تجمع الجزائريات الغاليات المتأخرات في الحمل ‏

[AMAL JADID]

المشاركة الأصلية كتبت بواسطة alma021

امة صبورة امومة يعطيكم الصحة على الترحيب ههههههه قعدت نقرا فالارشيف قريب رقدت ههههه
امومة ربي يفرحك غدوا انشاء الله وتسمعي النبض
امل بسومة واش راكم جميسلة اهلا برجوعك
لبنات عيطت لنور مقبيل وراهي مسلمة عليكم بزاف وقالتلي بللي ماعندهاش النت في دارها
وحبيت نقولكم حاجة البارح رحت درت تحليل الحمل الهرموني البارح كان عندي 27 يوم من الدورة وخرجلي سالب مكاش حمل 0.46 معناتها ماعندي مانطمع هادا الشهر

شعال راه يدير التحليل اختي الما و شعال يقعد باش يبان

سلميلي على نور و الله يسلمها و يعطيها واش تتمنا

[lamia zina]

شفتي الما هذا لي حابة نقولو اذا راح الم الثدي قبل الدورة معنتها ما كاش حمل

[lamia zina]

حقا الما شكون نور نور الهدى و لا نور اليقين..................

[أمة الرحمان السلفية]

اه اه ياصبورة العزيزة فكرتيني في القطة كنت لوستي المزوزية انا فيتتها بعام مربية قطة هذيك القطة كرهتني في القطوط ربي يسمحني المهم انا كنت اجهضت وبعدها درت عملية كان عندي وحد اربع ايام ملي درة العملية وكانت اختي عندي تخدم عليا وانا حالتي حالة ولدة القطة ناضو ايوجدو باش يديرولها اسبوع ولله غير هذاك اليوم غضتني روحي وبكيت حتى شبعت درو قاطو تع القهوة وقاطو تع الشاي ومشروبات انا تخلعت اول مرة نسمع القطة يديرولها سبوع وبعد عرفت المثل ليقول الهدرة عليا ومعنة على جارتي فهمت بلي رهم يقامرو فيا يالي مولتيش انخرجولك قلبك ياسيدي طيبو قهوة وقاطو ومشروبات وخيورات من كل شيئ جات ليا قتلي اروحي تشربي معنا قهوة قلتلها لاه قتلي سبوع تع القطة قلتلها لالا راني عيانة زعفة ورحت عرضو اختي ودارو حفلة وكي جاء زوجي قتلو اروح تكل الفال قللها واش من الفال قتلو سبوع تع القطة قللها ارفدي عليا تشوفي بركو ماتتمسخرو القطة ذان يدورولها سبوع زعفو ودار حالة ولة مايهدروش معيا اه اه اه واش نحكي واش نخلي

[AMAL JADID]

المشاركة الأصلية كتبت بواسطة lamia zina

شفتي الما هذا لي حابة نقولو اذا راح الم الثدي قبل الدورة معنتها ما كاش حمل

هرمون الروجسترون ينزل قبل الدورة بيوم و نزولو ينزل الدورة
و هو الهرمون الدافيء و الي يقيسوه بعض المترقيات للحمل لانو يبيون وقت التبويض ووقت نزول الدورة
واكيد راه يتءثر بيه الثدي و خاصة الحلمات
و اختفاء الالم قبل بيوم معناه مكاش اكيد حمل

[lamia zina]

امة الرحمان و الله غير عيب عليهم انت لي فيك يكفيك و هما يزيدو يقامرو ربي يهديهم ..انا نقولك الحق مانحبش كامل الحيونات نربيهم لا عصفور و لا قطة ..و لااي شئء...

[AMAL JADID]

أمة الرحمان السلفية
هم يبكي و هم يضحك
القطة و السبوعي
ربي معاك نقلك الحق لوكان اانا نروح للقطا نجيفها ههههههههههههه

ذ
ذ
ذ
ذ
ذ
ذ
ذ
ذ
ذ
ذ
ذ
ذ
ذ
ذ
ذ
ماشي القطة الحيوان
القطة البنادم

[lamia zina]

امل جديد راني فاهما عليك و راني جربت مرتين اعراض الحمل و اجهضت في الاسبوع العاشر انا قلت واش حسيت من قبل و ما نقدرش ننسى هذاك الاحساس .و ممكن كل واحد و اعراضو الله اعلم بصح ما تدخلش راسي حتى انو لما اختف الم الثدي عندي كان ذلك بسبب موت الجنين فهناك علاقة بين الم الثدي و الحمل .
صبورة عندك الحق كون غير جيت كيما انت ما نتقلقش كل حاجة بامر الله

[احلى شيء الاموموة]

تعيشي صبورة ربي يفرحك اختي ...كون نقولك انا كي دخلت لداري هادي لراني ساكنة فيها لقيت الدار كا مل مفرشة بالريش الابيض ناع الحمام والله تشوفي الكوزينة والكولوار والبيوت تقولي واحد دخل وفرشها ...باب البالكون تحل ودخل الحمام وشبع..كنت غايبة شهر ونص وكي دخلت ليها وشفتها قلت ياا رب فال خير الارض بيضاء والريش ابيض ان شااء الله نربح على هذي الدار ويلعب فيها ولدي ونسمعو يبكي ويحسس فيها ...ويااا رب يكمللي باميتي يااا رب....
انت ثاني ان شااء الله تربحي والله يقولو القطة لي تولد في بلاصطك ولا دارك والا فراشك فال خير ...وربي يفرحنا كااامل....تفاءلوا بالخير تجدوه....

[alma021]

امل التحليل درتو ب 70 الف يعني 700دينار جزائري مايطولش ساعتين ولا ثلاثة برك
لاميا نور الهدى خالة حسونة هي اللي هدرت معاها ههههه اسمحولي نسيت بللي كاين نوارات هنا بزاف