سيدات ليبيا الحبيبات ..تفضلووو

[اوشي]

المشاركة الأصلية كتبت بواسطة هدية الخالق

السلام عليكم ورحمة الله وبركاته
كيف حالكم كلكم سامحوني مانقدرش نعلق عالردود خاشة مستعجلة نبي نفضفضلكم ونبي مساعدة والله نبكي بدموعي ونكتب
اختي العروسة قاعدة علي ماهيا عليه مافيش جديد وقبل شوية خبرتني اختي الثانية قالت جابوبها شيخ يقرأ عليها وقاللها شاربة سحر حسبي الله ونعم الوكيل في هالناس اللي ماتخاف ربي قالت والله يقرأ عليا واني نرعش ونبكي بأعلي صوتي ونحس في روحي في دوامة وكأنه حلم وقالت رجعت حشاكم وقالوا حماواتها شفنا يوم الدخلة في الليل مراة مقعمزة علي جنب وابصر شني تقطع في شبشب اسود قطع قطع صغار استغربوها بس كانوا وقتها مشغولين وماعطوهاش اهمية ماخطرش علي بالهم بكل
والمشكلة قالت كارهة حوشي وراجلي ولما نمشي لحوش شيابيني نحبه عادي وجوي مليح ونضحك ولما تروح نفسيتها تتعب وتبكي
ولاحظتها حتي قبل العرس بفترة بسيطة مش علي طبيعتها تقولي كرهت خطيبي وندمت إني وافقت عالعرس ومعاش خاطري نرد عليه نسمع في صوته زي الشيطان اعود بالله منا ونحسابها من الخوف بس ولانها حاساته بعدها علي اهلها قعدت نضحك عليها ونقووللها طبيعي مشاعرك توا ملخبطة توتر وتعب وجري وتجهيزات وتخميم في الزواج في حد ذاته
اتاري القصة اكبر من هكي
عموما طمنها للشيخ قاللها طالما رجعتي كويس ووصاهم يفتحوا سورة البقرة ديما وان شاء الله خير يارب اشفيها شفاءا لا يغادر سقما
والله مشغولة وخايفة عليها مووووت نخمم فيها مسكينة منين جاها هالشي اللي لا عالبال ولا الخاطر وبوي وامي مساكين مايرقدوش من التخميم وطبعا امي ملخبروهاش مايبوش يرعشوا العريس خبر بوي بس وربي يستر والله قلبي معاها ادعولها بالله عليك وجعتني اعريس ماتهنت بايامها حتي الاسبوع ماحنت ولا شي وماهيش جاية لاهلي حاليا لين تمشي امورهم علي خير
يااااااااارب مالينا غيرك يارب من اراد بي او بأهلي سوءا فاجعل كيده في نحره واجعل تدبيره تدميرا عليه

لاحول ولا قوة الا بالله العلي العظيم ..

ربي يشفيها شفاء لا يغادر سقما .. عندي ملاحظة هدية بحكم تجربتي الخاصة

1- لايعني انها رجعت معناها تخلصت من السحر فالسحر قد يكون ماكول او مشروب او تخطي

او مشموم او مسموع وكل واحد طريقة خروجه تختلف والاهم من الترجيع هو اخراج خادم السحر

من الجسد وذلك بالرقية الشرعية الخاصة بالسسحر سماعا وشربا ودهنا

2- الله الله الله في صلاة الفجر والاذكار الصباحية والمسائية والنوم

وسورة البقرة لو قدرت تقراها عقب كل صلاة فجر وسترى العجب العجاب

3- الصدقة وما ادراك مالصدقة

4- الاستغفار والحسبنة وقول لا اله الا الله وحده لا شريك له له الملك وله الحمد وهو على كل

شي قدير

5- قيام الليل ولو بركعتين

6- الدعاء والتضرع لله والبكاء بين يديه

وربي يشفيها ويتدنصرها على اعدائها ويقوي عزيمتها

المشاركة الأصلية كتبت بواسطة dr.loly

اوشي شخبار الحلوين ومذاكرتهم
اكيد طوارئ عندك عاد لاطلوع لا خشوش

خطرتي عليا زمان ماما ايمان الامتحااانات

ياروحي تقعد ف هي وباتي غل شن تبوا يدلعوا فينا ههه

خصيصا خويا الوسطي مايحبش قرايه

اخباري تمام ياحلوة ..

وانت شن اخبارك توة والعيال وبوهم .. والتعب في الامتحانات مانحكيك

ان شاء ربي يرد تعبا ويكافينا بنجاحهم

المشاركة الأصلية كتبت بواسطة أم أجنادين 80

السلام عليكم

كيف الحال بنات

انا يوم الخميس تعبت في المعهد , شربت عصير في الفصل بديت نحس بدوخة طلعت رجعت

وخشمي في دم وقلبي ينبض بسرعة

مشيت لمستشفي الجامعة قالت مانقدرش نديرلك شي لازم تمشي لدكتورتك

اتصلت بالدكتورة طبعا ردوا عليا الاستقبال قالت توا نسال الدكتورة لو تقولك تعالي او امشي للمستشفي

استنيت شوية اتصلوا بيا قالو تعالي

شن هذا والله مرات من النظام لين مزودينها

ماتمشيش للايميرجنشي الا بما بتموتي

والدكاترة كلهم بالمواعيد

مهم مشيت القتني ناقصة 4 كيلوا

وانا عندي امساك

صراحة عقدتني الدكتورة قلتلها عندي امساك قالتي طبيعي لو تبي نعطيك ملين

شن هوا حسب راي انا انتي الدكتورة وتفهمي

مهم قالتلي تبي نبعثلك للمستشفي يعطوك تغذية قلتلها اكيد نبي نعوض شوية

واعطتني عطلة اسبوع من القراية مشكله المعهد هدا قوانينه صعبة مايعترفوش باذن غياب

مشيت للمستشفي ودارولي تغذية

وزيادة درولي تحاليل دم الممرضة جت قالتي كل تحاليلك كويسة ماعدا عندك انخفاض في هرمون الغدة الدرقية

جت دكتورتي سالتلها عليه قالتي عادي يصير هيك اثناء الحمل

لما روحت قريت عليه في النت القيت انه ياثر علي ذكاء الطفل

بالله شن بندير مش مفروض تعطيني علاج يعني هرمون يعوض النقص هدا

وموعدي الجاي 6\5

بنتصل غدوة ونسال علي باقي التحاليل

بس هما من قبل لما نتصل نسال علي نتائج التحاليل مايعبروش فيا

قلت لراجلي هدا موضوع خطير مرات نقول اني تعبانه هلبة ونبي نشوف الدكتورة هيا كذبة بس هدا موضوع خوفني


مني عندها فكرة بنات

قالولي عصير الجوافة والزنجبيل ينقص من الوحم مني منكم مجرباته

هلا حبوبة ..

ربي يعنيك وان شاء ماهناكش سو .. والدكتورة احكيلها بكل شي اتحسي بيه حتى مخاوفك

وربي يتمملك علي خير ويرزقك ربي بطفل سليم ومعافى وبكامل صحته


بالنسبة للزنجبيل والعسل هذوم عن تجربة يخففو الوحم والترجيع

كنت بنكتبها لك من قبل بس المباوعة السريعة دايرتها في

وقبل ماننسى المضغ بالماستكة او اللوبان راهو يسببو في سماكة جدار الرحم

وبالتالي مايكونش فيه لية وربما تتعسر الولادة .. بعيد السو عليك

ان شاء الله نسمع عنك الاخبار الطيبة

ولا ضر من الرقية

[اوشي]

جيجي شخبارك ياقمر انت وقوراتك

[اوشي]

سوسو ..

اخبارك ياحلو انت العيال

[اوشي]

سوسو ..

اخبارك ياحلو انت العيال


اثورة وينك ياعسل ان شاء الله غيابك خير

[dr.loly]

جنوده لاباس عليك

هو الامساك طبيعي يصير بس تقدري تاخدي حجاجات طبيعيه
زي عصائر مثل برتقااال وخوخ وعندك الكرموووس الجاف رهيب للامساك
متوفر لو عندكم محلات خصيصا الشامين ولبنانين تلقيه

بالنسبه للزنجبيل فعلا وحتي نا نفس اوشي بنكتبه لك نسيت

نصحوني واجد ايام حملي به قالولي اهم شئ ماتكثريش

وانا بطبعي نحب نطيب به ديمااااا بس ماتقبلتش اني نرشه ع سلطه...




هو احسن حل للوحم نفس ماحكيتلك قبل يمكن ماشفتيش كلامي ان المعده ماتبقش خاويه مده
ساعتين حتي ان نصائح متخخصي الطب ف هالموضوع طول يقول خلي حاجه زي بسكوت
قبل ماتنوضي من سريرك تاخدي طرف هكي المعده ح تلهي ف الهضم ومايصيرش استفراغ
او ارتفاع لحمض المعده

[dr.loly]

ان شاء الله بنجاح اوشي
بعد التعب حتجنوا احلي الثمااار
بعد يفرحوك بالشهادات

[أثري في مدادي]

الســــــــــــــــــــــــــلام عليكم ورحمة الله وبركاتـــــــــــــــــــــــــــــه

كيف حال الغوالــــــــــــــــــــــــــــي ؟؟؟

وباركــــــــــــــــ الله في قليب حنين
سأل علي
أو افقدني
أو حتى ما فقدنيش

ربي يحفظكم ولا يحرمني منكم ~~~~

[أثري في مدادي]

تغيبي
مشغووووولة
شويات
والوقت يتبخر
مرات نحط اللاب في حجري آخر الليل
نلقى
راسي طايح عليه
ودودي علي رجلي انهز بيهااااااااااااااااااااا
ونكون ما لحقتش فتحت شيء !!!!

الاستيقاظ مبكرا
عندي مداراسات ع السكايب

قيلولة غاليا ما فيش
عندي مسجد

فجاعانة نوم

عندي
شوية تفريغات
واختبارات

وفي اعلان عن دورة
في
رسالة الدماء الطبيعية للشيخ العثيمين
ورسالة معنى لا إله إلا الله للشيخ بن باز
ستقوم
بشرحهما
أم حذيفـــــــــــــــــــة حفظها الله المجازة من الشيخ مقبل الوادعي رحمه الله
بمسجد الفواتير
بهضبة البطاطا
بعد العصر
من يوم الاثنين
ربي يوفقني لحضوووووووووورها

ِِِِِِِِِ~~~~~~~~~~~~~~~~~~~~

[أثري في مدادي]

هدووووووووووووووووووووو

أولا ،،،،،، مبارك على اوخيتك

ثانيا ،،،،،،،، ربي يفرج كربها ويسهل أمرها
** رد بالها تمشي لشيخ مش مظبوط راهو يزيد الطين بلة ، وهالمشعوذين يستعينوا بالجان ، فباش يسكت الجان اللي فيها يزيد يدخلها جان ثاني ، ويبدا الصراع بينهما الزوز !!!!!!!!!!!!!!!!
بالإضافة غلى أنها امتى تستيعين بساحر حتقطع صلتها بالله عزوجل
ولازم تتعرفوا على علامات الساحر وشن الأسئلة اللي يسأل فيها والطلبات اللي يطلب فيها
لأنهم يبدوا سحرة ويتستروا بالقرآن والدين ،،،،،،،،، فضحهم الله

** تستعين بالله ولتتيقن أن هذا ابتلاء من عند الله لحكمة عظيمة ، وسيرفع بإذن الله ، وهي في مقام المجاهد توا فأجرها عظيم

** تنظيف بيتها من أي صور ذوات أرواح للحديث الصحيح :" لاتدخل الملائكة بيت فيه صورة أو كلب "
وكان الملائكة مش موجودين ،،،، شكون بيكون فيه !!!!! الشياطين عافانا الله

** التلفاز وعدم مشاهدتها وسماعها للغناء المحرم ومعازف الشيطان فهذا من الأمور التي تؤخر وتعرقل العلاج
لأن العلاج يحتاج عدم توفير الجو الرائع لهذا المعتدي

** الاستمرار على قراءة القرآن ،،، مهما تعبت لابد من ذلك ،، والذي يتعب حقيقة هو الشيطاااااااان
وحينما تنهك تضع السماعات في أذنيها بالقرآن
وبإذن الله سيفررررررررررر ولن يحتمل

** أذكار الصباح والمساء والذكر في كل وقت وكل حين

** لعل في هذا الابتلاء عودة لله وإعادة ترتيب أولويات ،،،،

** التيقن أن الشيطان مع التوحيد والعبادة لا يساوي شيئا " إن كيد الشيطان كان ضعيفا "

** س/ هل هي مصفحــــــــــــــــــــــــة ؟؟؟؟

وطمنينا عليها ،،،،،،،،،،،

[أثري في مدادي]

جنوووووووووووووووووووووووووووووووووووووووووووووووو ووووووووووووووووودة

ملايين التبريكـــــــــــــــــــــــــــــــــــــــــــ ـاتــــــــــــــــــــــــــــــــــــــــــــ
للحبيبة
التي
ستقر عينها برؤيـــــــــــــــــــــــــــة
أجنادين أو أخوها
أو هما معاً ~~~~~~~~~~~~~~~~~
من أروع
وأسعد
وأجمل
الأخبار اللي سمعتها هالأيام ،،،،،،،،،،،،،،،
اللهم لك الحمد والشكر

وبالنسبة للوحام
ما عتقدش في حد يتوحم زي وحمي !!!!!!!!!!!!!!
لكن
مع ذلك نرفع في ايديا وندعي ربي يسخرلي الحال
أيام وتفوت
وبشوفة فلذة كبدك يهون عليك كل شيء

لا ناكل
لا نشرب
لانغسل
لانهدرز
لانضحك
نقال مصكر
حاسوب مصكر
غرفة مظلمة
وجه في زاوية الدار
لازوج
ولا ولد
ولا أم
ولا أب
ولا أحــــــــــــــــــــــــــد
يعني لي شيئا
قيء مستمرررررررررررررررررررررررر
إبرة تغذية مستمرررررررررررررررررررررة
لابلع للريق

ننزل بـــــــــــــ 18 أو 20 ك في أشهر الحمل الأولــــــــــــــــــــــــــــــــــــــــى
ولكن
كله يهون
قدام تلك العيون الممتلئة براءة وحب
ربي لايحرم منهم مؤمن

آآآآآآآآآآآآآآه ذكرتيني ،،،،،
واللي تتوحم هلبة
حيجيها الترزين
والدهاش
والجياب
ديما خفيف
مقااااااااااااااااااااااارنة
بالوحم

الزنجبيل طيب ،،، خفف علي هلبة ناس
ربي يكون في عووووووووووووووونك