تجمع الجزائريات الغاليات المتأخرات في الحمل ‏

[احلى شيء الاموموة]

المشاركة الأصلية كتبت بواسطة bassouma

أمومة الحمد لله و إن شاء الله سمانا الجاية تسمعي نبض الجنين و تفرحينا معاك ربي يثبته و رزقك ولادة ساهلة

تعيشي بسومة ان شااء الله ياا ربي يتمم حملي ويثبتو ياا رب...وربي يفرحك ان شااء الله وتكوني حاامل انت وكل محرومة ياا رب

المشاركة الأصلية كتبت بواسطة rayhana05

بسومة لاباس حنونة و انتيا واش احوالك ؟؟؟؟؟
ميدو راهو راقد ضركا و كي تنفحلي نرقد انا انوض هو

امومة حنونة ان شا ءالله ما اكون غير الخير يا رب
قداش عندك من اسبوع؟؟؟؟؟؟؟؟؟؟؟
وزيد واش هذي الطبيبة الي تقلك هكا نورمالمون كاين و الا مكانش ؟علاش متبدليهاش ؟
ان شاء الله ما اكون غير الخير
كاين الي يتوخر نبض الجنين عندهم باسكو الحمل وقع متاخر
فوضي امرك لله و ان شاء الله ما اكون غير الخير و الخطرة الجاية تشوفي دقات قلب جنينك في الايكو و تسمعيهم و تفرحي
نسقسيك الايكو دارتلك فاجينال و الا من الفوق؟؟

ان شااء الله ريحانة ربي يحفظلك وليدك ...عندي7اسابيع و5 وايام حسب ما حسبت في النت مي هي قاتلي الحساب نتاعك متاخر في الايكو مام المرة لي فاتت رحتلها الاسبوع السادس قاتلي ما زال مابانش مع انو الحمل لي فات شفت النبض في الاسبوع السادس ....واليوم قاتلي راه كبر على المرة لي فاتت والنبض ما بانليش بلاك حمل متاخر ...
ما عملتليش ايكو فاجينال عملاتو من فوق ...
ان شااء الله ربي يكتب لي فيه الخير ...واش رايحة نعمل لازم نصبر ونفوض امري لربي ....الحمد لله على كل حال...

[bassouma]

ريحانة راني لاباس نحمدو ربي في هذا الوقت
أمومة قوليلي على حرارة أنا كانت غير 36.6 متفوتهاش حتى لبارح كنت 27 من دورة كانت 36.9 و ليوم 37.1

[احلى شيء الاموموة]

بسومة ان شااء الله حمل ياا رب انا تاني هكدا حتى للايامات الاخرى طلعت 37.1 و37 ما هبطتش على 37 حتى فاتت الدورة بيوم لقيتها 37.4 ..خليها على ربي ..شحال ما زالك على الدورة؟؟؟

[bassouma]

أمومة أميييييين شكرا على دعواتك هذي طبيبة باينة بلي متعرفش دير إيكو شوفي وحدة خرا كيما قالت ريحانة

[احلى شيء الاموموة]

[احلى شيء الاموموة]

[rayhana05]

المشاركة الأصلية كتبت بواسطة صبورة

ريحانة
واش راكي حبيبتي
علا بالي ماتصبريش عليه يا عمري بوسيه لي...
و شكرا على الدعوة الطيبة يا رب يسمع منك..

واش صبورة لاباس شويا كاش برد عندكم و الا والو ؟
بسومة حنونة زيدي اصبري شويا بالاك حمل متأخر برك و مازال ما ابانش
قداش عندك روطار؟؟؟؟

[احلى شيء الاموموة]

[rayhana05]

المشاركة الأصلية كتبت بواسطة احلى شيء الاموموة

تعيشي بسومة ان شااء الله ياا ربي يتمم حملي ويثبتو ياا رب...وربي يفرحك ان شااء الله وتكوني حاامل انت وكل محرومة ياا رب


ان شااء الله ريحانة ربي يحفظلك وليدك ...عندي7اسابيع و5 وايام حسب ما حسبت في النت مي هي قاتلي الحساب نتاعك متاخر في الايكو مام المرة لي فاتت رحتلها الاسبوع السادس قاتلي ما زال مابانش مع انو الحمل لي فات شفت النبض في الاسبوع السادس ....واليوم قاتلي راه كبر على المرة لي فاتت والنبض ما بانليش بلاك حمل متاخر ...
ما عملتليش ايكو فاجينال عملاتو من فوق ...
ان شااء الله ربي يكتب لي فيه الخير ...واش رايحة نعمل لازم نصبر ونفوض امري لربي ....الحمد لله على كل حال...

يقدر يتأخر حتى الاسبوع الثامن باش تقدر تشوفو و الا التاسع حاجة عادي
بصح كون دارتكل فاجينال كان احسن ممكن كانت قادرة تشوفو اليوم
معليش كل عطلة فيها خير حنونة
تفاءلي خير و ربي ما يكتب غير الخير ان شاء الله
ربي افرحك بشوفت نبض جنينك و افرحك بيه كل شهر تشوفيهازيد شويا حتى تحمليه ما بين يديك
متقلقيش روحك حنونة و ان شاء الله خير
ربي افرحكم كامل يا رب

المشاركة الأصلية كتبت بواسطة احلى شيء الاموموة

بسومة ان شااء الله حمل ياا رب انا تاني هكدا حتى للايامات الاخرى طلعت 37.1 و37 ما هبطتش على 37 حتى فاتت الدورة بيوم لقيتها 37.4 ..خليها على ربي ..شحال ما زالك على الدورة؟؟؟

ان شاء الله يا بسومة اكونلك حمل و نفرحو بيك انتي تان يا رب
و كل البنات

[ام عمر و هبة]

اهلا بكم يا البنات حبيت نحكيلكم شوية على رحلتي مع الانجاب بس تدعولي
انا عندي مشكل في الهرمونات و عدم التبويض وين دويت مصبت علاج خرجنا للخارج والو كل الاطباء خيبوا املي في الانجاب ما عطونيش ولا فرصة واحدة للتنشيط او علاج او طفل انابيب عندي 8 سنين زواج ما عنديش مامبا فرصة في طفل انابيب درت اشعة الصبغة خرجت مليها الحمد لله بصح المبايض عندي صغار مافيهمش بويضات و الحمد لله بديت نداوي بالاعشاب و الحجامة و الرقية و الحمد لله مرة بعد الحجامة رحت عند طبيب دارلي ايكو قالي كاين بويضة في مبيض واحد صغيرة جدا و الله العظيم من هذاك الوقت ونا نهدر غير على هذك البويضة مامنتش
و في عام الماضي رحت عند وحد الطبيبة قلتلها شافت التحاليل هرمون الاف اس اش مرتفع المهم شدتني باش تعملي تنشيط و فعلا على حسب قولها لمدة 3 شهور خرجتلي بويضة وصلت للحجم 30 انا مافهمتش اذا هذا شي صدق و لا لا بصح مصارش حمل زوجي قالي وقيلا كذبت عليك لخطرش دتلي بزاف دراهم دخلني الشك رحت عند طبيبة اخرى عملتي ايكو فجنال قالت لي عندك بويضات صغار بزاف لازم تنشيط في ما بعد زوجي محبش باش نزيد ندير تنشيط لان البويضات لي يطلعولي فارغين بكيت حتى كرهت
من هذاك الوقت و انا كل شهر نتمنى نكون حامل هذا شي طبيعي في المراة من الرغم من ان الامر صعب علية الا انه لا ياس مع الله دعواتكم لي في ظهر الغيب