[{ تجمع مستخدمات الكلوميد والدوفاستون وإبر التنشيط والتفجير للحمل }]

[شاعرة الصمت]

المشاركة الأصلية كتبت بواسطة anarana

السلام عليكم يااااهل الداار مساااكم الله بالخيراشلونكم حبوباااتي وحشتوني واشتقت لكم حيــــــــل شخباااركم ان شاءالله علومكن زينه وياهلا ومرحبا بالجدد اللي شرفونااا افااا ياذا العلم محد فيكم سال عني وقال هذي وين غاطسه ياله ماعليه سامحتكم ههههههه المهم حبيبااتي انا صاارلي الحين متاخره علي الدوره 5 ايام على موعدها والغريب اني احس نغزات على جيهة المبيضين من اليوم 14 من الدوره الين الان والم في الظهر على الرغم اني مااحس بذا الشئ لا وقت التبويض او قبل الدوره بيوم طبعا انا تركت الابر لي شهر وداخله بالثاني المهم الحين انا مااااراح استخدم اي شئ شريت سير رياضي وكم اله وقلبت البيت جيم وسجلت بمركز للتخسيس واخذ من عندهم وجباتي ابي انحف لان الابر والمنشطاات عدمتني وكل ماله وزني في زياده من اخذتها بس الحمدلله الحين احس حتى نفسيتي غير مع الرياضه والرجيم اللي عندهم ونزل وزني 7 كيلو ان شاء الله بعد زيااده ابي انحف اكثر وابي انسى موضوع الحمل لان خلاااص والله نفسيتي تعبت وحطيت حرتي بالرياضه ولا اطلع من البيت ولا اروح والا اجي ابي انجز مع نفسي وان شاءالله الله يبلغني ويبلغكم وكل محروومه من الملسمات يااارب ياكريم يا سميع الدعاء

هلا والله بالزين

السموحة منك الغالية
نساك الموت حبيبتي

اعلومج

اشتقنا للربشة
وتشجيع بعض
محد موجود

[شاعرة الصمت]

المشاركة الأصلية كتبت بواسطة leeloo

كيفكم حبيباتي


انا ليا سنتين وشي ما حملت والدكتورة اليوم كتبتلي كلوميد 50mm مرتين في اليوم
من تاني يوم للدورة لمدة خمسه ايام
ابغا اعرف مين استخدمت الكلوميد وحملت عليه وايش الاعراض الجانبية الي حست بيها


الله يرزقني ويرزقكم ان شاء الله

هلا وغلا لج معنا

الله يبلغ بحمل سليم معافي
حبيبتي
الكلوميد على حسب الأجسام مثل ما قالت لج اختنا اللي قبلي

انني أكثري من الاستغفار

وان شاء الله ربي بيسر أمورك كلها

[أم أحمد 2006]

مساء الخير يا أحلى متفائلات
بغيت مشورتكن
بعد الابرة خذيت حبوب دوفاستون جالتلي آخذهن 14 يوم ،،هل ممكن أتركهن قبل 14 ؟؟
الله يسلمكن انا زوجي بيرجع من السفر بعد 14 يوم يعني اذا ماوقفت الدوفاستون بتنزل الدورة في أيام اجازته يعني ماراح ينفعني العلاج للشهر الجاي طبعا اذا ماحملت هذا الشهر وزوجي اجازته اسبوعين ويروح .

على فكرة أنا ماخبرت حد اني خذيت منشط وابرة حتى زوجي مايعرف بس يعرف اني أعالج عن الالتهاب . شورن عليه حبيباتي

[شاعرة الصمت]

هلا الغالية

بس اللي اعرفه ان هو مثبت للحمل اذا موجود

وإذا مب حمل ينزل الدورة بعد يومين او خمس ايام

أتوكلي على الله وعسي يكون حمال الغالية

[anarana]

علومي زينه الحمدلله شاعره اخبارك ياقلبي وش احوالك ووين وصلتي بلمنشطات والادويه الله يتوب عليك وعلي وعلى كل الحريم منها ونفتك من وجع الراس وحرق الدم اللي حنا فيه ويرزقنا عاجل غير اجل اللهم امين

[أم أحمد 2006]

مساء الخير بنات علومكن ؟؟
أنا اليوم العاشر من أخذت الابرة التفجيرية ومعي ألم فالصدر وعادة يجيني قبل الدورة أيام لكن هذه المرة قدم كثير .
من صارلها مثلي ؟؟
ماأبي أتأمل وبعدين أنصدم ،،جولولي بصراحة هل هذه من أعراض الابرة والكلوميد ؟؟

[anarana]

المشاركة الأصلية كتبت بواسطة أم أحمد 2006

مساء الخير بنات علومكن ؟؟
أنا اليوم العاشر من أخذت الابرة التفجيرية ومعي ألم فالصدر وعادة يجيني قبل الدورة أيام لكن هذه المرة قدم كثير .
من صارلها مثلي ؟؟
ماأبي أتأمل وبعدين أنصدم ،،جولولي بصراحة هل هذه من أعراض الابرة والكلوميد ؟؟

حبيبتي اعراض الابره التفجيريه تشبه كثير اعراض الحمل انتي لا توترين نفسك وتفكرين كثير ان شاء الله يكون في حمل انا بعد كم يوم من الابره صارلي مثلك وكل ماله يزيد الالم الين جسمي كله تنفخ كاني حامل وصدري بعد وبس نااايمه وثقلاانه حتى احس ثقل ببطني كاني حاامل اعرف صعب عدم التفكير بس لازم وظروري بعد تكوني ريلاكس اكثر شئ وتريحي نفسك على الاخر ياارب يبلغى واياااكي وكل محررومه من المسلمات

[أحمد حبيبي]

مسااااء الفل والورد

anarana .. هلاااااااااااا والله .. صدقيني انج عالبال ولو ما سئلنا فديتج .. وواااايد زين انج سويتي رياضة وضعفتي ترى هذا ممكن يكون سبب لحملج ان شاء الله بدون منشطات ولا خراااااااابيط .. ودام الدورة متأخرة 5 ايام روحي حللي وان شاء الله تبشريناااا حبيبتي

leeloo .. مثل ما قالت ام احمد .. كل جسم عن جسم يفرق ويختلف .. فيه حريم يحملون من اول ماياخذونه وفيه حريم بعد كم محاولة .. ان شاء الله فالج الحمل ياااااااااااارب والله يوفقج عزيزتي

اللهم رحمتك نرجو فلا تكلنا الى غيرك او انفسنا طرفة عين يارب .. اللهم ارزقنا الحمل السليم والذرية الصالحة المعافاة عاجلا غير آجلا يااااااااااااارب

[شاعرة الصمت]

هلا صباي علومج

انا طيبة
واليوم لي ٩ يوم من الدورة والحمد لله على كل حال


وقفت كل شيء طبيعي وطبي

[شاعرة الصمت]

الغاليات
كيف احسب ايام التبويض
الدورة السابقة كانت
تاريخ ٥ /٣ / ٢٠١٤
واللي. بعدها كانت : ٢/ ٤ / ٢٠١٤
والأخيرة كانت : ٣ / ٥ / ٢٠١٤
منى يكون معى تبويض