (هدرازات ماشاءالله هههخخخ)

[خوله 2014]

يا بنات هي نبدو علي بركة الله