تجمع الجزائريات الغاليات المتأخرات في الحمل ‏

[امال3]

المشاركة الأصلية كتبت بواسطة ام عمر و هبة

السلام عليكم و رحمة الله و بركاته واش راكم يا زينات

ام نهى ربي يرجعلك راجلك بالف خير قولي امين
امل واش راكي حنونة راني كتبتلك على الشعير و المعدنوس والله غير مليه للالتهابات

صبورة حنونة واش حوالك صح صبورة كيما اسمك ولا شوية برك ربي يفرج عليك
الما ولميا واش راكم ان شاء الله تكونو بخير
مال واش راكي مع الحمل ربي يتمم لك بخير

الحمدله وايسلمك او اعلى الوحم مزال ما كين ولو الحمدله انا في اولدي كان الوحم اخفيف

[Nourelhouda]

السلام عليم و رحمة الله تعالى و بركاته واش راكم الزينات لاباس!؟!؟ البارح مادخلتش قلبت الدار سافيل على عافيل الميناج و بدلت الدكور تاع الصادون واععععع،،،،،،
البنات خاية نهدر هدرة و مادابية تكون الاخيرة،،،،،
اولا خلاص ماكان واحد يزيد يتحسس من واحد اخر من فضلكم قبل ما نكتب رد نقراو الف مرة و نحاول نفهم الف مرة الهدرة تاع العضوة قبل الرد و اذا كاشما عندك معاها كاين الخاص
ثانيا بصفتي مشرفة" هههههه رجعت لهدرة امل جديد" اذا زدت لقيت اي مشادات بيناتنا نحلف اني راح نكونتاكتي ام ارجوان و نقوللها تغلق التجمع،،،،،رانا تبهدلنا ديجا لوكان تدخل تقرا واش رانا نكتبو و المشادات و الله تغلق. ام ارجوان ،،،،، على هذي خلاص ،،،،غير احنا رانا ناكلو في بعضانا تقول ضراير ههههههه،،،،،،، من فضلكم قلت نرجع نحل صفحة جديدة و نهدرو في الحاجات المفيدة ،،،،و نفرحو لبعضانا بالحمل ،،
ثالثا التجمع غيرت اسمو انا بعثث رسالة لام ارجوان و قلتلها تنحي هذيك العبارة الاخيرة تخليه خاص بالجزائريات بحت،،،،،، و اللي حابة تدخل من اي جنسية اخرى مرحبا بيها بلا مانكتبوها،،،،،
رابعا واش راكم لاباس توحشتكم بزاف،،،،،
نورالهدى حنونة واش راكي لاباس واش راكي مع الوحم!؟!؟!؟ بداك و لا مازال
عبورتي تروحي بالسلامة راح نتوحشوك ماطوليش علينا ياالزينة انت و ليلك و البيبي ،،،،،،
ام نهى ربي يشافيك و يرجعلك راحلك سالم غانم يارب،،،،، العراق شابة قلتلك بلي عشت فيها اربع سنوات كانت من اروع السنوات تماك،،،،
امل جديد ربي يشافيك شحال نكره الانفيكسيون يسود سعدها ماكاش واحد يبدل و يغسل و يمسح قدي و هكذاك نهار حكمتني هبلت بصح حكمتني مهبلية و ماشي هذيك القاوية لالا يعني حكة فقط بدون افرازات،،،،، درت تحاميل و بومادة و الحمد لله،،،،،
امينة لاباس مولات الساك هههههههه
صبورتي الزينة لاباس
شكران غفران لاباس
ام عمر و هبة لاباس
امل 3 لاباس ربي يخفظلك اولادك و يرزقك بنوتة
لاميا الزينة لاباس توحشناك هذي غيبة
امومة لاباس حنونة
ريحانة لاباس واشراه ميدو الزين
مريومتي لاباس واش راه نيسو الزين نسيبي العزيز
سهام واش راكي لاباس!؟!؟
باربي الزينة لاباس!؟!؟
اسماء ليال لاباس
حورية لاباس
امة الرحمن وين راكي ياعمري طلي علينا توحشناك ربي يشافيه راجلك و يحفظكم و يرزقكم كل خير،،،،
علابالكم راسي وجعني و انا نحاول نتفكركم ههههههههههه الله غالب الزهايمر و ماداير فيا بصح حبيباتي راكم كامل في قلبي ربي يحفظكم اجمعين و يوزقكم كل خير ،،،،،،،،،،،،

[AMAL JADID]

اهلا نور الهدى واش راكي ياك بخير؟؟؟


شفتي انا لوكان حكمتني في نهار خلاف معليش هاذي المرة التانية الي نشد موعد للتحليل و منروحش
اما النضافا ماشي السبب نهار تعول عليك تعول هههههههههه كيما انا
المهم الحمد لله درك خفت بزاف

درك انتي تانيك جايا تهددي فينا تغلقيلنا التجمع
و جايا كاتبا جرنان نص نهار باش تقراياه ههههههههههههههه

[ام عمر و هبة]

الله يسلم هذاك الفم الي يوزن كلامو يا اختي نور الهدى و يجعلك ديما تنوري التجمع و انت ثاني ربي يفتح عليك وعلى البنات كااااااااااااامل

[AMAL JADID]

نور الهدى وين راهي نور اليقين؟؟؟ مبانتش كااااااااااااااااااااااااااااااامل

[الشاكرة -لله]

اهلين نور الهدى راكي كي القمر حنونة ,,,, يسقسي عليك الخير و الهناء ,,راني لاباس الحمد لله و الوحم بداني قتلك بالدوخة و دوكا كملت عليا حاشاك لي ناكل نرد

[غفران شكران]

السلام عليكن أخواتي واش راكم حنوناتي ربي يناولكم اللي في بالكم. وتفرحوني واش راكي هدهودة ، ام عمر ،ام مصعب ،سهام. ،أمال 3،ام نهى ،ًصبورة،،،،،،،،،،امولتي أكيد ختامها مسك الغائبات والحاضرات تحياتي القلبية واش أمولة ان شاء الله ريحتي ربي يشافيك ويرزقك واش الأخبار انشاء الله تكونو بخير بدا الجو يسخن رانا انسحبوا في كرعينا وبسيف ينوض الواحد ويشعل الميكرو ويقضي نصف ساعة يقرا في الأرشيف ربي يعمر حجوركم أجمعين ، حقى امل ديري البول أعوكم الله في زجاجة شفافة وتشوفيه في الضوء وادا بنلك Trouble اي ضبابي من الأحسن أخذ الدواء وعدم الاكتفاء بدوا عرب.

[ريحانة امها]

السلام عليكم.......واش راكم ........ان شاء الله لاباس

[AMAL JADID]

المشاركة الأصلية كتبت بواسطة غفران شكران

السلام عليكن أخواتي واش راكم حنوناتي ربي يناولكم اللي في بالكم. وتفرحوني واش راكي هدهودة ، ام عمر ،ام مصعب ،سهام. ،أمال 3،ام نهى ،ًصبورة،،،،،،،،،،امولتي أكيد ختامها مسك الغائبات والحاضرات تحياتي القلبية واش أمولة ان شاء الله ريحتي ربي يشافيك ويرزقك واش الأخبار انشاء الله تكونو بخير بدا الجو يسخن رانا انسحبوا في كرعينا وبسيف ينوض الواحد ويشعل الميكرو ويقضي نصف ساعة يقرا في الأرشيف ربي يعمر حجوركم أجمعين ، حقى امل ديري البول أعوكم الله في زجاجة شفافة وتشوفيه في الضوء وادا بنلك trouble اي ضبابي من الأحسن أخذ الدواء وعدم الاكتفاء بدوا عرب. Hwaml10

اهلا واش اخبارك بخيييييييييييييييير
صح راه سخن الحال ربي معاكم انتوما تماك بزاف الحال سخون
درك نشوف بصح الحمد نقس بزااااااف

المشاركة الأصلية كتبت بواسطة ريحانة امها

السلام عليكم.......واش راكم ........ان شاء الله لاباس

ريحانة ماكيش تباني تطلي و تهربي هههههههههه
ارواحي والله توحشتك عندنا مدة طويلة

واش اخبارك ؟؟

[ام عمر و هبة]

المشاركة الأصلية كتبت بواسطة صبورة

ام عمر و هبة
واش راكي حنونة
راكي سقسيتي على اسم صبورة
شوفي ما نقدرش نزوخ عليك و نقولك انا و الصبر خاوا..بصح نحاول قد اللي نقدر نمثل هاد الكلمة الكبيرة..و فعلا راني صابرة على بزاف حوايج في حياتي رربي يجعل صبرنا اخره الفرج ان شاء الله..

يا حبيبتي صبورة الصبر يقولو عليه المفكرين هو الطريق الى النجاح و نيل المراد و و هو مفتاح الفرج و ثاني كي تخلطيه مع الايمان راه يبعث فيك راحة البال و السكينة و الطمئنينة و هذ الحوايج ما يتشراوش بالمال ربي يعوض صبرك خير و فرج لا مدى له قولي امييييييييييييييييييييييييييين