تجمع الجزائريات الغاليات المتأخرات في الحمل ‏

[أم نهى الجزائرية]

يا اختي الما انا نقولك علاه حطتها لانها دخلت اخت معانا تعتبر جديدة في التجمع و القات السلام وحتى وحدة ما ردت عليها و من بعد زادت دخلت الاخت امل و هي ردت عليها و بالرغم انو باقي الاخوات لقدم كانو موجودات لاكن ولا وحدة عبرتهم ككانهم مش موجودين خلاص و حتى انا غاضني الحال كي قريت الارشيف

و من بعد ولاو يقولو بالي التجمع ولا يسد النفس و بلي راهم يجيو يقراو الارشيف و كي يلقاو الي ما يعرفوهمش مل يحبوش يدخلو و هادي كلمة تقيس تاع الصح يعني الي في التجمع ماشي مرغوب فيهم ومش معمرين العين و زيد كلام يترمى هاك و هاك تقولي رانا في لاكراش ماشي نسا واعيات و مثقفات هذا يقلق بالسيف و اقري الارشيف مليح وحطي روحك في بلاصت اي عضوة جديدة كنت في التجمع و يتحكى هاكذا عليه

و زيد هاد التجمع ماكانش هكذا احنا كي جينا الغاشي كامل رحب بينا و حكاو معانا و بالشوي دخلنا فيهم و ولاو يحبونا وجمي لوحدة قالت كلام كما هطا لاي عضوة جديدة

[alma021]

لالا يا امل اختي مادام دخلتي هنا فالتجمع معناتها قاع رانا عايلة وحدة انا مالغري ماكنت نعرف حتى وحدة بصح كنت نقولهم واش راكم قاع

[امال3]

السلام لبنات انشاء الله اتكونو بخير او خليونا من الحسسيا الزيدا قدر الوحد اقول اكلام او منبعد يندم

[alma021]

ام نهى شوفي مش معناتها كي ماردوش السلام ماقيموهاش لالا وقاع رانا دخلنا فالاول وكنا جدد ونورمال مرات برك مايشوفوش الردود ومش شرط كي ماردولهاش السلام ماحبوهاش وديري في بالك بللي هادا التجمع مفتوح للجميع ومكان حتى عنصرية فيه ماعرفتش هاد الهدرة منيين راهي تجي ربي يهدي الاحوال وخلاص

[alma021]

اهلا امال 3 واش راكي حنونة والله مافهمت قلنا نفتحو صفحة جديدة بصح راهي باينة رح تبقى هاك

[أم نهى الجزائرية]

لبنات واش بيكم هذا واش قالت امل مسكينة ديما موراها و الله لحد الان ماكان حتى حاجة قالتها و كانت غالطة فيها من نهار حتى الي صححت للاخت كلمة ان شاء الله

بالعكس انا وليت نشوف بلي كاين هجوم و تحالف ضدها سبحان الله الانسان دايما يظن باخيه الظن الحسن ماشي الكلام دايما ياول على غير معناه

لبنات و الله ما والفتكم هكذا ما نيش حابة نحي الصورة تاع حباباتي لقديمة الي راهي محفورة في قلبي خلينا نتعاملو بمحبة و اخاء الله يخليكم

[AMAL JADID]

اختي الما بدلينا السوجي

راهم كثر من بنت هنايا قالولك بدلي السوجي مقلت والو مجرح ومقصت حتى حاجا
رحبت بيكم كامل

[امال3]

المشاركة الأصلية كتبت بواسطة alma021

ام نهى شوفي مش معناتها كي ماردوش السلام ماقيموهاش لالا وقاع رانا دخلنا فالاول وكنا جدد ونورمال مرات برك مايشوفوش الردود ومش شرط كي ماردولهاش السلام ماحبوهاش وديري في بالك بللي هادا التجمع مفتوح للجميع ومكان حتى عنصرية فيه ماعرفتش هاد الهدرة منيين راهي تجي ربي يهدي الاحوال وخلاص

انا انولي انعيطلك ملات القلب الكبير الحق ما اتفتي اعلى حتى وحد او كما قلتي كين لي ميقراش الارشف ولي حب يجاهل بينو او بين نفسو

[صبورة]

ام نهى
عيب تقولي على الحراير و الفحلات دراري في لاكراش..راكي ترمي فالكلام و خلاص..ياك قالوا نفتحوا صفحة جديدة مراهمش يتمسخروا
ما كان حتى وحدة طيحت من قدر الاخريات..واقيلا راكي تتبلاي...

[أم نهى الجزائرية]

لالا حنونة ماشي على السلام قلتلك حطو اكثر من رد و ولا وحدة ردت عليهم و رحبت بيهم كي شغل ما دخل حتى واحد

و على ترحيب زمان يخي قلت نفس لكلام لكنالحال راهو تبدل

و زيد حنا طوينا الصفحة لاكن احساسية مازالت كاينة لانو تاول كلام عادي الى شي اخر و هذا هو الشي الي راح يخرب العلاقة بين الاخوات لازم دايما حسن الظن يبقى هو الاساس حتى يثبت العكس