دردشة حوامل من الشهر السابع للتاسع ( جديد )

[هتووف]

ضغطي يستهبل طالع نازل>_< الله المستعان

وكلة كوم ووجع اﻻسنان كوم تاني الله يكتب لنا اﻻجر

بالنسبه للضغط اللي ضغطها مو ثابت يولودنها بدري بطلق صناعي
والضرس حطي عليه زيت القرنفل وتمضضمي بغسول للفم وان شاء الله يخف واذا مانفع روحي للطبيبة أسنان بتعطيك بنج موضعي وتريحك

أبفهم .. كيف عرف أنه تمام

> مدري لييييه أحسهم م يفهمون :(
* عاد أنا مسويةة الفاهمه عندهمم *

وآخر الاعراض اللي حسيت فيها .. ألم زي الدورة بس آقوى بس ما معاه مغص
ويروح ويجي م يستمر

الشهر التاسع يوتر

ههههههههه أمي عرفت انها قلبت من شكل بطني ورحت موعدي وسويت أشعه وفعلآ طلع الراس تحت

وانا مثلك بعض الاحيان يجني هالمغص قالو لي طلق كذاب والدكتورة ده الرحم بيتهأ للولاده انت اذا بتعرفين انه حقيقي أوكذاب وجاك هالألم

تحممي بماء دافي واشربي مويه يروووح ع طول اما الحقيقي يستمر كل خمس دقايق ذا كلام الدكتورة

[fajr]

طلبت من الدكتور أشعة وقال لي م يحتاج وم تخافيش خالص :(

..

طيب رجولي لما ادعس عليها توجعني أحس كأن بطن القدم متورم
مع اني نفس رجلي مو متورمه بس ألم مع المشي
+ أني لي ثلاث ايام أمشي لمده نصف ساعه تقريبا

والجنين حركتهه خفت كثير وسألت الدكتور وقال لي طبيعي !


#فيه افرازات بيضاءء كثير مدري ايش السبب !

[هتووف]

فجر رجولك أتوقع من المشي وانا بعد بديت أمشي ويجني ذا الألم بس اذا وصلت البيت انقعها بمويه دافيه ويروح


والأفرازات ما أقدر أفديك ؟؟



وأخيرأ تعلمت وعرفت للتوقيع غيرته وردي نزل علي الذكاء اليوم بس حطيت الرابط الأول أنتم أي رابط تحطون ؟؟

[!اميرة الورد!]

المشاركة الأصلية كتبت بواسطة هتووف

فجر رجولك أتوقع من المشي وانا بعد بديت أمشي ويجني ذا الألم بس اذا وصلت البيت انقعها بمويه دافيه ويروح


والأفرازات ما أقدر أفديك ؟؟



وأخيرأ تعلمت وعرفت للتوقيع غيرته وردي نزل علي الذكاء اليوم بس حطيت الرابط الأول أنتم أي رابط تحطون ؟؟

انا احط الرابط الثاني

ماظبط معي الاول والاخير

[زحمة حكي]

السلام عليكم ورحمة الله

كيف حالكم كروشات كرشه كرشه

مبطيه عنكم وحشتوني النت سيئ عندي جداً واكتب من جوالي لابي يبي له فورمات
المهم الحمدلله دخلت السابع من يومين الشريط مقدمني على اخر قياسات موعد ولادتي 19/6 ميلادي يونيو
كنت عايشه برعب خاصة انه حمل عزيز ولي تجربه ولاده مبكرة ف السادس قبل كذا ، ان شاء الله ربي يعوضني بهذا الحمل ويسهل علي وعليكم جميعاً ويرزقنا اطفال سليمين معافين يارب.

طبعاً ماجهزت ولا شي لان كنت مشتريه نص السوق لحملي السابق ب مالي نفس الحين وبكتفي بها وبشتري اغراض النفاس والصيدلية بالشهر الاخيرر .

اميره الورد ممكن تسوين لي توقيع ع حساب الدكتوره الجديد .
وايش سبب انها كل مره تنقصني اسبوع مو ناقصهه

[رنيم1]

السلام عليكم كروشات
انا بالشهر السابع وعندي الم في السره خاصه أذا طووولت بالجلسة او شغل البيت وطالع لقدام
وخايفه يصير شئ في الشهور الجايه ... ؟
ربي يهونها علينا يارب

[اميرة الجماال]

هلاااا بنات
منورين كلكم الله يسهل عليكم

سكررر
هلااا وغلاا ياقلبي
بشرتنا بولادتك وحده ناسيه اسمها بس جد فرحت لك مرررررره
هههههههههههههههه لاني كنت اترقب ولادتك وانتي ماتبين
واتقفل التجمع
المهم ..اخبارك واخبار البيبي ياررب انكم بخير
وكيف الولاده لوووول>>>انتظر دوري ههههههه
وش نظامك بالنفاس من ناحية السمكره ههههههه احس اني ضايعه مدري ووش اسمكر وش اخلي هههههههه

مااام صغيره
مايشووف شر ولدك ..طمنينيا عنه اذا طلعت من المستشفى!!

[هتووف]

أميرة

بغيرة أحط الرابط الثاني شكراً لك

[Orchid109]

مرحبتين حبيباتي اخباركم وكيفكم مع الحمل مع استعداداتكم للولادة خخخ

بنات بجد انا عايشة برعب
قرات امس قصة وحدة تقول انو لها 7 اشهر من الولادة ولازالت متوسعة رغم انها خيطت
وتقول تشوف الاعضاء الداخلية مادري يابنات فعلن الكلام هذا والا حالات نادرة ؟!


اللي سالتني عن اسماء الاطباء

الدكتور عبدالعزيز الشهراني والدكتور بندر عبدالكريم بمركز بنون
هم استشاريين عقم ومساعدة على الانجاب + مناظير نسائية

يعني حتى اللي عندهم اورام ليفية وسرطانية لاسمح الله يروحون لهم
وانا سبق وسوالي عبدالعزيز استئصال لحمية والتصاقات مررررررة سهلة وبسيطة


بالنسبة للي ضغطها مرتفع الله يشفيها يارب
انا نصيحة الطبيب الاولى لي انو اقلل من الاملاح واكثر من شرب الماء

فحاولي تقللي الاكلات اللي فيها ملح او لاتضيفي لها ملح او ملح خفيف اقل من العادة كذا احسن

بالنسبة للي ضرسها يعورها
خلاص مابقى الا القليل ياحلوة حاولي تصبري لما تولدي
ماتسوى عليك تاخذي بنج وياثر على حملك

اخبر اختي نفس الشي وهي حامل راحت للطبيب وحتى مارضى يشوفها قال حامل تاخذ بس بندول
جربي بندول اكسترا كل 6 ساعات عند اللزوم فقط ويارب تخف عنك


البنات اللي يقولون بيشترون لنفسهم خخخخخخ

انا توني بادية اشتري لبنتي وماخلصت
الله يعين بس على مشترياتي

بس دام خلصت ملابس البنت اكيد هانت

والله وش اقول وش اخلي يابنات انا يبيلي ملابس كثيرة وتجديد للملابس
ملابسي مرة قليلة ليش

لانو بفترة الوحام صرت اشم منها ريحة التحاميل المثبته مع اني غسلتها كذا مرة
واستخدمت مرة اللينور ومرة الكلوركس تختفي ريحة المعطرات وتبقى ريحة التحاميل

فوالله ماتحملتها ورميتها في سله الملابس اللي بتروح للجمعية!

بس بشتري ان شاء الله اهم ملابس النفاس فقط

وبعدين من هنا للعيد بشتري شوي شوي على رواقة لي ول بنتي

[!اميرة الورد!]

المشاركة الأصلية كتبت بواسطة زحمة حكي

السلام عليكم ورحمة الله

كيف حالكم كروشات كرشه كرشه

مبطيه عنكم وحشتوني النت سيئ عندي جداً واكتب من جوالي لابي يبي له فورمات
المهم الحمدلله دخلت السابع من يومين الشريط مقدمني على اخر قياسات موعد ولادتي 19/6 ميلادي يونيو
كنت عايشه برعب خاصة انه حمل عزيز ولي تجربه ولاده مبكرة ف السادس قبل كذا ، ان شاء الله ربي يعوضني بهذا الحمل ويسهل علي وعليكم جميعاً ويرزقنا اطفال سليمين معافين يارب.

طبعاً ماجهزت ولا شي لان كنت مشتريه نص السوق لحملي السابق ب مالي نفس الحين وبكتفي بها وبشتري اغراض النفاس والصيدلية بالشهر الاخيرر .

اميره الورد ممكن تسوين لي توقيع ع حساب الدكتوره الجديد .
وايش سبب انها كل مره تنقصني اسبوع مو ناقصهه

يمكن حجم الجنيين صغير

بس انتي خليك على حساب الدورة احسن شي

ويمكن دكتورتك ماهي شاطرة الله اعلم

ها الشريط واذا حابه لون او تصميم ثاني اغيرة ترا ماياخذ وقت



وها الرابط

http://forum.hwaml.com/imgcache2/hwa...156014_639.png