سيدات ليبيا الحبيبات ..تفضلووو

[dr.loly]

واااو تي وييييييييييييييينكم

معقوله كاتبه الرد من امس الظهر

لعشيه ثاني يوم

مافي حد........؟؟؟؟

[هدية الخالق]

السلام عليكم ورحمة الله وبركاته
كيف حالكم ؟

[هدية الخالق]

المشاركة الأصلية كتبت بواسطة جوهرة ليبيا

سوسو ربي يعاونك وان شاء الله ديما ملمومين

وراك تنسي هدرزينا عالعرس

هدهد كيف حالك وحال الاموره وبوها

اثري كيف حالك اليوم والسنافر وبوهم وحال اميمتك وكل عويلتك

اوشي اخبارك عسوله

امووووووووول كيف حالك ياحلوه وينك مغطسه فطوم خداتك

منا كيف حالها واخر تطوراتها

اني الاموره هاليومين بدت تنقلب ومعادش نقدر انخليها عالسرير او بروحها

وتعلمت اتحط البطانيه علي وجهها قصدها انجيها من جيهة رجليها وانديرلها تي تي

بديتي تلبسيها في توكات

اني طبعا ليا فتره بس الخفاف لاني انمووت فيهم ههههه

وقلة نومها ولله الحمد للاسوأ ماترقدش وزياده تعيط او تنقنق وطول الوقت تبي ترضع

اهلين جيجي سلمك نشاده احني كويسين والحمد لله إنتي كيف حالك وكيف حال رنوده وجمونه وبوهم ؟

[هدية الخالق]

المشاركة الأصلية كتبت بواسطة dr.loly

مرحبا هدووو كيف حالك وحال اسرتك كلها ووحبوبتك سوما
اي الشحن الحمدلله تريحنا خلاص يوم الاثنين

والشناطي مازال بدري عليهم هههههه
والدبش شحناه كله جديد
ودبش لي نلبسوا فيه خليناه كله بنعطوه لبنك الملابس الاسلامي متاع تبرعات
قبل مانطلعوا من الحوش لميته
حتي دبش العيااال متاع الصيف ولي جبنا معانا لي يصغر نلمه كله ويشيله زوجي

الشناطي نخلوهن فاضيات ماتنسيش قبل مانروح
بنلم اشويه هو مش شويه يعني مجموعه يعني انتي فاهمه اكيد الماكياج الخ الخ هههه\
بنلم من ماركة ماكـ
بس بنجرب الاول هنا مثلا زي ديبنهامز دور التجميل عادي يمكيجوك كتجربه عجبك به ماعجبكش الكواليتي نقصد ع وجك عادي عندهم
لكن ع العلن بالك يديورلي ستاره خخخخخ

وحاجات خفاف اخري
اخر يوم قبل شحن خديت ادوات سيلكون للمطبخ الامريكيات عاد انتم عندكم غادي ارخص
لان هذينا الاصليااات.. وخديت اكسسوارات خصيصا العقود القصار والمعبيات طالعات موضه
هنا بشكل رهيب ..



وان شاء الله ايام الفندق يقعد اخر اسبوع والسنتر طول تحت
ويستر الله..

وفعلا حاجات الصيف احلى عندك الحق خصيصا ملابس الاطفال شرينالهم جاكيتات
شتويه كلهم الصغااار

وتوا قلت كان خديتلهن قفلطين خير بعد شفت دبش الصيف نزل توا ف بريطانيا

عارفه حتي اقل ب سعر واسهل وارتب ماياخدوش حييز واجد

بس نصيب يلا حتي جاكيته من بريطانيا تجيهم ماعندهم مايقولو فيها هههه

وربي ييسرلكم اموركم

بس ننصحك ع قد ماتقدري ابدي ف هدايا بدري
خصيصا لو ناس واجد لي بتاخدولها زينا

والله سريييب دوختك ف محلات وانتي تخيلي هذه اتجي ولا ماتجش

وكرهم للحوش

اهلين فروسه كيف حالك وحال فروسه ولولي وبوهم وشن اخباركم بعذ التعب إن شاء الله تمام
وربي يعاونكم إن شاء الله والله أصعب حاجة حوسة السفر وخصوصا مع الصغار أني زمان جيت أخفيفه جبنا شنطين كبار لحوايجنا وشنطة صغيره للفندق وشنطة الاوراق والكمبيوتر فقط لدرجة ما تعبتش روحي في التجهيز بكري كان ليله صابحين منسافرو سهرت عليهم ستفتهم وخلاص مش هلبه كانو لأنه راجلي خلي أغلب حوايجه اهني ما روحش بيهم ليبيا كلهم هذا اللي سهل علينا كلا توا يستر الله سما بروحها تبي شنطين بالوسع من غير الهدايا وغيره وغيره ربي يسهل عليكم وعلينا
أني نخمم من توا وحتي المرواح مش معروف ههههه تعرفي نتحشم لما يسألو فيا أهلي عالمرواح من كثر ما نقولهم مازال مش معروف يحسابوني ما نبيش نروح هههههه اختي قاتلي شكلك ما خاطرك في مرواح لا إنتي ولا هو هههههه وسلفتي تهدرز معاي عالفايبر وكل تهدريزه تسألني أمتي بتروحي نين نعيا من نفس الجواب نقول في خاطري غير يحسابوني داسة عليهم قاتلي ماهو العيله قالو انكم مروحين في رمضان قلتلها لالالالا والله مافي منها هالدوه وما عمرنا عطينا موعد محدد لا أني ولا زوجي ديما نقولو مش معروف لأنه فعلا مش معروف ومش متقيدين بموعد معين لأنه زي ما تعرفي طالب الدكتوراة من حقه يمدد المده وراجلي مددها مرتين قبل
ربي يسهل عليه والله فكره مشروعه صعبه ومطلوب منا تكون جديده مش مكرره غير باهي ماشاء الله دماغه نضيف وعنده أفكار حتي في مناقشه الماجستير صمم محرك أو قطعه مش عارفه امتاع طائرة قلتله بعد هكي معاش ينخاف عليك ماشاء الله حتكون قدها

[هدية الخالق]

سوسو وينك وشن صار في العرس مشيتي والا لا ؟

[هدية الخالق]

يا بنات منساالكم لأني خاااااااايفه
قبل شويه كنت نقلم لسوما في ظوافر رجليها ولقيت جنب صبعها الكبير زي القشور خفت تكون أكزيما لسمح الله والله قريب مت معاش عرفت كيف نتصرف مشيت نجري دهنتلها صبعها بزيت زيتون مع العلم أول مره نشوفهم القشور ومش هلبه حاجة بسييييييطه خفت قلت باك عوينه وما قدرتش نقراء عليها لأنه الدورة قاعدة
والله حاااله وين ما نطلع بيها بيهبلوا عليها خصوصا الصينيين يقولولي كيوووووت و عيونها كبار وحلووات نقطة ضعفهم عاد العيون وهي راحت بتهبل عالناس شيفانه مسكينه هههههه وين ما تشوف حد حتي ما يكلمهاش تجري وراه وتسيبني وحتي نزلبح فيها نقولها ها مشيت عليك اقعدي بروحك ونمشي شوي نحسابها لا حقتني نلقاها مكملة طريقها وراء الناس وماهي معدله عليا
والله نحاول نرقي فيها ديما بأذكار الصباح والمساء المشكله ما تقعدليش نبدأ نجري وراها ونقرا وهي تجري وتحولي في يدي ما تبينيش هههههه
ربي يحفظها بحفظه إن شاء الله ويبعد عليها العيون يااارب

[هدية الخالق]

جنوده اتوره سوسو أوشي جنوده ام معاد ام وسونه فيفي خوله
ليكم وحشه شن اخباركم كلكم
هيا أني سلااااااااام لأني كسدت والباين مافي حد بيخش
لو بتمطر كانت غيمت
السلام عليكم

[هدية الخالق]

صباااااااااااااااااح الخيرات عالحلوات
تي وينكم العفو إن شاء الله خير بس غريبه امبكري معادش طل بعدي حد ؟؟؟؟؟
كلا توا اكيد في سابع حلمه نوووم العوافي إن شاء الله
احني الساعة عشرة إلا ربع راجلي مشي لصلاة العشاء في المصلي اللي في المبني وباهي حن عليا ورفع معاه سما قبل ديما نترجى فيه وما يبيش علي خاطر جارنا فلسطيني يجيب في ولده معاه للصلاة والولد مشاااااااااااغب حتي أهله يشكو منا وراجلي قال تو يدير حاجة لسما وحني نصلو هذا ليش ما يبيش يرفعها
كلا توا لقاني شارقة في العشي ونعارك فيها رفعها وخلاص اااااااااه توا بروحي مستجمه ههههههه
وعشاي مقطع فاااااايح امممممممممم علي قولة سوسو هههه
خطرها علي المقطع منحكيلكم موقف طريييييييييييف ومحرج في نفس الوقت هههههه صاحبتي الليبية اللي اهني صارلها الموقف هذا اليومين اللي فاتو
طبعا هيا فيها عادة تفتش في تليفون راجلها كل ما تحصل فرصه مع إنه راجلها ماشاء الله عليه كويس وما ينخافش عليه لكن هكي هي موسوسة ديما تشوف وراه في الرسايل والدردشة امتاع الفايبر والواتس أب
المهم .....اليومين اللي فاتو كانت مدايرة عشأهم مقطع ويديها دقيق وحاصله امشي راجلها خش للدار يصلي في العشاء وهيا لقتها فرصه مشت تجري للتيليفون فتشاته وريحت دماغها وولت لتقطيعها امشي راجلها جي بياخد تليفونه شكله لقي عليه اتار دقيق قالها يا ريتك غير مسحتي يديك من الدقيق قبل ما تفتشي التيليفون امشي المراة من الرعشة مسكينه بدل ما تقوله لا والله ما مسيته التيليفون ترا شن قاتله ؟؟؟؟
قاتله لا والله إلا مسحتهم هههههههههههه وااااااااااك عالجووو ولله قريب مت عليها بالضحك قالت قعدت نبرر في موقفي ونقوله كنت نشوف في الساعة لأنه تليفوني لاعبين بيه الصغار قالت ويقولي ضاقت عليك خلاص معاش في ساعات في الحوش
والمشكله هيا ساعة الميكرويف قدامها في المطبخ معناها عذرهاااااا مش مقبول
قالت حتي حمق لكن في الأخير قعد يضحك وشادها عليها

[هدية الخالق]

هيا بسليمتكم منمشي نصب المقطع تو قريب يجو
وعلي فكره راجلي مخلي تليفونه زعما نفتشه هههههه لكن المشكله كملت التقطيع وغسلت ايديا معاش فيها كيف هههههه
نبصر راهو هههه مستحيل نفتش وراء حبيبي واثقة فيه ثقة عمياء والحمد لله هو قد الثقة وبشهادة الجميع واولهم أصحابه لما بيتكلمو علي بناويت والا حاجة برات الطريييييق يقعدوا يتهامسو ويقولو اسسسسسسس الشيخ فلان معانا علي راجلي قصدهم طبعا
مسميينه شيخ علي خاطر جوه مش زي جوهم وما عنداش عالدواوي الفاضيه
وحتي النساوين اللي يشوفو فيه كيف يقولولي يا سعدودك النوعيه اللي زي راجلك انقرضت
ماشاء الله ماشاء الله راني نعيط عليه ونعينه ههههه

[sosolibya]

صبااااااااااح الخير..

كيف حالكم , تسلمولي غوالي بارك الله فيكن..

كيف حالكم كلكم..

الخميس كان بيان حماتي ولهذا أنشغلت شوية عليكم ,,