تجمع للمتابعات بمدينة الملك فهد الطبيه

[جويداء]

المشاركة الأصلية كتبت بواسطة هدوء الماضي

الصراحه كنت ابغى اولد فيه لان زوجي يشتغل بشركه بينبع واهلي بالرياض بس ماقبلوني يقولو جيبي تحويل من المستشفى للي تابعتي فيه بينبع وانا حالتك خطير او حملك غير ثابت او عنقودي يعني شروط تعجيزيه وغير كذا ولا فيه مستشفى قبلني بالرياض ل
واضطريت اولد بخاص على حسابي مدري وين اروح المره الجايه ؟؟؟

حالتك نفس حالتي اهلي بالرياض وزوجي بمدينه ثانيه وجيت اقدم على الملك خالد الجامعي قالولي مايصير لازم تفتحي ملف قبل الاسبوع 21 وانا كنت بالشهر السابع يعني رفضوني

جيت اقدم بمدينة الملك فهد الطبيه قالولي لازم تحويل من المستشفى اللي اتابع بها طلبت تحويل من المستشفى قالولي ما نعطي تحويل الا للحالات الحرجه ...!!!!

ورفضوني مدينة الملك فهد الطبيه


قلت اشوف الامير سلمان

صراحه يوم دخلت الطواريء ما ارتحت ابدا المستشفى مررره قديمه ..

باقي الشميسي ما جربتها ولو فيه مستشفيات حكوميه ثانيه غير اللي قلت علموني

غير الحرس والعسكري وهالاماكن ما تقبلني لان زوجي موظف مدني وليس عسكري ..!

وبالنهايه رجعت لبيتي وزوجي وفكرت اولد عن اهل زوجي ثم اسافر الرياض لاهلي ومعي البيبي اقضي نفاسي عندهم طريقتي هذه صح ولا لا وانا بكريه اقدر اسافر بعد الولاده باسبوع مثلا ؟ ولا فيها خطورة علي او على أميري