تأثير الادوية على الحمل

[om jalal]

السلام عليكم ورحمة الله وبركاته
أنا حامل بالاسبوع الرابع ولكن أنا ذهبت لطبيب الاسنان وخلعت طاحونة العقل لأنها كانت موجعتني كتير وطبعا الدكتور أعطاني مخدر هاد أول شي
بعدها شربت أكمول كتير لمدة أسبوع عشان الوجع وكمان أخدت ابرة مسكن تحتوي على كورتيزون
وأيضا صبغت شعري
وكل هاد وأنا ما كنت أعرف اني حامل وكنت مستبعدة الحمل تماما
رجاء ساعدوني أنا خايفة يكون يأثر على الجنين لا سمح الله
أنا قلقانة كتير وهاد الموضوع ما بروح عن بالي
أرجوكم ردوا علي

[om jalal]

وبضيف كمان انو هاد الحكي أبل اسبوع ونصف

[يــارا]

اختي ان شاء الله ما في داعي للخوف لأنو مرة قريت على احد المواقع ان اذا المرأة بمراحل مبكرة من الحمل و تناولت اي دوا ممكن يضر بالحمل فالاحتمال الاكبر هو انتهاء الحمل واذا ما صار اي ضرر راح يستمر بشكل طبيعي وما يصير اي شي للجنين من تشوهات او بطيء نمو..وانتي عم بتقولي صار للشغالة اكتر من 10 ايام
لا داعي للخوف والافضل تسألي الدكتورة وهي راح تطمنك ان شاء الله
وكلـــي امرك لله

[يــارا]

بالنسبة للصبغة ما عندي فكرة وافية عنها
واكيد البنات راح يفيدوكي

[~~لحن الحياة~~]

بالعكس حبيبتي الضرر الكبير بيجي اول الحمل وما شرط انها لا تسمح الله انها تجهض او يصير معاها شي
هاد الي ماخدتو بأثر على التشوهات الخلقية عند الجنين
بس انا نصيحتي روحي واعملي كشف عن الجنين كامل لاجل الدواء الي ماخدتيه
بالسلامة حبيبتي ان شاء الله ما بيطلع شي الا كل خير غاليتي

[ام الشقرا]

روحى اطمنى على حالك

وبلنسبه للصبغه انا قبل لااعرف انى حامل بيومين كنت صاابغه شعري والحمدلله جبت بنت زززي القمر ماافيها شي

[صعب تنساني]

انه يوم رحت لدكتور الاسنان قالي اذا نتي طاف موعد الدوره تاثر الادويه عليج لكن اذا خذيتي الادويه قبل ما يطوف موعد الدوره ان شاء الله ما فيه مشاكل وانتي استشيري الطبيب وراح تتطمنين اكثر والله يتمم عليج على خير