اللي بتفهم في المكياج تدخلي بسرعة

[Orchid109]

هلا حبيبتي

ايوة الاشياء اللي ذكرتها هذي هي الاساسية وهي خطوات المكياج سواءً الثقيل او الخفيف

بالنسبة للهايلايتر والكونتورنج اهم حاجة بالميك اب الان لانها تنحت لك وجهك نحت

انا انصحك

تتطلعي على اليوتيوب مكياج واختاري المكياج الاجنبي ابعدي عن المكياج العربي
لانو المكياج الاجنبي خفيف ورايق ويعلموكي حبة حبة

وادخلي منتديات المكياج اللي تتبع احدث صيحات الموضة في المكياج والبشرة

مو مواضيع منقولة والسلام ! انتبهي لها النقطة

بالنسبة لليب ستيك هذا مرطب شفاه معه لون خفيف وتقدري تحطي قبله حمرة بلون خفيف وتكملي بعدها على الليب ستيك

اهم حاجة بالميك اب الاطلاع على الاسهل والتطبيق

بعدين اذا اتقنتي الميك اب نجي لمرحلة شراء الفرش وهذي هي اهم نقطة بعد ماتتقني المكياج وحابة تتفنني فيه

الماركات

الماركات اشتري الماركات اللي نصحتك فيها

من خبرتي فيه ماركات عالمية مامشت معاي ! وفيه ماركات كويسة زي ميبلين وريفلون اعطتني نتيجة روعة وبنفس نتيجة الماركات الغالية !

عموماً بما انك مبتدئة بالميك اب عندي لك هالنصيحة :

ابدي بكريم cc من ماكس فاكتور هذا خفيف جداً على البشرة ويعطيك تغطية ممتازة بالنسبة للهالات استخدمي معها خافي عيوب من ريفلون, وبعدها تقدري تحطي بوردة للتثبيت وانتبهي تكثري الميك اب

بعدها حطي كحل( تعلمي على اليوتيوب كحل القطة) وانصحك بكحل من ميبيلين هو جل + الفرشة حقته معاه سعره تقريباً ب 25 ريال !

وداخل العين ارسمي كحل ازرق او بيج لاني بصراحة ماحب الكحل الاسود جوا العين الا للعيون الكبيرة!

حطي الماسكرا من ماركة ميبلين الصفراء وكثري منها على رموشك

بعدها استخدمي اي حمرة خدود ولا تكثرين عشان يطلع منظر فيسك متناسق ويفضل استخدام لون بينك وبتلاقي حمرة خدود كثيرة ورخيصة من ماركة ميبلين او ريفلون ونتيجتها روعة بصراحة

حطي شوية حمرة على شفايفك وبعدها مرطب الشفايف سواء شفاف او مرطب بلون


وبس هذي طريقة ميك اب سمبل جداً

ملاحظة :

حاولي تكرري هالطريقة وبالذات طريقة الكحل ولو اتقنتيها

ابدي ادربي على وضع ضلال العيون شوي شوي مو ظروري يكون ضل قوي

ابدي بالابسط ثم الاصعب !


بعدها ابدي اشتري لك كريم اساس من ماكس فاكتور او ميك اب فوريفر للتغطية الخفيفة يعني اذا فيسك صافي ومافيه مشاكل حبوب وكذا

او

اشتري ماك للتغطية القوية لو عندك مشاكل في فيسك محتاجة تغطيها

ومع الماركات اللي ذكرتها لك في ردي فوق


بالنسبة للكريمات اللي تستخدميها قبل الميك اب

انا صراحة ماحط اي شي قبل الميك اب الا اذا كانت بشرتي جافة احط كريم مرطب اي كريم وانتظر لحد ماتتشربه البشرة وبعدين ابدى الميك اب

او فيكي تستخدمي البرايمير اللي هو مرطب + مثبت للميك اب وبعدها تبدي الميك اب


اذا انتي بشرتك جافة لازم تستخدمي البرايمر او اي كريم مرطب


عندي ملاحظة مهمة لازم تنتبهين لها

ممنوع انو تستخدمي حمرة خدود وفيها لمعه اي حمرة خدود فيها لمعة ابعددي عنها مرو مو كويس
وتبين فيسك غير متناسق ومرة مبهذل الميك اب !


وبس ان شاء الله تكون وضحت بالنسبة لك

بس يفضل تتطلعي على مقاطع الميك اب الامريكية او اي اجنبية ثانية بلاش من العربية
تجيك صعبة وخطوات طويلة

موفقة