سيدات ليبيا الحبيبات ..تفضلووو

[dr.loly]

رومان مالقيتيش..؟؟ ف امازون
معناها مش متوفر ف اي بي اميركا




بس توا نحطلك رابط الموقع ببريطانيا لو عجبك شئ يمكن يوصلوا لامريكا..؟

والصور كيف ماتقولي مانعين النسخ متاعهم عشان التصميمات حصريه لهم

نفس جو الدبنهامز واغلب مواقع هنا


هذا خديته يهبل وخامته حلوة تمشي مع حممونا ب ليبيا

هههه هذا مقياسي للشراء ديما الخامه



بالاضافه ان طويل وفيه كاب كم يقولوله\

\
هذا خديته لاختي وخديت منه ع دمي لاختي صغيره عجبهااا



وللاسف هذينا من قوقل من موقعهم مانعين النسخ مافيش فائدع ع محاولات

[dr.loly]

هذا موقعهم اقل شئ مايقعدش ف خاطرك بم انك حامل
تفرجي حتي تفريج بس

http://www.romanoriginals.co.uk/page/home
بالنسبه للخامات ع ضمانتي حاجه رووووعه..

وحتي الانجليزيات عشان دبش غالي عندهم

يعتبر هذا رخيص عندهم وديما يشكروووووا فيها

توا منزلين دبش الصيف يعتبر بسيط اكثر من موسم ربيع
والشتا قبله ممكن تلقي منهم شوي حاجات ف جهة السيل

[اوشي]

السلام عليكم ورحمة الله

[اوشي]

كيف حالكن ياحلوت ..

حبيت انسلم .. اشويات ونرجع

[saly.me.91]

اهلا بيك يا ام فراس كيف حالك وحال عويلتك
جوهرة حتى انا من طرابلس مواليد 91 وعندي ماشاءالله تبارك الله اربعة صغار>>>تخمس على روحها
وقريبً نطق اربعة سنين زواج
وينً يقين يابنات من شافها او سمع عنها اخباااار

[جوهرة ليبيا]

السلام عليكم ورحمة الله وبركاته

[جوهرة ليبيا]

فروسه جنوده واوشي وسالي

كيييييييف حالكم ياحلوات

سالي

ماشاااااااااااااء الله لاقوه الا بالله

اللهم احفظهم من كل شر

ربي يخليهملك ويرزقك طاعتهم ويحفظكم ليهم

وياااااااااارب اتشوفوهم زي ماتبوا

[هدية الخالق]

السلام عليكم ورحمة الله وبركاته
كيف حالكم كلكم سامحوني مانقدرش نعلق عالردود خاشة مستعجلة نبي نفضفضلكم ونبي مساعدة والله نبكي بدموعي ونكتب
اختي العروسة قاعدة علي ماهيا عليه مافيش جديد وقبل شوية خبرتني اختي الثانية قالت جابوبها شيخ يقرأ عليها وقاللها شاربة سحر حسبي الله ونعم الوكيل في هالناس اللي ماتخاف ربي قالت والله يقرأ عليا واني نرعش ونبكي بأعلي صوتي ونحس في روحي في دوامة وكأنه حلم وقالت رجعت حشاكم وقالوا حماواتها شفنا يوم الدخلة في الليل مراة مقعمزة علي جنب وابصر شني تقطع في شبشب اسود قطع قطع صغار استغربوها بس كانوا وقتها مشغولين وماعطوهاش اهمية ماخطرش علي بالهم بكل
والمشكلة قالت كارهة حوشي وراجلي ولما نمشي لحوش شيابيني نحبه عادي وجوي مليح ونضحك ولما تروح نفسيتها تتعب وتبكي
ولاحظتها حتي قبل العرس بفترة بسيطة مش علي طبيعتها تقولي كرهت خطيبي وندمت إني وافقت عالعرس ومعاش خاطري نرد عليه نسمع في صوته زي الشيطان اعود بالله منا ونحسابها من الخوف بس ولانها حاساته بعدها علي اهلها قعدت نضحك عليها ونقووللها طبيعي مشاعرك توا ملخبطة توتر وتعب وجري وتجهيزات وتخميم في الزواج في حد ذاته
اتاري القصة اكبر من هكي
عموما طمنها للشيخ قاللها طالما رجعتي كويس ووصاهم يفتحوا سورة البقرة ديما وان شاء الله خير يارب اشفيها شفاءا لا يغادر سقما
والله مشغولة وخايفة عليها مووووت نخمم فيها مسكينة منين جاها هالشي اللي لا عالبال ولا الخاطر وبوي وامي مساكين مايرقدوش من التخميم وطبعا امي ملخبروهاش مايبوش يرعشوا العريس خبر بوي بس وربي يستر والله قلبي معاها ادعولها بالله عليك وجعتني اعريس ماتهنت بايامها حتي الاسبوع ماحنت ولا شي وماهيش جاية لاهلي حاليا لين تمشي امورهم علي خير
يااااااااارب مالينا غيرك يارب من اراد بي او بأهلي سوءا فاجعل كيده في نحره واجعل تدبيره تدميرا عليه

[جوهرة ليبيا]

لاحول ولاقوه الا بالله العلي العظيم

حسبها الله ونعم الوكيل

ربي يرزق وخيتك الشفاااااء العاجل وينتقم من الظالمين ويجعل كيدهم في نحرهم

والله قعدت نرعش مع بعضي نعرف هلللبه قصص زيها

بس الحمد لله

الحمد لله رجعت السحر وباذن الله حيرزقها ربي الراحه والشفاء في هالايام يااااااااااااااااااااارب

واهم شئ قرائة القران ونبهوها علي صلاتها وانها ديما تتوضا وتستغفر لان السحر ياثر عالعبادات والله اعلم

وربي يسمعنا عليها كل اخبار طبيبه

توكلي هدهد علي الله وادعيلها


ربي يحفظكم

[هدية الخالق]

السلام عليكم صباح الخير
بارك الله فيك جيجي الغالية علي الدعاء والنصائح ربي يسمع منك يارب ويحفظك انتي وعويلتك من كل شر
والله من لما سمعت واني في عالم ثاني سرحانة ونتخايل فيها قدام عيوني ماراحتش من بالي وجوي تعكرررررررر وشادة علي لساني حسبي الله ونعم الوكيل وبس حتي راجلي خاطري منخبره لساني ارتبط ماجتنيش الجرأة ماعرفتش كيف نبدأ وشن نقول مش مصددددددقة ربي يفرج عليها ياااارب
عندي كأني سمعت هالقصة علي حد بعيد ماكأنه هالشيييييي صار لاختي