تجمع منتظرات الدوره بعد عشره ايام عساها ماجت

[ناعسة العين]

سمايل كم لك سنة متزوجة
الله يرزقنا جميعا .. ويرحمنا برحمته

[هدوء انثى]

للاسف بنات
حملي بدون جنين هذه المره الثانيه اللي تحصل لي تو بصفر عامله تنظيف
تورمت عيوني من البكي
الحمدلله ع كل حال وربي يرزقكم الحمل السليم المبارك يارب

[ام مرايم]

لاحول ولاقوة الا بالله ،، حبيبتي هدوء ربي يكتب لك الحمل السليم والمعافى وتكون بشارته تفخصين منزلي قبل الدورة ويطلع لك خطيييييين ع طووول ياااارب وراح ادعي لك بصلاتي هالدعاء ،،،
بنات الدورة ماجات اليووم مفترض بكرة اخر فرصة تجيني احس متوترة وعصبيتي ونرفزتي زايدة واللي مزودها الم الصدرر

[هدوء انثى]

تسلمين حبيبتي وربي يسمع منك
انا الحين ودي انسى هالحمل لانو مرتين صار لي بدون جنين وتو من اربعه اشهر عامله تنظيف فخلاص ابي ارتاح من هالهم
وانتي يارب ماتجيك هالدوره وتحملين حمل سليم يارب والم الصدر من علامات الحمل يارب تكوني حامل يارب

[ام مرايم]

انزين حبيبتي انتي اشوف انه توك باللاسبوع السابع ليش ما تنتظرين اسبوعين زياجة وتردين تكشفين؟ بحملي الاول الدكتورة الخاصة رفضت بشكل قاطع انها تسوي لي سونار قبل الاسبوع التاسع او العاشر لان بحسب كلامها ممكن يكون حمل متاخر وانا احتار وانتي تتوترين وتخافين انه مابين شي! ..ا

ايضا اختي من فرحتها بالحمل على طول سونار وكانت يالله يالله كم سبوع وقالت لها الدكتورة مافي جنين والخ ولازم ادوية وتنزيل جاات تصيح الا تقولها والدتي ذكري الله وماراح يجي الا الخير وطنشي هابكم سبوع وبعدها ردي عملي السونار وفعلا عملته وطلع فيه جنين! والحين بحضنها ...
ومشكورة حبيبتي على الدعو ابعسل منك يا شهد ،، ،

[مكتومه]

الله يرزقكم ياارب عاجل غير اجل يارب وهدوء انثى لاتستعجلين على التنظيف انتظري بعد اسبوعين وياارب يطلع فيه نبض يمكن حملك متأخر ويارب يرزقك واذا ماتم الحمدلله على كل حال والله بيعوضك ان شاء الله قريب ويرزقك ربي بحمل سليم معافاه ماتدرين يمكن خيره من ربي لاتزعلون بنات وكلو امركم للي بيده الكاف والنون واذا ارد شي يقول له كون فيكون والله يرزقكم يارب ويبرد قلوبكم ادعولي ربي يهون علي بحفظ الله

[ام مرايم]

ونعم بالله اختي مكتومة ،،، انا اتقهر لما يكون مافي حمل والدورة معانده ماتنزل!

[ليمآإآ]

هدوء يا عمري والله انصدمت من هالخبر عيوني دمعت على هالخبر عورتي قلبي والله انتي مثل حالتي ثلاث مرات حملت و اجهض في بداية الثاني و مافي اي سبب يارب ارزقنا في القريب العاجل ان شاءالله ����

[هدوء انثى]

مكتومه تسلمين حبيبتي وربي يجبر بخاطرك فديتك بس لازم الوحده تزعل شوي
وربي ممكن عادي انسى الحمل لكن مابي هالغسيل والتعب انا مجربه ومانسيت قبل اربعه شهور

ليمااا حبيبتي ياقلبي عليك عساك ماتبكين الا من الفرح فديتك حبيبتي ربي يعوضك ويعوض كل من ما اكتمل حملها..
اذا حملتي ع خير اعملي ربط تمام مررره فديتك

[دلوعة بالحيل]

المشاركة الأصلية كتبت بواسطة هدوء انثى

للاسف بنات
حملي بدون جنين هذه المره الثانيه اللي تحصل لي تو بصفر عامله تنظيف
تورمت عيوني من البكي
الحمدلله ع كل حال وربي يرزقكم الحمل السليم المبارك يارب

الحمدلله على ككل حال
ربي يعوضك بتؤؤؤام أن شاء الله
ربي يرزقك الخير و تحملي قريب حمل سليم