تجمع الجزائريات الغاليات المتأخرات في الحمل ‏

[basouma26]

المشاركة الأصلية كتبت بواسطة صبورة

بسومة26
باينة الدوا ماجاش عليك خلاص خلاص..ادا كانت الطبيبة خايفة من تسمم الحمل لانه حكمك في بنتك.. يبداو من درك يعطيولك تحاليل تعمليهم بلاك كل شهر و تعملي تحليل حشاك البول يشوفوا ادا فيه البروتين..يعني معاملة خاصة هكدا يقدروا يتحكموا في لاطونسيون ماشي مباشرة تعطيلك الدوا و انت فالوحم..شوفي كي تجي للدزاير ان شاء الله جيبي الدوسي معاك و روحي عند طبيبة تكون تعرف مليح و شوفي واش تقولك..و زيدي قراي في النت على تسمم الحمل كيفاش يتعاملو معاه بالنسبة للمراة اللي حكمها سابقا او اللي عندها اختها او امها حكمهم من قبل راكي تطيحي ي معلومات هايلة تفيدك و تنورك..
و على الدوا ادا حبيتي روحي من غدوة للطبيبة قوليلها ماجاش علي خلاص و ادا تقدري بدليها شوفي احسن وحدة و روحي ليها..انت راكي في فترة الوحم و فترة الوحم حساسة بزاف...و الدوا هداك قاوي عليك مادام لاطونسيون كانت مريقلة..

شوفي صبورة حبيبتي راهم اعطاوني التحاليل انتاع كل شهر اللي قلتي عليهم بصح على طبيب شاطر كامل كيفكيف راني نتبع عند السبيطار و عند جينيكولوج مرا بريفي و عند جينيكولوج راجل بريفي قالك هو المخير و ما كان والو راكي تشوفي حالتي

[محبوبة ميمو]

صباح الخير عليكم
بسومة يسقسي عليك الخير راني غاية
انتي وصبورة فكرتوني ب او يحيون كنت نحشم منها بزاف كان غير راجلي الي يهدر في بلاصتي
باغيا نسقسيك وين يديرو تحليل بعد الجماع
الطبيبة هي الي مدتهلك

[صبورة]

المشاركة الأصلية كتبت بواسطة basouma26

شوفي صبورة حبيبتي راهم اعطاوني التحاليل انتاع كل شهر اللي قلتي عليهم بصح على طبيب شاطر كامل كيفكيف راني نتبع عند السبيطار و عند جينيكولوج مرا بريفي و عند جينيكولوج راجل بريفي قالك هو المخير و ما كان والو راكي تشوفي حالتي

بسومة26
مزية عطاولك التحاليل كلل شهر..بصح على الدوا لازم تروحي و تحكيلهم واش راه صاري فيك..بلاك يبدلوهلك..ماتبقايش هكدا مضرورة..و الله غضتيني ربي يكون معاك و يخفف عليك..و يجوز الحمل انتاعك على خير و تولدي ولادة طبيعية ان شاء الله

[basouma26]

المشاركة الأصلية كتبت بواسطة صبورة

يا بسومة26
يا اختي لعزيزة ديما نقولوا نديروه احنا راهي قريبة لينا قسنطينة قلنا نبداو بالتلقيح الصناعي..بصح تجي السبة اللي تعطلنا و الله مافهمت والوا..اخر مرة بلاك عندها 20 يوم تفاهمنا نروحوا لما ياخذ roposانتاعوا على خاطر هو يخدم كل يوم و ماعندوش وقت حتى الويكاند يخدم..المهم في هاديك الليلة اللي من قبل جاتهم خدمة و دخل بعد نص الليل جا عيان ميت..و الصباح ماقدرش ينوض حتى لل12 وانا زعفت و قالي و الله مافقتش بروحي هو اصلا مشتاق بالرقاد في 24 ساعة يرقد 5 سوايع من الخدمة اللي بزاف..زعم انا وجدت الدوسي و زاهية باه نروح ماكتبش ربي ادعيولي ربي يسهل و نروح المرة هادي..

شفتي صبورة يعني غير مسالة عجز برك لازم تحرصي انتي زيريه و حتى اذا يجي عيان قوليله غير اصبر و خلاص مارانيش باغياتك ضيعي الوقت عولي و ان شاء الله نفرحو بيك في القريب العاجل يا رب

[basouma26]

المشاركة الأصلية كتبت بواسطة صبورة

بسومة26
مزية عطاولك التحاليل كلل شهر..بصح على الدوا لازم تروحي و تحكيلهم واش راه صاري فيك..بلاك يبدلوهلك..ماتبقايش هكدا مضرورة..و الله غضتيني ربي يكون معاك و يخفف عليك..و يجوز الحمل انتاعك على خير و تولدي ولادة طبيعية ان شاء الله

ان شاء الله يا رب

راني دايرة كي نروح للطبيب نقوله على الدوا سيرتو راجلي راه غير يزعف قالي حبسيه قالي تقولي راهم يعطوك دوا لمهابل بصح باش نوض و نخرج للطبيب و الله حاجة ما تتحرك في

[oum abderaouf]

السلام عليكم يا اهل الخير لبنااااااااااااااات لاباس؟
من هنا ؟؟؟؟؟؟؟؟؟؟؟؟؟

[ام بلقاسم الجزائرية]

صباح الانوار عليكم كيراكم يا الفحلات انشاء الله كامل لباس توحشتكم بزاف بزاف صبورة بسومة نور الهدى ومريم وكل البنات
سمحولي على الغياب را ه الحمل التاعي متعبني بزاف كل يوم نموت ونحيا الله يجيب الخير تخيلو اليوم راني كملت تسع اشهر ومكان والو ادعولي ربي يفتح عليكم

[أم نهى الجزائرية]

صباح الخير لبنات واش حوالكم؟؟؟؟؟؟؟؟؟

اسماء راني نستنى في لبشارة حنونة ربي يفرحك

انا راه المورال تاعي في الزيرو البارح تقابضت مع راجلي على الموضوع تاع الحمل قلقني وليت نشوف في الدنيا دور قدامي

تخيلو بقيت غير انا الوحيدة في لافامي تاع راجلي الي ماحملتش البارح برك سمعت بعروست خالتو راهي بالحمل عندها 3 شهر زواج

و الله غير غاضتني روحي و بكيت حتى ما قدرتش ماشي حسد حاشا لله مي سبحان الله الانسان قلبو لحمة و يحس الله غالب و كي قلتلو على التلقيح قالي ما نديرش راني قريب نهبل ادعيولي يا لبنات

[basouma26]

المشاركة الأصلية كتبت بواسطة mounira

لا حفاظات بعد اليوم ... بصصح المشكل في الجهة الاخرى ههههههههههه

ايييه يا امومة اختي .. انشاء الله كي ليوم

ههههههههه منيرة قتلتيني بالضحك هدا حل لريحانة و مريم و اخت نور الهدى اللي عندها حسونة بصح انا و عبير وين راه الحل انتاعنا

[الشاكرة -لله]

السلام و عليكم البنات كامل كامل نحبكم يا العزيزات عليا لاباس ؟؟؟
بسومة26 ربي يخفف عليك و يحفظلك الجنين ديري توقيع حمل باه نحسبو معاك ,,,, بسومتي عمري وش دير ؟؟
صبورة بسومة ام عبد الرؤوف لاباس ؟؟؟ وش الجديد
ام بلقاسم اهلا و سهلا ربي يسهل ولادتك و يفرحك بشوفة مولودك بصح منعرفكش حنونة عرفيني بروحك