اهلا باهل الجود والكرم **اهلا بسيدات ليبيا**

[أثري في مدادي]

أمولة ،،،،،
هلا بحبيبتي الغالية ،،،،،،،،،
عذرا لا أدري ما باله أبى أن يفتح معي المقطع ،،، سأحاول غدا
الشبكة اليوم ضعيفة جدا
وزادك الله حرصا على اتباع الحـــــــــــــــــــــــــــــــــــــــــــــــ ــــق


أعتقد أنني سأنام

على فكرة
أم وسونة طولت الغياب

وجنودة عاودت للتغطيسة

والسلام عليكم حبيبااااااااااااااااااااااتي
وبزايد
الحلوات اللي مسميتهمش،،،،،

[dr.loly]

السلام عليكم ورحمة الله وبركاته

كيف حالكن ياحلواااات جميعا
داخله ع السريع عشان التقييم ف الاداره كنت راقده ونضت
من حموضه .. شربت حليب وقلت نفتح نشوفكن ع سريع ونقييم


والف لاباس ع صغاركن يارب جميعا


سوسو ماتخافيش كيس ع المبيض ولا داخل المبيض اكيييد
ومرات يكوووون كيس وظيفي يعني طبيعي او عادي جدا

وحتي اختي جاها وحول
في وصفه طبيه شعبيه وهي اكليل الجبل والزبيب
ابحثي عليها ف النت لعلاج الاكياس اككيد ح تلقيها




بالنسبه ل الات اكيد ح نستعملهم عزيزتي
مش من النوعيه اللي ناخد الحاجة ونعزقها ف دولاب
لمجرد انها عجبتني فقط
كلهن بالنسبه ليا اساسياااات ..
اللي خديتهن ومش حاطتهن كنت ف القائمة
هنا غزل البنات وكب كيك

امما الالات الاخري فأغلبهن كينوود الماركة الامريكيه
الشهيره وطبعا في الوكيل امتاعها ف بنغااازي

والديلونقي والتيفال حتي هم فيه



لان... ايامات حوش هلي زمان قبل عشر سنين
عطلت عندنا محضرة الطعام طرف ف ميكسر انكير
ولاقينا له غياااار . وراحت الماستر شيف كلهاااااا ياخساره
بسب عطل بسيــــط... فطبعا من يومها عرفت اهمية قطع الغياااااار

خصيصا ان بلادنا اه وبسسس تبيلها بيش ماكل حاجة تخطر ف بالك
تفتحي ع نت فورا وتطلبيها مهما كانت وتجيك بكره مثلا نفس جو لي هنا
حتي التسوق للحوش والغدائيات وخضره وهكي ع نت ويجيك لبابكـ
نفس مادرت امس...

وبعدين ع فكره توا عندنا في مكتب خاااص عندنا ف بنغازي واعتقد فيه ف طرابلس اكيد
متاع مواقع شراء اون لاين زي امازون واي بي تشرو منه ويوصلوا من امريكا
واوروبا لعنده واتجي تستلم غرضك شخصيا من هالمكتب ,,,



يعني حاطة في بالي المووضوع اكيد
هذه ليش لتوا محتاره ف العجانااااات
بس نرد ونقول كينووود عشان الوكيل ديما نقول هكي ف عقلي

وهذا ليش انا كتبت الماركات لكل اله عشان نوضح ان في وكيلهن عندنــا في ليبيا


بالنسبه لعصاره الفواكه عزيزتي ماتعصرش ف الحمضيااات
وكاتبين عليها ملاحظة كبيره من براااااا

تعصر التفاح .. الكيوي ..جوافه ..انجاص ..فراوله وجو هذااا


اما عصاره البرتقاااال ..
فهي نموووووت فيهاااا لانها تذكرني بأحلي ايام بعد
كانت عند عيت جدي المولينكس بروحها وجدي مرحوم كان يحبها بكل
وعلي مادورنا وحده اصليه نفسها ماحصلنا بعدها انقطعت بشكل رهيب
الباقي مايتحملنش عصر عائله يعني تشغيل يومااااتي ف شتاء اكيد


ناهيك عن عصير البرتقال فريش
وكل ماتكون هالاله بروحها ع فكره افضل
يعني نا نفكر ف الاعطاااال لو كانت وظائفها اكثر العجانه
حتظطر كل مره نولعهاااا ع حاجة اخري
بدل مانخصصها للعجن فقط
لي حيكون شبه يومي ان شاء الله
لان زوجي يعشق خبز الحوش بأنواعه..


وشن اخري معش اتذكرت تساؤلاتك هههه

بالنسبه لطاجين الدحي ح نحطلك صورته بكره ان شاء الله

[dr.loly]

اغلب الصبايا لي يشرن ويخزنن او يهملن الاله لمجرد شرتها
عشان عجبتها او انبهرت به يمكن ماتكونش فنانه ف مطبخهااا
او تحب التفتليكـ وجو هذا او يمكن تكون تنباله ف غسل ومسح الاله خخخ
ونا ياسوسو مش هكي نوعيتي.. دام حاجه خديتها معناها نستخدمها لعند
مايريح فيها عمرها الافتراضي او يصيرلها شئ

واغلبهن ح ينحطن فوق الدولاب..زي كيتل وتوستر نفس ماركة روعه
وهنا اساسيات الفطور مش بعاد من ميكرويف يمكن يكون فوقهن
معلق ف دولاب وهنا تحت نفكر بجانب منه مسافه بسيطة الة الكابتشينو
وع جهة ثانيه العجااانه ان شاء الله بس نرسي ع نوع معين لان كينوود بروحه انواع واجد
وناخدلها غطاها الخاااص وباقي الالات ع حسب نشوف لي يصلح يكون فوق
ولي ف دولاب مثلا زي الات الكب كيك وكريب وصانعة الايس كريم والخباززه يمكن والبقيه
وحتي زوجي قال حنزيدو جهة ثانيه لان دولابنا ع شكل حرف ال L l

[خوله 2014]

المشاركة الأصلية كتبت بواسطة أثري في مدادي

خولـــــــــــــــــــــــــــــــــــة
السلة ديريها توا وحطي في حفاظة مغلقة وخليها علي احشوة بس

وديري حاجتك المعسلة وخليها من غير تعسيل وبعدين عسلي بعد ما تسلمي ،،،
راهو في صغار سلامتهم ما يخلوكش حتى تحكي راسك
مش نين تعجني وتعسلي
صغاري الحق ربي يحفظهم ليا
ثلاثة شهور ألأولى
عذااااااااااااااااااب

وربي يقيك من هذه النوعية من " الفم المفتوح والعيون المصكرة ""
ويرزقك بالطفل الهاديء الصحيح المعافي يااااااااااااااااااارب

بارك الله فيك اختي اتري العزيزه علي النصائح وان شاء الله ايكون في ميزان حسناتك
وبالنسبه للحلويات اولا عندي صديقة علي اساس بتساعدني وتانيا المشكله ان توا علي اخر اخباري الطفل فارسي فلهدا احتمال عمليه وان شاءالله ربي يفكني منها فلهدا انطول باش اندير لمه وصعب اندير حاجة وتقعد شهر او اكتر
ان شاءالله خير يا رب

[sosolibya]

صباااح الخير والمحبة ..

إن شاءالله عزيزتي أثري يمشي بروحه بجد قلقني الموضوع هذا

وهو حجمه 4ونص في 4ونص وقالتلي لو فات 5يبدأ جراحة

وأنا خااااي لأني سمعت فيه من بعد الجراحة يكتشف أن حتى المبيض إنشااااااال

يارب يمشي بروحه يارب.

[dr.loly]

صباحووووووو

[dr.loly]

الطفل فارسي فلهدا احتمال عمليه وان شاءالله ربي يفكني منها فلهدا انطول باش اندير لمه وصعب اندير حاجة وتقعد شهر او اكتر
ان شاءالله خير يا رب

ان شاء الله خير اختي خووله
مرات يقلب البيبي في اي لحظة
وليش ماتجربي يقلبه لك دكتور او دكتوره
في ناس شاطره في شئ هذاااا
ماعليك الا بكثره دعاء وزي ماقتلك قبل اطالة السجود
والحبو

[dr.loly]

المشاركة الأصلية كتبت بواسطة اوشي

فروســـــــــــــــــــة .. جيــــــــــجي

وينكم

انا موجوده عزيزتي اوشتي
بس جيجي شغلتنا عليها وان شاء الله خـــير.,

وصحتين ع قوارب البشاميل وياحبي للباذنجال هههه

ع سيرة البشاميل اليوم بندير لازانيا ف طاجين كبير

لقيت الحليب مايسدنيش واااجد راحت فيه نسوه
ماطلبناش اول امس
شخبار السنافر الحلوين توااا
ان شاء الله افضــل..
واخر اخبار عرسانكم (خوك وسلفكـ)

[dr.loly]

والأحمر في المطبخ
ذوقي أنا أيضا ،،،،،،،،،،،،،،، أشعر بأنه أكثر لون يتلائم وجود بعضه في المطبــــــــــــــــــــخ
وزرت صديقتي من أيام
وجدتها قد أدخلت على الستيل الفضي أطقمها ذات اللون الحليبي بالخوخــــــــــــــــــــــي ~~~
كان رهيب
جلستها الملاصقة لمطبخها """ المعيشة """ صالون أسود أريكة والأخرى رمادي والوسائد الموزعة عليهما خوخــــــــــــــــــــي

حتي انا اثوره اخترته اولا لان يناسب ديكور وسيرامك مطبخي
ح يعكس عليهم حلو ان شاء الله
وجدا حلو لون صديقتك وتنسيقهااا

عندي وحده من خواتي العرايس
نسقك اكسسوارات وديكور مطبخها
ب التفاحي والفوسفوري الهادي
زي اطقم البهارات وفخار وبعض اطقم الفطور
وجو البسيط هذا متاع البشاره وصحن تخليط سلطه
الحاجات الخفيفه هذينا واجد هنا بس ههه شن بنذكر
لان كل ماتشري مجموعه يبعثولي ف صور

واختي الثانيه ع الاحمر وربي يهينهن..

[sosolibya]

هلا فروسة أنا عارفة أنك فالحة في المطبخ بجد إن شاء الله تستمتعي وتطيبي فيهم كل ماتحبي ,,

وياخوفي معاش تطلعي بكل من المطبخ ههه ربي يوفقك ويرزقكم كل ماتتمنو..